Novo

18,50 

En las orillas del Sar (Edición facsimilar)

Rosalía de Castro

 

184 pp . 14’5 x 21’5 cms.
ISBN: 978-84-18567-20-9
Cosído a fío. Papel Ecolóxico.
Entapado con sobrecuberta

 

Os derradeiros poemas de Rosalía de Castro tal e como se publicaron orixinalmente en 1884. Rigorosa e coidada edición facsimilar que incorpora un Limiar da especialista María do Cebreiro Rábade Villar. Unha experiencia lectora única. Trátase da primeira edición facsimilar venal desta obra, desde aquela “edición príncipe” de 1884.

«Rosalía de Castro é unha das primeiras poetas ecoloxistas de Europa (…). Esta edición facsimilar ten a potencia de devolverlle á autora a súa soberanía», afirma María do Cebreiro.

Nota de Prensa

Compartir

Autoría

Rosalía de Castro (Conxo 1837-Padrón 1885) é a figura central do rexurdimento da literatura galega no século XIX e unha das poetas máis destacadas das literaturas galega e española de todos os tempos. Autora de Cantares Gallegos, cuxa publicación en 1863 supuxo todo un acontecemento cultural, e Follas Novas (1880), poemario ontolóxico e tamén de denuncia social, o seu derradeiro libro foi En las orillas del Sar (1884) toda unha obra mestra, en castelán. Rosalía merece ser considerada, xunto a Gustavo Adolfo Bécquer, como a precursora da modernidade poética. É autora así mesmo de varias novelas, a derradeira foi El primer loco (1881), ambientada no histórico Bosque do Banquete de Conxo de 1856. A data de aparición de Cantares Gallegos conmemórase todos os anos durante o Día das Letras Galegas. 

Rescatamos, nunha coidada edición facsimilar, o derradeiro libro de Rosalía de Castro, En las orillas del Sar, publicado orixinalmente en Madrid en 1884.

Reproducimos fielmente aquela primeira edición e incorporamos un limiar da especialista María do Cebreiro Rábade Villar.

«A autora escoita e traduce a voz da natureza á linguaxe humana», afirma.

Rosalía de Castro é unha das primeiras poetas ecoloxistas de Europa.

Nos versos de «Los robles» ou «¡Jamás lo olvidaré…!» álzase rotunda na defensa da natureza e dun bosque, o do histórico e revolucionario Banquete de Conxo celebrado ao sur de Santiago de Compostela en 1856.

«Un libro sensible como poucos ás implicacións do vínculo entre natureza e a historia».

«Esta edición facsimilar ten a potencia de devolverlle á autora a súa soberanía».

«Malia o ton de indubidable desencanto que atravesa o libro desde o primeiro poema, os ideais políticos prevalecen sobre o desacougo».

María do Cebreiro Rábade Villar.