Dosier de Prensa

14,50 €

Estrita necesidade

Carlos Negro | Fotografías de Benxamín Otero

Páxinas: 102. Formato 14 x 21 cms.
ISBN 978-84-18567-05-6

Versos e fotografías compoñen a nova obra de Carlos Negro, ilustrada coas imaxes de Benxamín Otero. Leva por título Estrita necesidade e nela os autores renden homenaxe, escrita e visual, á xeración de pais e nais da posguerra, a uns tempos de racionamento, austeridade, duro traballo, afectos fondos e resistencia.

A carón dos versos de Carlos Negro emerxen as imaxes de Benxamín Otero, nun diálogo escrito e visual que se complementa á perfección.

Así describe a súa obra o seu autor Carlos Negro:

“Este libro establece un diálogo coa figura paterna, pescuda nas tensións íntimas da masculinidade, captura a relación entre un corpo e os obxectos que o rodean, entre as mans e a ferramenta, entre a palabra e os múltiples silencios que habitan nas elipses dunha biografía. Este libro retrata unha xeración de homes que nunca botou os restos de comida ao caldeiro do lixo. E deixa sobre o prato a prana dunha mazá, a esencia da luz, o termar da memoria entre as sombras. Este libro é de estrita necesidade, como as fotografías que o alumean“.

Autores Benxamín Otero, Carlos Negro Categoría: Libros do Sarela [Creación]

Autoría

Carlos Negro

(Lalín, 1970). A súa experiencia vital abrangue tres oficios de paciencia: poeta, profesor e pai; leva desde os anos noventa publicando con regularidade, con premios nalgúns casos, sen eles tamén. Gústalle ir polos institutos, cargado de versos e onzas de chocolate. Ás veces ponse irónico e escribe aforismos ou dicionarios diabólicos. Sente debilidade polos contos de pantasmas, as orquídeas en flor e os acrósticos inesperados. Con Estrita necesidade pon as entrañas a clareo, mentres unhas mans familiares pranan unha mazá sobre o mesado da cociña.

Non se atoparon produtos que concorden coa selección.

Benxamín Otero

(Lalín, 1979). Benxamín mira as nubes. Gústalle miralas. Tamén lle gusta a beleza da luz pousada, e das flores. O que contan as mans, as maneiras diferentes de dicir. Ou os pequenos asombros. Ás veces intenta gardar esas maxias do cotián nalgunha fotografía ou nunha música. E xogar.

Non se atoparon produtos que concorden coa selección.

Outros semellantes

Abrindo-fiestras-en-carne-viva-alvarellos-editora

ABRINDO FIESTRAS EN CARNE VIVA

9,00 €

1º Premio XL Certame de Poesía do Concello de Vilalba

Formato: 14 x 21 cms. Páxs. 64
ISBN: 978-84-89323-99-5

A poesía érguese neste libro como unha forma de dar orde ao caos do universo, ás “dimensións do baleiro”. Estruturado en cinco partes, denominadas “Fiestras…”, nesta obra o poeta interroga á soidade, ao esquecemento, á desilusión.

A lingua emerxe coma o seu piar: “lingua que me colles dende o berce / e me afastas do silencio orixinal”.

O autor detense tamén na denuncia social, cantando aos “eslombados”, aos “calados e ignorados”. E hai un espazo así mesmo para o amor, o “feitizo“.

Esta obra logrou o primeiro premio na edición número 40 (2014) do xa histórico Certame Literario do Concello de Vilalba (Lugo).

Engadir ao carriño

100

30 GRAMOS (Edición en castelán)

11,00 €

Realidade e ficción. A novela/manifesto do artista portugués Leonel Moura.

Páxinas: 98
Medidas: 14×21 cm
Idioma: castelán
Tradución do portugués: Ramón Nicolás
ISBN: 978-84-89323-42-1
Encadernación: rústica con lapelas

Gianfranco andaba obsesionado polo contido das pequenas latas creadas por Piero Manzoni en 1961. Quería abrir unha delas para averiguar se eran realmente as feces do artista as que estaban dentro. Este é o punto de partida dunha novela fascinante que, mesturando xéneros (realidade e ficción, novela negra, diario íntimo, ensaio…), percorre a arte máis subversiva e incomprendida do século XX.

Engadir ao carriño

Antídoto_con_banda

ANTÍDOTO

14,00 €

Edición ilustrada bilingüe galego-castelán

142 pp | 14 x 19 cms.
ISBN 978-84-16460-41-0

INCLÚE A “LISTA DA COMPRA DA VIÚVA”, PREMIO INTERNACIONAL JOVELLANOS AO “MELLOR POEMA DO MUNDO” (2017)

Os novos e premiados versos de Emma Pedreira. Unha edición bilingüe galego-castelán, ilustrada, na que a poeta reflexiona sobre as soidades non escollidas. A obra inclúe a “Lista da compra da viúva”, poema que recibiu en 2017 o Premio Internacional Jovellanos como “El mejor poema del mundo”. O libro resultou gañador en 2017 do Premio de Poesía do Concello de Vilalba.

