Novo

Dolores del Río: a palabra e a cruz

19,90 €

Dolores del Río: a palabra e a cruz

Ana Belén Feijoó Valencia

231 pp. 13 x 23 cms
ISBN 979-13-88293-01-6
Papel FSC Amigo dos Bosques

NP_GAL_DOLORES-DEL-RÍO

Non podemos entender a nosa historia –política ou cultural– galega, a do último século e medio do noso país, sen escoitar, sen coñecer, todas as voces. Tamén as que máis nos poidan incomodar. Voces como a da autora coruñesa Dolores del Río Sánchez-Granados.

Unha figura totalmente esquecida, por varios motivos: pola histórica exclusión das mulleres da cultura (e máis se esas mulleres actuaron fóra dos centros hexemónicos españois), porque escribiu nunha etapa que é das menos estudadas da literatura galega (de 1913 é o seu primeiro texto en galego), e pola súa posición ideolóxica.

Autora dun só libro en vida, Dolores del Río foi unha laureada poeta, docente, activista social na Coruña de entreséculos… e ultraconservadora. Coincidía coas feministas dos anos 20 na necesidade de dar espazo e osíxeno na vida pública ás mulleres intelectuais, de defender o dereito á educación… pero todo dende unha moral ultracatólica e españolista, que non lle impedía, non obstante, facelo en galego, mesmo en plena guerra civil.

«Enfrontarse á súa obra obríganos a soster algunhas incomodidades no centro do discurso: que moitas mulleres exerceron violencias patriarcais contribuíndo activamente a reforzar os mesmos límites que as aprisionaban», afirma Ana Belén Feijoó, autora deste revelador ensaio, un volume que incorpora unha antoloxía de textos (en galego e castelán) escritos entre 1896 e 1943.

Autoría: Ana Belén Feijoó Valencia Categoría: Oeste [Divulgación & ensaio]

Autoría

Ana Belén Feijoó Valencia

(Xinzo de Limia, 1996) é investigadora, escritora e doutora cum laude en Historia da Arte pola Universidade Complutense de Madrid. A súa tese de doutoramento, «A través de Maruja Mallo. Identidad artística, teorías estéticas y estrategias de difusión» (2025), culmina seis anos de investigación dedicados á pintora galega da xeración española de 1927. As súas publicacións céntranse en escritos de arte, na pintura española do século XX e na recuperación de mulleres esquecidas da cultura galega, como é o caso deste seu primeiro libro, que nos descobre a figura de Dolores del Río.

Non se atoparon produtos que concorden coa selección.

Máis información

NP_GAL_DOLORES-DEL-RÍO

Outros semellantes

Santiago Tafall_0001

Santiago Tafall

17,00 €

Beatriz Cancela Montes

Un músico compostelano en los albores del galleguismo

Páxinas: 162
Medidas: 13×23
Idioma: castelán
Data de publicación 1ª edición: maio 2010
ISBN: 978-84-89323-40-7
Encadernación rústica

Santiago Tafall Abad (1858-1930) foi unha figura clave no panorama cultural da Galicia de fins do século XIX e primeiro terzo do XX. Destacado músico e musicólogo, mestre de capela e cóengo da catedral de Santiago. Este volume, Santiago Tafall. Un músico compostelano en los albores del galleguismo, constitúe unha importante –e pioneira– aproximación á súa vida e obra. A autora, Beatriz Cancela, estuda a súa tripla faceta como docente, compositor e teórico, para centrarse logo na vinculación do músico co movemento “rexeneracionista”.

Tafall apostaba polo purismo musical e o estudo do folclore tradicional galego, catalogando os alalás como os cánticos máis puros, conectados co propio canto gregoriano. Consideraba o pasado medieval como a culminación da cultura galega. Profundou nas teorías vixentes da época, dentro do galeguismo tradicionalista no que estaba inmerso Compostela, e chegou a teorizar ao redor dos vínculos entre o folclore galego e o bretón, defendendo a orixe celta para a gaita e a medieval para a zanfona. Esta obra recibiu en 2009 o I Premio de Ensaio Histórico “Domingo Fontán” da Real Sociedade Económica de Amigos do País de Santiago e a Universidade de Santiago de Compostela.

Engadir ao carriño

A_procura_da_poesia_Vida_e_obra_de_Luz_Pozo_Garza

Á PROCURA DA POESÍA

24,00 €

Andrés Pociña, Aurora López

VIDA E OBRA DE LUZ POZO GARZA

Formato: 571 pp. 13 x 23 cms
ISBN: 978-84-89323-89-6

Aurora López e Andrés Pociña dedicaron máis de dez anos ao estudo da vida e obra de Luz Pozo Garza, quizais a meirande figura das Letras Galegas dos nosos días. O presente volume é a culminación dese inxente traballo: unha obra rica en datos, noticias, textos –moitos, absolutamente inéditos ou descoñecidos– e opinións escritas pola propia Luz onde se sincera, a petición dos autores, sobre a súa obra literaria. O libro complétase cunha antoloxía da obra poética de Luz e tamén inclúe unha selección de fotografías e ilustracións como resumo gráfico de case un século de vida… á procura da Poesía.

