• 0 Items - 0,00 €
    0
    • Non hai produtos no carriño.
  • 0 Items - 0,00 €
    0
    • Non hai produtos no carriño.

19,50 €

Más allá de la meta

Emilio Navaza

 

220 pp. 15,5 x 23,5 cms.
978-84-18567-16-2

Un século de atletismo galego a través de 23 crónicas e cen fotografías

Emilio Navaza, veterano xornalista deportivo (e exatleta) leva a cabo, en Más allá de la meta, unha inesquecible crónica ilustrada a través de cen anos de atletismo galego. A partir de 23 singulares historias, esta obra rescata algúns dos intres e dos protagonistas máis destacados, mulleres e homes dun deporte cuxos valores son a constancia, o esforzo e a superación.

 

 

,
Compartir

Autoría

Emilio Navaza

Naceu en Pontevedra en 1948. Despois de dedicarse ao ensino, encamiñou os seus pasos ao xornalismo. O seu labor profesional desenvolveuno en El Correo Gallego e en Radio Obradoiro, especializándose na información deportiva. Creou, en 1978, a Carreira Pedestre Popular de Santiago. A Federación Galega de Atletismo outorgoulle a Insignia de Ouro en 2003. É autor dos libros Gallegos en la gloria olímpica (1992) e Voluntad de hierro. Los gallegos de Barcelona 92, año olímpico (1996). En 2008 foi o gañador, na modalidade de radio, dos IV Premios Galicia de Xornalismo Deportivo, por un traballo sobre os Xogos Olímpicos. En 2013, a Academia Olímpica Española, en colaboración coas tres universidades galegas, premiouno coa Medalla Pierre de Coubertin.
Non se atoparon produtos que concorden coa selección.

Nota de prensa: NP_G_Mas_alla_de_la_meta_Emilio_Navaza_Alvarellos_Editora_2022

O atletismo vive un auxe evidente nos nosos días. O renacer das carreiras populares e eses centos de novos afeccionados que a diario saen a percorrer as súas cidades ou contornas naturais devolveron o protagonismo a un deporte xa centenario en Galicia e que deu ao mundo inesquecibles figuras.

Esta obra, Más allá de la meta. Historias atléticas de Galicia (Alvarellos Editora, 2022), escrita co ritmo áxil dun veterano xornalista deportivo, Emilio Navaza (e que tamén foi atleta), trasládanos precisamente a algúns deses momentos clave na historia do atletismo galego. En total, vinte e tres crónicas ilustradas con preto dun centenar de históricas fotografías.

Viaxaremos aos tempos do Comesaña Sporting Club de Vigo en 1915, o máis antigo de Galicia; ou ata os inicios do pedestrismo, nos anos 70 do pasado século, coa carreira popular de Santiago de Compostela como emblema, nacida en 1978 e impulsada precisamente polo propio Emilio Navaza.

Ao longo destas páxinas reencontrarémonos con figuras indelebles como as de tres mulleres galegas pioneiras no atletismo español: Nela Souto, Natacha Astray e Luisa María García Pena. Ao seu lado, os nosos grandes olímpicos Javier Álvarez Salgado, Carlos Pérez, José Carlos Adán e Alejandro Gómez, os catro vigueses, cidade forxadora de grandes atletas. Vigo vivirá, ademais, nos anos sesenta, unha verdadeira época dourada no cros, baixo as filas do Club Celta.

Neste Más allá de la meta hai tamén espazo para lembrar as visitas a Galicia de ilustres figuras internacionais como Edwin Moses, Rosa Mota ou Said Auita; ou aquela singular viaxe de Natacha Astray desde a España franquista á Cuba de Fidel, ou os mundiais militares da Coruña en 1964…

Son historias de superación, de constancia e de esforzo —tres grandes valores do atletismo— e, sobre todos eles, é o documentado relato dunha paixón, desde Galicia, por un deporte único.

Esta edición contou coa axuda da Secretaría Xeral para o Deporte da Xunta de Galicia e da Federación Galega de Atletismo.

Outros semellantes

Quero ser presidente_0001
Engadir ao carriño

Quero ser Presidente

5,90 €

Claves da comunicación política

 

ISBN: 978-84-89323-22-3
Páxinas: 198
Medidas: 13 x 23 cms
Idioma: galego
Encadernación: tapa branda con lapelas, plastificada
Primeira edición: febreiro 2008

 

Xosé Rúas utiliza neste libro a súa dilatada traxectoria como xornalista, columnista, profesor, investigador universitario e asesor de comunicación política, para achegarnos, nun ton didáctico e ameno, enriquecido por constantes anécdotas e notas de humor, as claves teóricas e técnicas da propaganda e do márketing electoral. Escrito por un experto teórico e profesional galego de referencia, Quero ser presidente. Claves da comunicación electoral ha marcar un antes e un despois nas estratexias electorais empregadas no noso país. Resultará imprescindible e mesmo revelador para calquera especialista ou curioso por coñecer un pouco máis o apaixonante mundo que se agocha detrás de cada campaña electoral.

