Autoría

Rosalía de Castro

184 pp . 14’5 x 21’5 cms.
ISBN: 978-84-18567-20-9
Entapado con sobrecuberta.

Catro anos despois da publicación facsimilar do derradeiro libro de Rosalía de Castro, lanzamos en Alvarellos Editora unha nova impresión, cun papel especial, que reproduce o máis fiel posible o aspecto da edición orixinal da autora, publicada en Madrid en 1884.

NP_G_En_las_orillas_del_Sar_FACSIMILAR_Alvarellos_Ed_reimpre_2026

NP_CAST_En_las_orillas_del_Sar_FACSIMILAR_Alvarellos_Ed_reimpre_2026

Catro anos despois da primeira edición facsimilar de En las orillas del Sar, a derradeira obra de Rosalía de Castro, publicamos en Alvarellos Editora en 2022, presentamos unha nova impresión cun papel especial «de época», que reproduce o máis fielmente posible o aspecto e textura da edición orixinal que Rosalía publicou en Madrid en 1884, un ano antes do seu falecemento.

En las orillas del Sar está considerado como a cima da poesía española do XIX. Como sinala no Limiar a especialista María do Cebreiro Rábade Villar, «emerxe ante nós unha das primeiras poetas ecoloxistas de Europa», cun río como protagonista do libro, o Sar, e a defensa dos carballos do Bosque do Banquete de Conxo, un espazo natural ao sur da cidade de Santiago, aberto ao público desde 2018.

Para María do Cebreiro, «esta edición facsimilar ten a potencia de devolverlle á autora a súa soberanía», pois edicións posteriores á súa morte sufriron cambios sobre todo na estrutura dos poemas.

En las orillas del Sar anticipa a chegada da poesía moderna á Literatura española. Composto en versos libres, é profundamente existencial, fusiona a defensa da paisaxe galega cunha voz poética interior chea de personalidade, intensa, libre, desesperada en ocasións (pois a enfermidade que acabaría coa súa vida ao ano seguinte, avanzaba), esperanzadora noutras… e rebelde sempre.

O crítico e poeta da Generación de 1927 Dámaso Alonso considerou a Rosalía de Castro como unha das cimas da lírica moderna, «la poeta más personal de todo el siglo XIX español». Con este libro, En las orillas del Sar, Rosalía é, xunto con Gustavo Adolfo Bécquer, a fundadora da poesía española contemporánea. Ademais de ser a fundadora da literatura galega moderna.

CUBERTA EN PAPEL «FLORA AVORIO»

Esta nova edición está impresa en papel Flora Avorio para a capa e sobrecuberta, e Coral Book Ivory para o interior. O Flora Avorio é un papel parcialmente reciclado, suave ao tacto e con partículas visibles incrustadas na súa superficie, o que aporta un aspecto de papel antigo ou de época, moi acaído para a reprodución facsimilar desta obra orixinal de 1884.

A impresión levouse a cabo en Santiago de Compostela en Sacaúntos Cooperativa Gráfica.