Libros do Sarela [Creación]

Realidade e ficción. A novela/manifesto do artista portugués Leonel Moura.

Páxinas: 98
Medidas: 14×21 cm
Idioma: castelán
Tradución do portugués: Ramón Nicolás
ISBN: 978-84-89323-42-1
Encadernación: rústica con lapelas

Gianfranco andaba obsesionado polo contido das pequenas latas creadas por Piero Manzoni en 1961. Quería abrir unha delas para averiguar se eran realmente as feces do artista as que estaban dentro. Este é o punto de partida dunha novela fascinante que, mesturando xéneros (realidade e ficción, novela negra, diario íntimo, ensaio…), percorre a arte máis subversiva e incomprendida do século XX.

Realidade e ficción. A novela/manifesto do artista portugués Leonel Moura.

Páxinas: 98
Medidas: 14×21 cm
Idioma: galego
Tradución do portugués: Ramón Nicolás
ISBN: 978-84-89323-41-4
Encadernación: rústica con lapelas
Data de publicación 1ª edición: setembro, 2010

Gianfranco andaba obsesionado polo contido das pequenas latas creadas por Piero Manzoni en 1961. Quería abrir unha delas para averiguar se eran realmente as feces do artista as que estaban dentro. Este é o punto de partida dunha novela fascinante que, mesturando xéneros (realidade e ficción, novela negra, diario íntimo, ensaio…), percorre a arte máis subversiva e incomprendida do século XX. Traducida do portugués ao galego polo profesor e crítico literario Ramón Nicolás. Esta obra foi recoñecida co Premio da Edición de Galicia 2010 á Mellor Tradución do ano.

[1º Premio XLI Certame de Poesía Concello de Vilalba]

76 pp | 14 x 21 cms
ISBN 978-84-16460-10-6

«Unha alta sinfonía do amor onde todo é tocado polo milagre dunha luz que emana da palabra poética». De tal xeito define a profesora Teresa Seara, no Limiar de Adagio por outono, a paixón lírica que destilan estes novos versos de Modesto Fraga, escritor de longa e premiada traxectoria literaria que suma, aos moitos recoñecementos recibidos, este primeiro premio de 2015 no XLI Certame Literario do Concello de Vilalba.

Adagio por outono é unha homenaxe a aqueles poetas italianos que, no século XIII, foron quen de rachar coa tradición e situar á muller no centro da súa lírica e ao sentimento amoroso na cerna da súa revolución estética e da súa esperanza. Foron coñecidos como o Dolce Stil Novo.

Modesto Fraga escolle da tradición a arquitectura plena do soneto e dende ela transita ata o verso libre. Camiñamos, coa súa palabra, a través de Florencia, contemplamos a dozura dos lenzos de Rafael, abraiámonos ante o Pórtico da Gloria en Compostela, ou asistimos a un banquete poético onde se dan cita escollidas voces da literatura e da arte universais de todos os tempos.

Cada lector, cada lectora, atopará aquí poderosas razóns para vivir máis vidas e máis fondas a través da poesía e do amor.

Edición ilustrada bilingüe galego-castelán

Emma Pedreira

142 pp | 14 x 19 cms.
ISBN 978-84-16460-41-0

INCLÚE A “LISTA DA COMPRA DA VIÚVA”, PREMIO INTERNACIONAL JOVELLANOS AO “MELLOR POEMA DO MUNDO” (2017)

Os novos e premiados versos de Emma Pedreira. Unha edición bilingüe galego-castelán, ilustrada, na que a poeta reflexiona sobre as soidades non escollidas. A obra inclúe a “Lista da compra da viúva”, poema que recibiu en 2017 o Premio Internacional Jovellanos como “El mejor poema del mundo”. O libro resultou gañador en 2017 do Premio de Poesía do Concello de Vilalba.

Emma Pedreira é unha das máis inspiradas, singulares e premiadas voces da actual poesía galega. Encadrada na coñecida como Xeración dos 90, estreouse cos versos do Diario bautismal dunha anarquista morta (1999). Dúas décadas despois recibe o Premio da Crítica (2017) e o Premio Xerais de Novela (2018). En todo este tempo foi tecendo ata unha ducia de libros de poemas (sempre premiados) onde destila a súa visión fonda, crítica, inspirada e feminista da vida.