 

A OPINIÓN DOS EXPERTOS

 

“O libro de Xosé Rúas está cheo de intelixencia práctica e ha ser unha lectura obrigada para calquera que guste do máxico mundo electoral, onde flúen os intereses e os soños, a democracia e o desexo. Unha boa entrega á bibliografía galega sobre comunicación política e unha proposta de debate sobre os procesos electorais e todo o que vai con eles”. Fermín Bouza. Catedrático de Opinión Pública da Universidad Complutense de Madrid (UCM).

 

“Descubre unha dimensión descoñecida da política e das campañas electorais que todo votante debería coñecer”. Pere Oriol Costa. Catedrático de Comunicación Política da Universitat Autònoma de Barcelona (UAB).

 

“Directas, divertidas, útiles, reais e prácticas, creo que estas Claves de Xosé Rúas constitúen agora o máis actualizado consello para candidatos que queren gañar”. Luis Arroyo. Experto en comunicación política e asesor do Goberno de España.

Engadir ao carriño
Cuando compostela subió…_0001
Engadir ao carriño

Cuando Compostela subió el telón

5,90 €

CRÓNICA SENTIMENTAL DE LA DÉCADA DORADA DEL TEATRO SANTIAGUÉS: DITEA, 1960-1970

 

Páxinas: 400
Medidas: 13 x 23 cms
Idioma: castelán
ISBN: 978-84-89323-70-4
Encadernación: rústica con lapelas
Ilustracións: 24 fotografías
Data de publicación 1ª edición: xullo, 2011

 

A investigadora e actriz Alejandra Juno publica CUANDO COMPOSTELA SUBIÓ EL TELÓN. CRÓNICA SENTIMENTAL DE LA DÉCADA DORADA DEL TEATRO SANTIAGUÉS: DITEA, 1960-1970, un ensaio repleto de anécdotas, abundante e rigorosa documentación e moito sentido do humor. A obra alcanza as 400 páxinas, inclúe fotografías da época e un índice onomástico de máis de 500 nomes. CUANDO COMPOSTELA SUBIÓ EL TELÓN reúne todos os elementos que converten unha crónica nun texto cativador e en espello de toda unha época. Esta obra, chea de anécdotas e fino sentido do humor, recupera para a lembranza unha época magnífica da arte dramática en Galicia: a primeira década da Compañía Ditea (Difusión de Teatro), un grupo que decidiu a vocación de moitos dos que actualmente ocupan os escenarios galegos e tamén españois.

 

Polas 400 páxinas deste volume discorren personaxes inesquecibles do Santiago daquela. Compostela na súa esencia máis auténtica nuns anos nos que tantas cousas ían cambiar radicalmente. Alejandra Juno debuxa unha cidade que sabe rir e rir ben, consciente do grande teatro que é o mundo. A obra conta cun limiar de Xerardo Estévez e presentación de Juan Jesús Gestal. Finalmente, inclúe numerosas ilustracións da época e un índice onomástico de máis de 500 nomes.

Engadir ao carriño
Capa-la-huella-impresa-alvarellos-editora-web
Engadir ao carriño

La huella impresa

29,00 €

Textos e imágenes para una historia del arte gallego

 

Obra colectiva

 

485 pp. 15x 23 cms.
ISBN 978-84-89323-93-3

 

 

Autoría: ROSA MARGARITA CACHEDA BARREIRO, MIRIAM ELENA CORTÉS LÓPEZ, MARIO COTELO FELÍPEZ, ENRIQUE FERNÁNDEZ CASTIÑEIRAS, LEOPOLDO FERNÁNDEZ GASALLA, CARLA FERNÁNDEZ MARTÍNEZ, BEGOÑA FERNÁNDEZ RODRÍGUEZ, M. CARMEN FOLGAR DE LA CALLE, JOSÉ MANUEL GARCÍA IGLESIAS, ANTONIO GARRIDO MORENO, VIOLETA GONZÁLEZ FORTE, CARME LÓPEZ CALDERÓN, JOSÉ MANUEL LÓPEZ VÁZQUEZ, ANA I. MESÍA LÓPEZ, IVÁN REGA CASTRO, OFELIA REY CASTELAO, MARÍA RIVO VÁZQUEZ e DIEGO RODRÍGUEZ PAZ.

