• 0 Items - 0,00 €
    0
    • Non hai produtos no carriño.
  • 0 Items - 0,00 €
    0
    • Non hai produtos no carriño.
Orixe orzánica das sereas todas
Orixe orzánica das sereas todas
Dosier de Prensa

14,00 €

Orixe orzánica das sereas todas

Unha Galicia imaxinada na que Urbano Lugrís ingresa en 1953 na Academia Galega da Lingua.

 

Pp.: 130. Formato 14 x 19,5 cms.
ISBN 978-84-16460-97-7

 

Presentamos unha moi orixinal proposta narrativa. Soñar mundos, imaxinar universos, debuxar ignotos ronseis… Velaquí a función, especialmente milagrosa, da literatura. Ser quen de reescribir vidas e tempos. O artífice deste libro, Rodrigo Osorio, proponnos nesta Orixe orzánica das sereas todas un xogo marabilloso, un reto tamén. Os protagonistas son o pintor e escritor Urbano Lugrís González e o escritor Leandro Carré Alvarellos. Arredor deles, ou canda eles, deberemos mergullarnos na orixe orzánica das sereas todas, e deixar que o misterio das ondas nos leve polo vieiro dos soños.

 

Rodrigo Osorio, integrante do colectivo lugrisán In Nave Civitas, é un dos impulsores da reivindicación da vida e obra de Urbano Lugrís. Nesta obra, Osorio soña unha Galicia ideal e imaxina como tería sido o noso país sen Franco, nin guerra, nin ditadura. Unha sociedade na que o xenial artista pronuncia o seu discurso de ingreso na Academia Galega da Lingua. É o 19 de novembro de 1953.

Compartir

Autoría

Rodrigo Osorio, ed.

Rodrigo Osorio Guerrero (Ponferrada, León, 1977). Coñeceu a obra de Urbano Lugrís González cando estudaba Dereito en Compostela, grazas á exposición do Auditorio de Galicia de 1998. En 2012, reencontrouse co mestre no obradoiro literario impartido por Xurxo Souto –«Historias da cidade barco»–, do que naceu o colectivo lugrisán In Nave Civitas, no que se integrou. Dende aquel ano fai parte da organización do Día Lugrís, unha homenaxe cidadá anual arredor do «pintor do mar». Tamén tivo a ledicia de colaborar coa asociación cultural O Mural na salvación do fresco que Lugrís pintou na rúa Real da Coruña. Escribiu: Lugrís, un naúfrago da historia; P. M. A. Unha interpretación ventureira. Como (non) nomear un fresco de Urbano Lugrís e O quebracabezas do descubrimento. Así mesmo, foi integrante do cadro de teatro de Cántigas da Terra co que representou dúas obras de Carré Alvarellos: Un caso compricado (2016) e O engano (2019).
Non se atoparon produtos que concorden coa selección.

  Nota de prensa

Outros semellantes

Catavento-baixa-Manuel_María-Alvarellos-Editora_Letras_galegas-2016
Engadir ao carriño

Catavento de neutrós domesticados

12,00 €

LETRAS GALEGAS 2016

 

Formato: 128 pp. 14×21 cm
ISBN: 84–89323–10–0
Ano 1ª edición: 1979
Segunda edición en Alvarellos Editora: 2006
Ilustracións: Xohán Clodio

 

“Un intento de facer, con elementos surrealistas, unha poetización desta sociedade de consumo na que vivimos”. Así resumiu a obra o propio autor, Manuel María. O poeta escribiu este poemario en 1978 e saíu publicado por vez primeira en Alvarellos Editora ao ano seguinte, en febreiro. O Catavento de neutrós domesticados é un libro sorprendente, innovador e anticipador.

 

Un dos títulos históricos do primeiro catálogo desta editorial que, tres décadas despois da súa aparición, cumpría recuperar. A obra destila altas doses de inconformismo, retranca, desacougo e caos. Transcorre entre o íntimo e o social. Nela emerxen verdadeiros achados semánticos nun altísimo dominio do idioma.

 

A presente edición mantén a portada orixinal de 1979 coas ilustracións interiores de Xohán Clodio, e complétase cun amplo e documentado estudo por parte do profesor e escritor Camilo Gómez Torres, un profundo coñecedor da obra de Manuel María, a quen cualifica de “autor total”.

Engadir ao carriño
Entre-as-paredes-do-silencio-libro-capa-web
Engadir ao carriño

Entre as paredes do silencio

9,00 €

II premio no XXXVII Certame Literario do Concello de Vilalba.

 

Formato: 70 pp. 14×21 cms
ISBN: 978-84-89323-46-9

 

Un diario poético que se desprega de abril a xullo. Nel, o verso quere ser bálsamo contra a desesperanza, e loita na defensa da identidade e da lingua. “Versos espidos / poesía das emocións transparentes”, escribe o autor. Con Limiar de María Xosé Lamas.