Antídoto recibiu en 2017 o premio de Poesía do Certame Literario do Concello de Vilalba na súa renovada edición nº XLIII. Sae publicado agora en versión bilingüe galego-castelán e ilustrado por Xulia Nieto.

A poeta reflexiona nestes versos sobre as soidades non escollidas. Escrito dende a dor, busca a luz na palabra, nun verso que camiña libre, pleno de potencia expresiva. Entre os poemas que integran esta obra figura a “Lista da compra da viúva”, composición que recibiu en 2017 o Premio Internacional de Poesía Jovellanos como “El mejor poema del mundo”.

Formato 14 x 19 cms. 86 pp
ISBN 978-84-16460-57-1

Obra gañadora da edición nº 44 do veterano Certame Literario do Concello de Vilalba (Lugo). Leva por título Cartafol de Miraxes e o seu autor é un novo poeta –e esta é a súa primeira obra–, Aleixandre Lago Barcala (A Coruña, 1992).

Consta de 43 poemas onde cada palabra e cada son da música poética están pensados e ubicados no seu preciso lugar. Cartafol de miraxes é un libro de desenganos e de espellismos. Así o resume o autor: “expreso unha serie de desenganos respecto das ilusións, vagas e narcisistas, que se fai un cando é pequeno; respecto de ideas como o amor, a morte, o tempo… Ideas que, ao medrar, un vai vendo que son espellismos”.

En canto aos aspectos formais, a poesía de Aleixandre Lago combina composicións tradicionais coma o soneto co verso libre e métricas diversas, pero sempre atendendo a esa fonda musicalidade da palabra escrita.

Cartafol de miraxes está ilustrado con traballos de Álvaro Peleteiro (colaxe de portada) e Antonio Reboredo (ilustracións interiores).

Xurxo Alonso

XLIX Premio de Poesía do Concello de Vilalba (2023)

103 pp . 14 x 21 cms.
ISBN: 978-84-18567-57-5
Papel FSC Amigo dos Bosques
Ilustrado

Cartas de Conxo (O legado das Távora) é a obra gañadora da edición nº 49 do Certame Literario do Concello de Vilalba. Neste poemario, o autor, Xurxo Alonso, poeta e pintor, xoga cos fíos do que aconteceu nos primeiros días da Guerra Civil, mesturando rumores e testemuños, para crear unha realidade que podería ter acontecido en calquera lugar da Galiza.

Dúas irmás, as Távora, envían cartas contando o que está a suceder ao seu redor. Un destes escritos é interceptado pola Garda Civil e elas acaban ingresadas no Manicomio de Conxo (o actual Sanatorio Psiquiátrico en Santiago de Compostela). Dende este lugar, seguen a enviar misivas, pero xa non chegarán ao seu destino, porque disto encargarase unha das monxas.

A partir destes acontecementos, Xurxo Alonso constrúe unha obra que se mergulla, empregando o verso longo e libre, e potentes ilustracións, naqueles días terribles, naquel tempo de asasinatos, fuxidos, clandestinidade e vinganzas.

2º Premio no XL Certame de Poesía do Concello de Vilalba

Formato: 14 x 21 cms | 60 pp
ISBN: 978-84-89323-31-5

A escrita como refuxio. A poesía tórnase en vieiro para alcanzar o coñecemento das cousas. O verso revélase nas páxinas desta obra como un xeito de deter o fuxidío da existencia. As palabras como contención.  “Unhas palabras que paguen a pena ser escritas / que atrapen a memoria”, di a autora no poema “Adiviñanza”.

Esta obra contén numerosas referencias a poetas clásicos e contemporáneos, que enriquecen a proposta creativa de María Isabel Vázquez: dende Cunqueiro, Valente, Luz Pozo Garza ou Novoneyra ata Yolanda Castaño, Miguel Anxo Fernán Vello ou Luís Rei Núñez.

Esta obra logrou en 2014 o segundo premio na edición número 40 do veterano Certame Literario do Concello de Vilalba.