 

 

 

Unha nova visión da arte de Galicia e a súa relación con outras manifestacións artísticas e culturais. Esta é a proposta que recolle o presente volume titulado La huella impresa. Textos e imágenes para una historia del arte gallego. Unha publicación de Alvarellos Editora e a Universidade de Santiago dirixida polo historiador Juan Manuel Monterroso Montero e coordinada por Carla Fernández Martínez.

 

Dezaoito historiadores da arte —integrantes do grupo de investigación Iacobus da Facultade de Xeografía e Historia da Universidade de Santiago— dan a coñecer nestas páxinas o resultado das súas últimas investigacións. Un esforzo colectivo, ilustrado con 130 imaxes, que abre novos camiños na interpretación da arte galega. Os especialistas estudan o patrimonio desde a arquitectura, a estampa e a pintura contemporánea e poñen en diálogo todas estas expresións artísticas coa aparición e decisiva influencia da imprenta.

Engadir ao carriño
Poemas_del_Diez_de_Marzo_libro_alvarellos
Engadir ao carriño

Poemas del Diez de Marzo

17,00 €

Escritos en la cárcel

Rafael Bárez

160 pp. | 14 x 21 cms.
ISBN 978-84-16460-16-8

 

Unha excepcional edición facsimilar para estes Poemas del diez de marzo (escritos en la cárcel), os versos inéditos do avogado laboralista e político coruñés Rafael Bárez (Cambre, 1946 – A Coruña, 1996). Unha obra escrita na prisión da Coruña durante os nove meses que Bárez permaneceu confinado tras ser procesado polos sucesos do Dez de Marzo de 1972 (a protesta sindical nos estaleiros de Ferrol onde morrerían, a disparos da policía franquista, dous traballadores de Comisións Obreiras. Hoxe, o Dez de Marzo é o Día da Clase Obreira Galega).

 

Ademais da reprodución fiel do mecanoscrito íntegro e inédito orixinal, esta edición conta con colaboradores de excepción: nunha primera parte escriben Manuel Rivas; o catedrático emérito da Universidade de Santiago, Xesús Alonso Montero; o senador e ex-presidente do Principado de Asturias, Vicente Álvarez Areces, e o historiador José Gómez Alén. Ademais, participou directamente a compañeira de Rafael, Toya Fernández, e o colectivo cidadán “Proxecto Cárcere”, que loita pola transformación do edificio do vello cárcere da Coruña nun espazo para a liberdade e a convivencia.

 

A posta en marcha desta coidada edición, que conta co deseño de Pepe Barro, foi posible grazas á colaboración económica de máis de 400 persoas –e colectivos– que apoiaron o proxecto (dez euros por persoa) mediante unha ampla e exitosa campaña de subscripción.

 

POEMAS DESCUBERTOS NUN CAIXÓN

 

Xesús Alonso Montero, Manuel Rivas e Toya Fernández, responsables do coidado da edición, afirman na nota editorial: “Poucas persoas en Galicia, do ámbito político, deixaron un ronsel de simpatía persoal, de adhesión moral e de admiración como o que deixou Rafael Bárez. Como tamén foi un cidadán esclarecido do eido da cultura, cada vez eran máis as voces, nestes tempos de miseria, que reclamaban un recoñecemento digno da súa biografía. Aquí as cousas, Toya Fernández, a súa compañeira, descobre nun caixón semiesquecido un libro, un libro de poemas de Rafael, escrito na prisión da Coruña nos meses que seguen ó Dez de Marzo de 1972, aquel suceso que é un timbre de gloria na historia da clase obreira galega. Este é o poemario que hoxe ofrecemos a amigos, camaradas e admiradores de Rafael Bárez e a cantas persoas gusten da poesía escrita desde dentro dun gran acontecer histórico”.

 

Toya Fernández: “Con este libro honramos a memoria de Rafael Bárez, amigo e compañeiro, que exerceu o dereito e a avogacía como instrumentos de loita política, de loita a favor das liberdades sindicais, de loita contra a desigualdade e a inxustiza. El, e moitos máis, sufriron cárcere e represión por esta causa. E é alí, no cárcere, entre reixas, onde nace este libro de poemas. Porque poden privarche da liberdade de movemento, pero nunca da liberdade de pensar como un home libre”.

 

Xesús Alonso Montero: “Este poemario, más allá del documento, es un conjunto de textos de notable valía poética. El género –la poesía carcelaria– cuenta en España, desde ahora, con un título muy valioso”.

 

Manuel Rivas: “Agora sei que non estabamos totalmente indefensos. Nalgún recanto da súa terra escondida, Rafael Bárez tiña un arsenal serodio, un depósito de humanidade que levedaba dende 1972”.

