• 0 Items - 0,00 €
    0
    • Non hai produtos no carriño.
  • 0 Items - 0,00 €
    0
    • Non hai produtos no carriño.

9,00 €

CINZA DE ESTRELAS

2º Premio no XL Certame de Poesía do Concello de Vilalba

 

Formato: 14 x 21 cms | 60 pp
ISBN: 978-84-89323-31-5

 

A escrita como refuxio. A poesía tórnase en vieiro para alcanzar o coñecemento das cousas. O verso revélase nas páxinas desta obra como un xeito de deter o fuxidío da existencia. As palabras como contención.  “Unhas palabras que paguen a pena ser escritas / que atrapen a memoria”, di a autora no poema “Adiviñanza”.

 

Esta obra contén numerosas referencias a poetas clásicos e contemporáneos, que enriquecen a proposta creativa de María Isabel Vázquez: dende Cunqueiro, Valente, Luz Pozo Garza ou Novoneyra ata Yolanda Castaño, Miguel Anxo Fernán Vello ou Luís Rei Núñez.

 

Esta obra logrou en 2014 o segundo premio na edición número 40 do veterano Certame Literario do Concello de Vilalba.

a59b44af6abf
Compartir

Autoría

María Isabel Vázquez

Mª Isabel Vázquez naceu en Palas de Rei (Lugo) en 1963 e aos dous anos trasladouse coa súa familia a vivir a Sestao (Biscaia). Licenciada en Xeografía e Historia pola Universidade do País Vasco, recibiu na súa terra de adopción numerosos recoñecementos e premios; o máis recente (xuño de 2015) é o primeiro premio do XV Certame de Poesía "Anduriña voandeira" da Irmandade de Centros Galegos en Euskadi pola obra titulada De ferro e tenrura. Antes, lograra o primeiro premio no XIII Concurso de Literatura Espistolar convocado por Correos (empresa onde traballa) coa obra El almirante Cristoforo, o terceiro premio de poesía da XVII semana cultural das Letras Galegas do Centro Galego de Sestao polo seu poema “Lembranza” e o XIX premio de poesía en galego da Sociedad Artística Ferrolana por “Xardíns de aceiro”.

Confesa que unha das súas ilusións sería retirarse a unha torre en Galicia, como no seu día fixo Michel de Montaigne no Périgord, para escribir e camiñar polos bosques da Ulloa e poder sentir aquilo que expresaba o poeta Uxío Novoneyra: “Si o aire quer... chegarein a non ser ninguén”.  

Non se atoparon produtos que concorden coa selección.

21-01-2016 Revista dixital rede de Bibliotecas de Santurtzi

04-09-2015 Radio Galega. Diario Cultural. Entrevista e recitado de poemas http://www.crtvg.es/rg/destacados/diario-cultural-diario-cultural-do-dia-04-09-2015-1414503

26-08-2015 Terracháxa.com http://www.terrachaxa.com/novas/modesto-fraga-e-paulino-pereiro-premios-do-xli-certame-literario-de-vilalba

25-08-2015 El Progreso http://elprogreso.galiciae.com/noticia/431615/modesto-fraga-gana-con-adagio-por-outono-el-certame-literario-vilalbes

20-08-2015 La Voz de Galicia-Edición Lugo http://www.lavozdegalicia.es/noticia/lugo/vilalba/2015/08/20/obras-ganadoras-certamen-literario-vilalbes-2014-presentan-lunes/00031440085205115900488.htm

Outros semellantes

81
Engadir ao carriño

RETORNO A NATURA

13,90 €

Páxinas: 140
Medidas: 14×21
Idioma: galego
Data de publicación: abril 2009
ISBN: 978-84-89323-30-8
Encadernación: rústica plastificada con lapelas
Ilustracións: Alfonso Martínez

 

Unha chamada última -que non derradeira- a salvar a paisaxe galega. Unha crítica fonda ás desfeitas. Un berro contra a destrución do noso contorno. E un clamor, tamén, con raiolas de esperanza, para soñar nun futuro de apego coa terra. 36 crónicas de prosa poética e denuncia, acompañadas -e acougadas, a un tempo- polo trazo lene e onírico do ilustrador Alfonso Martínez.

 

Selección de ilustracións de Alfonso Martínez para este libro.