Varias autoras

HISTORIAS DE VIDA DAS MULLERES A TRAVÉS DE 14 VOCES DO COLECTIVO “COMADRES DAS LETRAS”

AS COMADRES DAS LETRAS FORON FINALISTAS NOS PREMIOS FOLLAS NOVAS 2023 NA MODALIDADE DE PROMOCIÓN DA LECTURA

262 pp . 21 alto x 14 ancho
ISBN 978-84-18567-43-8
Impreso en papel amigo dos bosques

A partir dun Obradoiro da Escrita impartido en 2021 e 2022 por Eli Ríos e impulsado polo Concello de Santiago e a AELG, nace o colectivo literario Comadres das Letras, que agora ve publicado, na colección Libros do Sarela de Alvarellos Editora, un volume con textos de catorce autoras.

Contármonos (Alvarellos Editora, 2023) reúne catorce voces nun volume que xorde a partir do Obradoiro da Escrita impulsado en 2021 e 2022 polo Concello de Santiago co apoio da Asociación de Escritoras e Escritores en Lingua Galega e impartido por Eli Ríos.

Son textos creados arredor de historias de vida das mulleres. Daqueles obradoiros naceu o colectivo Comadres das Letras e de feito moitas das autoras estréanse na literatura con esta publicación.

Eli Ríos sinala no Limiar: «Na literatura xa está todo escrito, o que importa é como o contas. A túa propia voz. Isto, que parece moi sinxelo, é dunha complexidade inmensa xa que, desde que somos crianzas, mállase na construción da identidade das mulleres coma en centeo verde e medramos entre os homes-que-nos-explican-cousas, o síndrome da impostora ou as cento e mil actitudes machistas que nos invisibilizan sistematicamente. (…) Tanto os textos colectivos coma os individuais xiran pola volta da memoria histórica das mulleres. O tema viña dado pola temática do Obradoiro da Escrita e éncheme de orgullo contarvos as innumerables horas de investigación e documentación que lle dedicaron a este proceso. Cada unha das súas creacións comporta unha rigorosidade histórica incrible».

As Comadres das Letras foron finalistas nos Premios Follas Novas 2023 na modalidade de Promoción da Lectura.

AUTORAS

Carmen Villar Alonso
Ana Lorenzo Blanco
Lorena Gómez Calvo
Isabel Cribeiro Galego
Beatriz Guerra García
M. C. García
Chus Prol Gómez
María Álvarez Landesa
Óscar Monti
Flora Miranda Pena
Marga Castro Rey
Eva Teixeiro Suárez
Nela Valado
Marta Abal Vaquero.

ISBN: 978-84-89323-74-2
Páxinas: 141
Medidas: 14×21 cm
Idioma: castelán
Ilustracións: Alfonso Martínez
Encadernación: rústica con lapelas
Data 1ª edición: novembro, 2011

Xosé Carlos Caneiro é un dos escritores galegos máis premiados. A súa fecunda obra, traducida a varios idiomas, ten cautivado a milleiros de lectores. El libro de los besos y la niebla (Alvarellos Editora, 2011) marca o seu retorno ás letras en castelán, que abandonara en 2003, e é onde o autor de Verín viaxa a través do xornalismo, o ensaio, a prosa poética ou o diario íntimo.

Xosé Carlos Caneiro reescribe en castelán algunhas das reflexións publicadas na prensa, e engade novas historias e invencións. Algúns dos capítulos son tan breves coma un haiku (eses poemas filosóficos da literatura xaponesa); outros, abren a porta ao seu diario íntimo. El libro de los besos y la niebla mostra, en esencia, todos os mundos persoais e/ou literarios do escritor. Son miniaturas de prosa coidadísima e fondos sentimentos. E onde tamén agroma o agudo crítico literario: Kafka, Cortázar, Vargas Llosa, Sábato, Joyce ou Rulfo poboan este micro-universo narrativo.