Emma Pedreira é unha das máis inspiradas, singulares e premiadas voces da actual poesía galega. Encadrada na coñecida como Xeración dos 90, estreouse cos versos do Diario bautismal dunha anarquista morta (1999). Dúas décadas despois recibe o Premio da Crítica (2017) e o Premio Xerais de Novela (2018). En todo este tempo foi tecendo ata unha ducia de libros de poemas (sempre premiados) onde destila a súa visión fonda, crítica, inspirada e feminista da vida.

Antídoto recibiu en 2017 o premio de Poesía do Certame Literario do Concello de Vilalba na súa renovada edición nº XLIII. Sae publicado agora en versión bilingüe galego-castelán e ilustrado por Xulia Nieto.

A poeta reflexiona nestes versos sobre as soidades non escollidas. Escrito dende a dor, busca a luz na palabra, nun verso que camiña libre, pleno de potencia expresiva. Entre os poemas que integran esta obra figura a “Lista da compra da viúva”, composición que recibiu en 2017 o Premio Internacional de Poesía Jovellanos como “El mejor poema del mundo”.

Engadir ao carriño

30 GRAMOS (Edición en galego)

11,00 €

Realidade e ficción. A novela/manifesto do artista portugués Leonel Moura.

Páxinas: 98
Medidas: 14×21 cm
Idioma: galego
Tradución do portugués: Ramón Nicolás
ISBN: 978-84-89323-41-4
Encadernación: rústica con lapelas
Data de publicación 1ª edición: setembro, 2010

Gianfranco andaba obsesionado polo contido das pequenas latas creadas por Piero Manzoni en 1961. Quería abrir unha delas para averiguar se eran realmente as feces do artista as que estaban dentro. Este é o punto de partida dunha novela fascinante que, mesturando xéneros (realidade e ficción, novela negra, diario íntimo, ensaio…), percorre a arte máis subversiva e incomprendida do século XX. Traducida do portugués ao galego polo profesor e crítico literario Ramón Nicolás. Esta obra foi recoñecida co Premio da Edición de Galicia 2010 á Mellor Tradución do ano.

Engadir ao carriño

Navegando-cara-a-Ítaca-libro

NAVEGANDO CARA A ÍTACA

8,00 €

Rafael Catoira Rey

2º Premio do Certame Literario de Vilalba 2013

Formato: 50 pp. 14×21 cms
ISBN: 978-84-89323-61-2

O gran poema grego da Odisea, onde Homero describe a peripecia do heroe Ulises ata regresar á súa patria, Ítaca, é o fío condutor desta recreación poética de Rafael Catoira Rey.

En Navegando cara a Ítaca, a vida —e a poesía— móstranse como a viaxe imprevisible que efectivamente son.

A obra principia cun “Ítaca non existe” para proseguir logo con esta declaración de intencións: “Viaxo ó teu encontro. / Non chegar nunca, / gozar só do presaxio” (…).

Polos versos de Rafael Catoira van transitando algúns dos personaxes do poema homérico: Ulises, a súa muller Penélope, o seu fillo Telémaco, o xigante Polifemo… Aos que fai falar e reflexionar, e aos que a voz poética tamén interpela.

2º Premio do Certame Literario de Vilalba 2013.

Engadir ao carriño

102

MÁXICO TEAR NATURAL

14,00 €

Xosé Manuel Lobato

Unha experiencia íntima coa paisaxe de Galicia. Nunha viaxe moi persoal para 23 espazos.

Páxinas: 113
Medidas: 14×21 cm
Idioma: galego
ISBN: 978-84-89323-66-7
Encadernación: rústica
Data de publicación: maio 2011

Este libro recolle unha viaxe moi persoal a través de Galicia. En máis de 23 etapas, o autor expresa a súa experiencia íntima, directa e profunda coa paisaxe: os bosques do Eume, Finisterre, Montefur, Pambre, Cortegada, San Simón, o refacho de Ourense e o Pico Sacro son algunhas das estancias. Vizosos os bosques, o pobo dos emigrantes, a parte superior da néboa, a maxia Regueiro… Todos eles se internan na poesía en prosa de Xosé Manuel Lobato. Lugares místicos, ás veces caóticos, nos estados contiguos entre a realidade e a ficción. “Magia Natural telar tal vez se reúnen una utopía”, di o autor na introdución; talvez o paraíso ideal, ou unha realidade descoñecida para a maioría. O libro pretende voar sobre o patrimonio de Galicia, refractada, e tamén sobre a verdade -o idealismo- nun puñado de textos que abrollan espontaneamente a partir dunha perspectiva de fortes contrastes.

Engadir ao carriño