 

Vicente Álvarez Areces: “Estábamos aislados de los presos comunes, y nuestra vida transcurría entre un patio interior y las celdas que estaban en una galería con acceso directo al patio, por lo que disponíamos de cierta libertad de movimientos durante el día”.

Engadir ao carriño
El alumbrado público…_0001
Engadir ao carriño

El alumbrado público en Santiago

15,00 €

Unha historia de luces e sombras na vella Compostela.

 

Páxinas: 138
Medidas: 13×23
Idioma: castelán
Data de publicación: maio 2009
ISBN: 978-84-89323-29-2
Encadernación: rústica plastificada con lapelas
Ilustracións: fotografías e documentos de época

 

A nova obra do investigador santiagués José Antonio Tojo Ramallo titúlase El alumbrado público en Santiago, un ensaio publicado conxuntamente por Alvarellos Editora e o Consorcio de Santiago. Nel, Tojo Ramallo, quen xa é autor doutros tres libros de historia local, repasa dun xeito ameno e documentado as orixes e desenvolvemento do sistema público de alumeamento, desde as súas orixes hai xustamente dous séculos:

 

Na protohistoria do alumeamento de Santiago sitúanse os coquines ou mullidores, personaxes que, ata o século XVIII, percorrían as rúas portando un facho e unha campaíña e rogando a voces o rezo dun Noso Pai polas ánimas do purgatorio e do Arcebispo Fonseca.

 

DOUSCENTOS ANOS DE LUCES E SOMBRAS

Logo chegaría o aceite. En 1809 instálase en Santiago o primeiro sistema de alumeamento público do que temos noticia. Pretendíase aumentar a seguridade nas rúas ante a invasión dos franceses. Os primeiros farois instaláronse ao redor de 1822, os chamados farois de reverbero, construídos por artesáns locais do latón e do ferro, e mantidos polos vedores.

 

“A NOITE ESTÁ VARRIDA DA TERRA”

Tras o aceite, o gas; e, finalmente, a revolución da luz eléctrica. Santiago foi a primeira cidade de España que probou ese novo invento coñecido como electricidade. Foi un 2 de abril de 1851, no claustro da Universidade. “A noite está varrida da terra”, exclamou unha das testemuñas daquel acontecemento. Pero aínda habería que esperar case medio século para ver chegar a luz eléctrica ás rúas máis céntricas.

 

Un breve pero rigoroso e ameno ensaio dunha época na que a cidade de Santiago foi entrando, aos poucos, niso que chamamos modernidade e progreso. Dous séculos de luces e sombras na vella Compostela.

 

» ver caderniño gráfico

Engadir ao carriño
Migraciones_Y_Sanidad_Alvarellos_Libro_2017
Engadir ao carriño

MIGRACIONES Y SANIDAD

21,00 €

ANTIGUOS Y NUEVOS DESAFÍOS

 

292 pp. | 23,5 x 15 cms
ISBN 978-84-16460-25-0

 

OBRA COLECTIVA ONDE PARTICIPAN:

Julio Hernández Borge
Domingo L. González Lopo
Juan Jesús Gestal Otero
Manuel Barreiro de Acosta
Elena Rego Romero
Cristina Márquez Riveras
José Antonio Taboada Rodríguez
Luisa Fernanda Peleteiro Pensado
Alexandre García Caballero
Ana Torres Prieto
Maria Antónia Lopes
Alexandra Esteves
Baudilio Barreiro Mallón

 

A saúde migratoria, como sinalou a Organización Internacional para as Migracións, é un campo especializado das ciencias sanitarias que trata tanto problemas de saúde individuais dos migradores, como os asuntos da saúde pública relacionados co desprazamento espacial das persoas.

 

A transmisión de enfermidades ao longo da historia da humanidade estivo moi relacionada coas migracións humanas, que causaron en determinadas épocas verdadeiras hecatombes. Pero as migracións tamén levan contribuído á propagación de remedios para combater moitos males.

 

Nun mundo globalizado coma o de hoxe, con medios de transporte que permiten unir os puntos máis extremos da superficie terrestre nunhas horas, e cunha mobilidade de poboación moi intensa, as posibilidades de transmisión dunha enfermidade son moito maiores que no pasado. Por outra banda, tamén son máis eficaces e rápidos os medios disponibles. A difusión de vacinas, antibióticos e outro tipo de medicamentos está detrás da forte caída da mortalidade no mundo dende mediados do século XX.

 

Na presente obra recóllense unha serie de investigacións realizadas por médicos e historiadores que mostran diversos temas sobre a relación das migracións humanas co ámbito sanitario.

 

ANTIGUOS Y NUEVOS DESAFÍOS

Engadir ao carriño