“Este es un libro de besos y niebla —afirma Caneiro nas súas primeiras liñas—. De pasiones, tedio, literatos y literatura, deseo, abrazos y pellizcos en el alma. He escrito muchos libros que no son como este. O tal vez he escrito siempre este libro, nada más. Puede que en él encuentre usted el amor de su vida, porque solo fue un sueño, y puede que mis palabras vuelen como palomas a cualquier precipicio”. Esta obra está ilustrada por Alfonso Martínez (Cartagena, 1973).

Urbano Lugrís

108 pp | 14 x 21 cms
ISBN 978-84-16460-24-3

Urbano Lugrís era un poeta pintor. E o único pintor do mundo capaz de escribir baixo a auga, en palabras doutro gran escritor e poeta, Manuel Rivas. Alvarellos Editora rescata este verán once textos “somerxidos” de Lugrís. Prosas e poemas –en castelán e galego– moi pouco coñecidos ata hoxe (mesmo algún inédito) que nos internan no seu fascinante universo narrativo e lírico.

Baixo o título El tesoro de Punta Herminia y otros textos sumergidos agrúpanse textos dispersos que foron aparecendo desde a edición, en 2008, daquela primeira Balada de los mares del norte (Alvarellos Editora), único volume de Lugrís ata a data, pois o artista falecía en 1973 sen ver publicado, en libro, o seu rico e abundante traballo literario, esparexido e esquecido, durante décadas, en xornais e revistas… A profesora de Teoría da Literatura da Universidade da Coruña, Olivia Rodríguez, especialista en Lugrís, encárgase do coidado da edición.

Ademais dos 11 textos, este volume reúne 25 debuxos do autor, tamén moi pouco divulgados; entre eles, as fermosas letras capitulares que creaba o pintor para iniciar os seus escritos.

El tesoro de Punta Herminia y otros textos sumergidos bríndanos a impagable oportunidade de internarnos, de novo, nese mundo de tesouros ocultos, grutas e naufraxios.  Escenarios escritos e pintados a un tempo pola pluma e o lenzo inigualables de Urbano Lugrís.

Lupe Gómez

PREMIO AO MELLOR LIBRO EDITADO EN GALICIA EN 2019

288 pp. 19 x 14 cms.
ISBN 978-84-16460-66-3

Publicamos un deses libros que poderiamos denominar “inclasificables”. Lupe Gómez (Fisteus, Curtis, 1972), unha das voces poéticas máis singulares e respectadas dos últimos vinte anos en Galicia, dá a luz Fosforescencias.

“Cando xa ninguén escribe cartas a man”   —afirma a autora na introdución—, ela decide manter correspondencia con amizades e diversas personalidades do mundo da escrita e da cultura de Galicia, coa finalidade de artellar un persoal libro de cartas.

“As cartas son elos que unen. Vínculos afectivos que nos achegan uns a outros e nos manteñen cos pés na terra. A lingua é algo amoroso e táctil”, afirma Lupe Gómez.

Fosforescencias exprésase, pois, ao longo de 288 páxinas, mediante textos íntimos, literarios, fondamente poéticos… e reais, posto que foron efectivamente cartas enviadas por correo postal ás persoas destinatarias. A obra recolle tamén algunhas das cartas de volta. Emma Pedreira, Manuel Rivas, Neira Vilas, Yolanda Castaño, Amancio Prada, Francisco Pillado ou Emilio Araúxo son algúns dos receptores.

Lupe Gómez, que publicou o seu primeiro libro —titulado Pornografía— nunha autoedición en 1995, e colleitou premios e recoñecementos durante os anos seguintes (o seu libro Camuflaxe foi Premio da Crítica Española en 2017), afirma hoxe: “Nas cartas recoñézome máis viva e sincera que nos libros que publico e escribo”.

Fosforescencias está ilustrado polo pintor, poeta e galerista Anxo Pastor (Vilardonas, Ribas de Sil – Lugo, 1959), que dialoga cos textos a través da evocación, os símbolos e as cores, que modela aquí por medio de debuxos ou collages.

1º Premio do IIº Certame de Poesía Torre de Caldaloba

56 pp. 14 x 21 cms.
ISBN 978-84-16460-92-2

Hora de penumbra é o título do novo libro de poemas do escritor e pintor Xurxo Alonso. Recibiu en 2019 o primeiro premio do IIº Certame de Poesía Torre de Caldaloba que convocan anualmente o Concello de Cospeito (Lugo) e a Asociación Cultural de Pino, en colaboración con Culturalia GZ.