Engadir ao carriño
Telurica_capa_alvarellos_libro_2017
Engadir ao carriño

Telúrica

9,00 €

Un berro que sae do profundo

 

58 pp. | 14 x 21 cms.
ISBN 978-84-16460-22-9

 

Telúrica é un berro que sae do profundo, unha forza que se revira contra nós e que participa da terra. Herdeiro da mellor tradición poética dunha comarca tan literaria como a luguesa da Terra Chá, Xosé Otero Canto penetra como “o lume nas entrañas” na terra convertida en “corpo sacratísimo dos nosos”, mais tamén “sementada de luz” e “bébeda de auga”, unha terra moura que agroma en verde, tatuada e esculpida en vento.

 

Nestes poemas, a riqueza léxica actúa cun brío fortificado ante o bastión inexpugnable do Telúrico.

 

Xosé Otero Canto logrou coa solidez enérxica da palabra o Primeiro Premio do Certame Literario do Concello de Vilalba na súa edición nº 42 (2016).

 

O presente volume enriquécese coas ilustracións de José María Lugilde.

Engadir ao carriño
Poemas-do-ruxido-e-barruzo-alvarellos-editora-capa
Engadir ao carriño

POEMAS DE RUXIDO E BARRUZO

8,00 €

[2º Premio XLI Certame Literario Concello de Vilalba]

 

46 pp. | 14 x 21 cms
ISBN 978-84-16460-11-3

 

O barruzo, esa chuvia pequena e teimuda que semella desaxustar o mundo, e o ruxido como metáfora –e berro– do creador inadaptado, son os dous eixes sobre os que se constrúen estes versos de Paulino Pereiro, Poemas de ruxido e barruzo, unha obra que recibiu en 2015 o 2º premio do Certame Literario do Concello de Vilalba.

 

“O meu barco non ten océano”, escribe o poeta. O autor atopa abeiro nunha natureza que representa aquí o equilibrio, coma o río, “sangue paralelo do meu sangue”, ou o aire da mañá “que batalla contra o ruxido”. Sobre todos eles xorde tamén o acougo na función da propia escrita.

 

Trinta e seis poemas en verso libre que flúen musicais e poderosos estruturados coma un diario real, datado en tempo e espazo, escritos durante seis semanas dun verán no norte…

Engadir ao carriño
quendacatividade
Engadir ao carriño

QUENDA DA CATIVIDADE

8,00 €

1º Premio Certame Literario-Concello de Vilalba, 2012

 

Formato: 50 pp. 14×21 cms
ISBN: 978-84-89323-47-6

 

Corenta sonetos de amor. Xoán Piñeiro recréase na música dos hendecasílabos para transmitirnos a ledicia da entrega amorosa: unha doce atadeira, unha cadea lene, a quenda da catividade.

 

“Preso por ti, / deitando un mesmo zume”, exclama.

 

Esta obra obtivo o I premio no XXXVIII Certame Literario do Concello de Vilalba (2012).

Engadir ao carriño
Nenias-Chairegas
Engadir ao carriño

NENIAS CHAIREGAS

9,00 €

Formato: 78 pp. 14×21 cms
ISBN: 978-84-89323-48-3

 

“Elexías do calado, do que nace coa perda”. Así son estas nenias chairegas de Xosé Otero Canto. Palabras arredor da morte dos vellos da casa e do abandono do mundo rural. Un manancial expresivo nunha visión radical dun tempo que se foi.

 

Con Limiar de Xosé Manuel Carballo Ferreiro e Epígono de Alfonso Blanco Torrado.

 

Esta obra obtivo o II premio no XXXVIII Certame Literario do Concello de Vilalba (2012).

Engadir ao carriño
Entre-as-paredes-do-silencio-libro-capa-web
Engadir ao carriño

Entre as paredes do silencio

9,00 €

II premio no XXXVII Certame Literario do Concello de Vilalba.

 

Formato: 70 pp. 14×21 cms
ISBN: 978-84-89323-46-9

 

Un diario poético que se desprega de abril a xullo. Nel, o verso quere ser bálsamo contra a desesperanza, e loita na defensa da identidade e da lingua. “Versos espidos / poesía das emocións transparentes”, escribe o autor. Con Limiar de María Xosé Lamas.

 

Esta obra obtivo o II premio no XXXVII Certame Literario do Concello de Vilalba (2011).

Engadir ao carriño