 

Esta obra obtivo o II premio no XXXVII Certame Literario do Concello de Vilalba (2011).

Engadir ao carriño
Adagio-por-outono-capa-alvarellos-editora
Engadir ao carriño

ADAGIO POR OUTONO

9,00 €

[1º Premio XLI Certame de Poesía Concello de Vilalba]

 

76 pp | 14 x 21 cms
ISBN 978-84-16460-10-6

 

«Unha alta sinfonía do amor onde todo é tocado polo milagre dunha luz que emana da palabra poética». De tal xeito define a profesora Teresa Seara, no Limiar de Adagio por outono, a paixón lírica que destilan estes novos versos de Modesto Fraga, escritor de longa e premiada traxectoria literaria que suma, aos moitos recoñecementos recibidos, este primeiro premio de 2015 no XLI Certame Literario do Concello de Vilalba.

 

Adagio por outono é unha homenaxe a aqueles poetas italianos que, no século XIII, foron quen de rachar coa tradición e situar á muller no centro da súa lírica e ao sentimento amoroso na cerna da súa revolución estética e da súa esperanza. Foron coñecidos como o Dolce Stil Novo.

 

Modesto Fraga escolle da tradición a arquitectura plena do soneto e dende ela transita ata o verso libre. Camiñamos, coa súa palabra, a través de Florencia, contemplamos a dozura dos lenzos de Rafael, abraiámonos ante o Pórtico da Gloria en Compostela, ou asistimos a un banquete poético onde se dan cita escollidas voces da literatura e da arte universais de todos os tempos.

 

Cada lector, cada lectora, atopará aquí poderosas razóns para vivir máis vidas e máis fondas a través da poesía e do amor.

Engadir ao carriño
RIO-ALZHEIMER-EPUB
Engadir ao carriño

RÍO ALZHEIMER

9,00 €

1º Premio Certame Literario-Concello de Vilalba, 2011

 

Formato: 76 pp. 14×21 cms
ISBN: 978-84-89323-44-5

 

Un conmovedor relato en verso arredor da derradeira etapa vital da nai do autor, enferma de Alzheimer. “Unha viaxe profunda e estremecedora”, en palabras no prólogo da poeta Eva Veiga. Ela afirma: “Cando a fala se retira, aparece a escrita”. E o poeta escribe: “Xa non sentes que abril / trouxo tépedas choivas”.

 

Esta obra obtivo o I premio no XXXVII Certame Literario do Concello de Vilalba (2011).

Engadir ao carriño
Sonetos_preposicionais_capa_alvarellos-copia
Engadir ao carriño

SONETOS PREPOSICIONAIS

9,00 €

O amor, o desamor, a paisaxe, o paso do tempo…

 

44 pp. | 14 x 21 cms
ISBN 978-84-16460-23-6

 

A poesía que todo o nomea: o amor, o desamor, a paisaxe, o tempo… Eixes sobre os que transcorre, fuxe, o noso vivir. Sentimentos recreados en trinta e cinco composicións poéticas, construídas baixo a aparente sinxeleza, musical e perfecta, do soneto. “Soneto do desacougo”, “Soneto dende un Boeing 747”, “Soneto da eterna amizade”, “Soneto da seca”…

 

María Xosé Lamas mergúllase na utopía e poetiza a vida, o día a día e, tamén, os seus desvelos. Esta obra recibiu o Segundo Premio do Certame Literario do Concello de Vilalba na súa edición nº 42.

Engadir ao carriño
Poemas-do-ruxido-e-barruzo-alvarellos-editora-capa
Engadir ao carriño

POEMAS DE RUXIDO E BARRUZO

8,00 €

[2º Premio XLI Certame Literario Concello de Vilalba]

 

46 pp. | 14 x 21 cms
ISBN 978-84-16460-11-3

 

O barruzo, esa chuvia pequena e teimuda que semella desaxustar o mundo, e o ruxido como metáfora –e berro– do creador inadaptado, son os dous eixes sobre os que se constrúen estes versos de Paulino Pereiro, Poemas de ruxido e barruzo, unha obra que recibiu en 2015 o 2º premio do Certame Literario do Concello de Vilalba.

 

“O meu barco non ten océano”, escribe o poeta. O autor atopa abeiro nunha natureza que representa aquí o equilibrio, coma o río, “sangue paralelo do meu sangue”, ou o aire da mañá “que batalla contra o ruxido”. Sobre todos eles xorde tamén o acougo na función da propia escrita.

 

Trinta e seis poemas en verso libre que flúen musicais e poderosos estruturados coma un diario real, datado en tempo e espazo, escritos durante seis semanas dun verán no norte…

Engadir ao carriño