Ao longo de 27 poemas, Xurxo Alonso pousa unha ollada renovada sobre os grandes interrogantes do ser humano: o pasar do tempo, o amor, a morte…

O xurado destacou nesta obra a “sólida arquitectura versal”, a “forza dos símbolos empregados” e o “amplo caudal de intertextualidades” das composicións poéticas.

O novo libro de relatos de Antón Grande.
Ilustrado por Quique Bordell.

Medidas: 14 x 21 cms
Pp.: 135
Idioma: galego
ISBN: 978-84-89323-16-2
Encadernación: tapa branda plastificada, con lapelas.

Trinta historias cotiás que de súpeto encaixan ó abraio do inesperado. Dende as tabernas de Lugo até os ceos imposibles de Nova York. Antón Grande transita por paisaxes e xentes do seu contorno vital e crea un universo breve, fragmentado e relativo, ou sexa, narra o que podería ser o noso propio existir. Pé da prosa emerxen, poderosas, as ilustracións sempre a contrafío de Quique Bordell. “Antón Grande é un autor para ler contra a noitiña –afirma Xosé de Cora no seu limiar–; díría máis, é un autor para ler nun establecemento público, ao carón dun vaso de viño, agardando a chegada do amigo, da amada ou dese ninguén que xamais chega”.

Trinta voces pola eliminación da violencia contra a muller

ISBN 978-84-18567-03-2
Páxinas: 74. Formato 14 x 21 cms.

O Manifesto 25N reúne as voces de trinta autoras e autores galegos que reflexionan, dende a escrita ou as artes plásticas, sobre a violencia contra a muller. A idea xurdiu a partir dunha iniciativa, en novembro de 2020, da Asociación Cultural Caldaloba (Cospeito, Lugo) cando ocupaba a presidencia Martiño Maseda (hoxe responsable de Culturalia GZ), asociación que actualmente preside Montserrat González.

Na nota editorial explícase: “Trátase de avivar as conciencias, desde diferentes ópticas expresivas, nunha repulsa colectiva contra un mal da nosa sociedade que parece non ter fin.”

Con este obxectivo, dende a Asociación Cultural Caldaloba fíxose unha convocatoria aberta para recibir traballos e foron máis de setenta os achegados, dos que se fixo unha selección destes trinta que agora ven a luz.

A achega de obras é moi variada, tanto no seu formato —poemas, narracións, colaxes, ilustracións, pinturas, caligramas, debuxos— como diversa é tamén no seu enfoque temático.

O deseño e ilustración da capa corre a cargo da artista Xulia Nieto Pereira.

A edición desta obra contou coa colaboración da Área de Cultura da Deputación de Lugo, do Concello de Vilalba e de Culturalia GZ.

As 30 voces (por orde alfabética):

• Luz Airado Bello
• Pilar Alonso Suárez
• Susana Antón Mandayo
• Cristina Corral Soilán
• Eva de Miranda
• Paloma de Toro
• Eilún del Pazo Moa
• Miguel Díaz
• Fátima Domínguez Silva
• Andrea Fernández Maneiro
• Celso Fernández Sanmartín
• Raquel Fernández
• Adela Figueroa
• Pilar García Rego
• Yolanda López
• Paula Luís González
• Beatriz Maceda Abeleira
• Pilar Maseda
• Adolfina Mesa
• Alberte Momán Naval
• Arantxa Nogueira
• Toño Núñez
• Emma Pedreira
• Eli Ríos
• Teresa Ríos
• Viki Rivadulla
• Ramón Sánchez
• Ruth Santiso Salgado
• Raquel Senra
• Patricia Torrado Queiruga

Andrea F. Maneiro

100 pp . 14 x 21 cms.
ISBN 978-84-18567-75-9.
PAPEL FSC Amigo dos Bosques

NP_GAL_Meridiano_Orixe-Alvarellos_Ed_2025

Versos e imaxes, palabra e cor. A maxia habita nas esquinas do mundo e Andrea F. Maneiro atopouna nos momentos sinxelos da vida. Meridiano Orixe é o lugar onde comeza e remata o tempo.

Publicamos, na nosa colección Libros do Sarela, o volume galardoado na edición número 50 do Premio de Poesía do Concello de Vilalba, un espectacular libro de viaxes que percorre medio mundo abandeirando o verso e captando ese intre fotográfico fuxidío de rostros e paisaxes. Exipto, Vietnam, a India, Porto, Chipre, Romanía, Compostela ou Carril…

«Andrea non é poeta, é perfumista. Só ela podería trenzar unha ruta da seda cunha senda das especias e que funcionase como o trazado dunha espiña dorsal sinestésica. Columnata meridiana».

Emma Pedreira, no Limiar.

Premiados no Iº e IIº Certame [2019-2020] Día do Libro do Concello de Vilalba

54 pp. Formato 14 x 21 cms
ISBN 978-84-16460-90-8
Idioma: galego

56 pp. 14 x 21 cms.
ISBN 978-84-16460-68-7

O libro de poemas Na pel das árbores do vento de Paulino Peña (Vilardevós, Ourense, 1960) recibiu en 2019 o 2º Premio da primeira edición do Certame de Poesía Torre de Caldaloba, que convoca o Concello de Cospeito (Lugo).

O xurado valorou nesta obra a súa “evocación dos sentidos, cun axeitado uso da retórica e da voz poética, en forma de versos como lategazos que obrigan a pensar e deixan un lene pouso de lembranza”.

A poeta Monte González Álvarez afirma no Limiar: “Cada verso forma, no seu conxunto, un todo onírico, un compendio de emocións en estado puro, que se ven como as feridas que deixa o aire seco nas mans, que fenden a alma e o EU máis profundo do lector que se insira na súa lectura”.

2º Premio do Iº Certame de Poesía Torre de Caldaloba (Cospeito).

2º Premio do Certame Literario de Vilalba 2013

Formato: 50 pp. 14×21 cms
ISBN: 978-84-89323-61-2

O gran poema grego da Odisea, onde Homero describe a peripecia do heroe Ulises ata regresar á súa patria, Ítaca, é o fío condutor desta recreación poética de Rafael Catoira Rey.

En Navegando cara a Ítaca, a vida —e a poesía— móstranse como a viaxe imprevisible que efectivamente son.

A obra principia cun “Ítaca non existe” para proseguir logo con esta declaración de intencións: “Viaxo ó teu encontro. / Non chegar nunca, / gozar só do presaxio” (…).

Polos versos de Rafael Catoira van transitando algúns dos personaxes do poema homérico: Ulises, a súa muller Penélope, o seu fillo Telémaco, o xigante Polifemo… Aos que fai falar e reflexionar, e aos que a voz poética tamén interpela.

2º Premio do Certame Literario de Vilalba 2013.

1º Premio do Certame Literario de Vilalba 2013

Formato: 73 pp. 14×21 cms
ISBN: 978-84-89323-60-5

A noite é gran inspiradora de poetas. Nesta nova obra de Pablo Bouza, Os privilexios dos somnámbulos, o autor atopa ese “aire viciado” onde despregar “a inmensa dimensión das palabras”.  “Noite / dáme algo de ti / da túa luz negada”.

A poesía só pode ser honestidade, verdade. Neste vieiro é onde Bouza chega á alma do lector: “Recoñézome nos erros do pasado”, confesa, ou: “Medran hedras nas pedras dos meus lugares”.

Son versos intensos e fondos, que camiñan directos na súa mensaxe. Por este suxestivo libro de poemas transitan tamén as voces, en forma de cita, de autores de referencia do noso escritor, que o van guiando no percorrido poético, como Miguel Anxo Fernán Vello, José Ángel Valente, Espronceda, Ángel González, Rilke, Lois Pereiro, Paul Verlaine ou Carlos Oroza, entre outros.

Esta obra resultou gañadora en 2013 da edición número 39 do Certame Literario do Concello de Vilalba, un dos concursos poéticos máis veteranos de Galicia. Foi, así mesmo, finalista nos Premios da Edición de Galicia 2014 na modalidade de Mellor Libro de Poesía do ano.

O LIBRO DE DESPEDIDA DA GRAN POETA (1922-2020)

94 pp. 14 x 21 cms.
ISBN 978-84-16460-45-8

Aos seus 96 anos de idade, publica novo libro unha das voces máis destacadas da poesía galega das últimas décadas. En Pazo de Tor, Luz Pozo Garza viaxa ás orixes familiares dos Garza, situadas neste magnífico edificio barroco enclavado nun lugar privilexiado do Val de Lemos.

Inspirándose neste espazo histórico e xeográfico, a poeta compón trinta poemas nos que, unha vez máis, demostra a capacidade da súa pluma excepcional, fóra de calquera tempo ou moda.

O coidado da edición corre a cargo da profesora Carmen Blanco, especialista na poeta, e o limiar asínao o escritor, editor e presidente da Real Academia Galega Víctor F. Freixanes.

«O lector debe entrar no verso deixándose levar –escribe Freixanes–, descalzo, espido de precaucións e entregado a cada paso que, devagariño, nos conduce pola escada de luz, coma nos antigos místicos, coma os pitagóricos, cara ao non nomeado, a música das esferas, que non se pode describir, mais debemos limitarnos a sentila».

Carmen Blanco, na súa nota editorial, exclama: «A soidade é a vitoria. Luz Pozo Garza. Lucidez. Profundidade. Clasicismo. Tamén Luz Pozo. Poética iluminista de luscofusco. E Garza. Sensual poética erótica mística. Luz. Licenzas. Unha mestra. Unha clásica: a ave da luz sabe onde está o norte? ou “Nin sabe acaso nada…”. Pazo de Tor de Luz Pozo Garza. Pazo Garza Pozo».

[2º Premio XLI Certame Literario Concello de Vilalba]

46 pp. | 14 x 21 cms
ISBN 978-84-16460-11-3

O barruzo, esa chuvia pequena e teimuda que semella desaxustar o mundo, e o ruxido como metáfora –e berro– do creador inadaptado, son os dous eixes sobre os que se constrúen estes versos de Paulino Pereiro, Poemas de ruxido e barruzo, unha obra que recibiu en 2015 o 2º premio do Certame Literario do Concello de Vilalba.

“O meu barco non ten océano”, escribe o poeta. O autor atopa abeiro nunha natureza que representa aquí o equilibrio, coma o río, “sangue paralelo do meu sangue”, ou o aire da mañá “que batalla contra o ruxido”. Sobre todos eles xorde tamén o acougo na función da propia escrita.

Trinta e seis poemas en verso libre que flúen musicais e poderosos estruturados coma un diario real, datado en tempo e espazo, escritos durante seis semanas dun verán no norte…

50 FOTOPOEMAS | PHOTOPOEMS

Helena Villar Janeiro

106 pp. | 12 x 17 cms.
ISBN 978-84-16460-32-8
[Capa dura e interior a cor]

Publicado en tres idiomas  —galego, castelán e inglés—, esta deliciosa edición inclúe 50 fotopoemas de Helena Villar Janeiro.

“Un libro de meditación e rezo para ateos e agnósticos”, así o define a súa autora, a premiada escritora galega.

Na contraportada, avánzase a esencia desta poesía mínima, ilustrada con 50 fotografías:

“As cousas sinxelas constrúen o universo”.

Páxinas: 140
Medidas: 14×21
Idioma: galego
Data de publicación: abril 2009
ISBN: 978-84-89323-30-8
Encadernación: rústica plastificada con lapelas
Ilustracións: Alfonso Martínez

Unha chamada última -que non derradeira- a salvar a paisaxe galega. Unha crítica fonda ás desfeitas. Un berro contra a destrución do noso contorno. E un clamor, tamén, con raiolas de esperanza, para soñar nun futuro de apego coa terra. 36 crónicas de prosa poética e denuncia, acompañadas -e acougadas, a un tempo- polo trazo lene e onírico do ilustrador Alfonso Martínez.

Selección de ilustracións de Alfonso Martínez para este libro.