Engadir ao carriño

Migraciones_Y_Sanidad_Alvarellos_Libro_2017

MIGRACIONES Y SANIDAD

21,00 €

ANTIGUOS Y NUEVOS DESAFÍOS

292 pp. | 23,5 x 15 cms
ISBN 978-84-16460-25-0

OBRA COLECTIVA ONDE PARTICIPAN:

Julio Hernández Borge
Domingo L. González Lopo
Juan Jesús Gestal Otero
Manuel Barreiro de Acosta
Elena Rego Romero
Cristina Márquez Riveras
José Antonio Taboada Rodríguez
Luisa Fernanda Peleteiro Pensado
Alexandre García Caballero
Ana Torres Prieto
Maria Antónia Lopes
Alexandra Esteves
Baudilio Barreiro Mallón

A saúde migratoria, como sinalou a Organización Internacional para as Migracións, é un campo especializado das ciencias sanitarias que trata tanto problemas de saúde individuais dos migradores, como os asuntos da saúde pública relacionados co desprazamento espacial das persoas.

A transmisión de enfermidades ao longo da historia da humanidade estivo moi relacionada coas migracións humanas, que causaron en determinadas épocas verdadeiras hecatombes. Pero as migracións tamén levan contribuído á propagación de remedios para combater moitos males.

Nun mundo globalizado coma o de hoxe, con medios de transporte que permiten unir os puntos máis extremos da superficie terrestre nunhas horas, e cunha mobilidade de poboación moi intensa, as posibilidades de transmisión dunha enfermidade son moito maiores que no pasado. Por outra banda, tamén son máis eficaces e rápidos os medios disponibles. A difusión de vacinas, antibióticos e outro tipo de medicamentos está detrás da forte caída da mortalidade no mundo dende mediados do século XX.

Na presente obra recóllense unha serie de investigacións realizadas por médicos e historiadores que mostran diversos temas sobre a relación das migracións humanas co ámbito sanitario.

ANTIGUOS Y NUEVOS DESAFÍOS

Engadir ao carriño

9788416460649osultimoscarballos

Os últimos carballos do Banquete de Conxo [2ª ed. ampliada]

19,50 €

[2ª edición actualizada e ampliada]

Formato: 12 x 22 cms.
ISBN 978-84-16460-64-9
Cosido a fío. Impreso en cor.

Edición ao coidado de Henrique Alvarellos.

Autores: Henrique Alvarellos, Xurxo Martínez González, Francisco Singul, Martín Souto e Julio Estrada Nérida.

O libro que impulsou en 2018 a apertura do Bosque do Banquete de Conxo, onde se ergue o Carballo centenario, Árbore do Ano de España 2022 e Segunda Mellor Árbore de Europa 2022.

Nova edición ampliada da obra que impulsou a apertura do Bosque do Banquete de Conxo, o espazo natural ao sur de Compostela que fascinou a Rosalía de Castro. Incorpora os tres brindes oficiais daquel insólito acto de fraternidade na Galicia e España de 1856 (os de Aurelio Aguirre, Eduardo Pondal e Luis Rodríguez Seoane) e tamén os clandestinos. Inclúe oitenta fotografías, planos e ilustracións; trinta deles, novos. Coordinados polo responsable da edición e coautor, Henrique Alvarellos, escriben tamén Xurxo Martínez, Francisco Singul, Martín Souto e Julio Estrada.

Alvarellos Editora publica a segunda edición actualizada e ampliada d’Os últimos carballos do Banquete de Conxo, a obra que, editada por vez primeira en 2016, impulsou a apertura do histórico Bosque do Banquete de Conxo de 1856. Unha edición ao coidado de Henrique Alvarellos (Lugo, 1968), impulsor da apertura ao público deste espazo natural e histórico.

Incorpora máis de trinta novas fotografías e ilustracións, actuais e históricas; os textos completos dos tres brindes pronunciados naquel acto por Aurelio Aguirre, Eduardo Pondal e Luis Rodríguez Seoane, mais tamén a noticia doutros brindes, ata agora descoñecidos, tan atrevidos para o seu tempo que nin sequera chegarían a ser publicados. Xunto a todo isto, moitos datos novos —históricos e literarios— sobre este lugar, un mapa actualizado do bosque e un total de oitenta ilustracións, planos e fotografías.

Viaxamos ao espazo natural que tanto fascinou a Rosalía de Castro; ao histórico mosteiro que visitou Federico García Lorca en 1916; ao souto que versificou, na bruma do século XIII, o trobador Joam Airas; e tamén ao lugar de devoción pola Virxe da Cuncha de milleiros de peregrinos dende os tempos medievais.

Todos estes feitos figuran concentrados nun espazo concreto ao sur de Compostela: a carballeira do Banquete de Conxo. Nela, un domingo 2 de marzo de 1856 viviríase un feito insólito: a celebración dun banquete democrático onde brindaron xuntos, pola liberdade e a fraternidade, estudantes e artesáns. De aquí xurdirá a xeración que logo vai promover o Rexurdimento pleno da cultura galega.

Neste bosque, nas marxes do río Sar, resiste unha fraga onde se erguen os últimos carballos centenarios do Banquete de Conxo, testemuñas vivas de acontecementos únicos na historia de Galicia.

Engadir ao carriño

Memorias-dun-loitador-antifranquista-Alvarellos-Editora-2018

Memorias dun loitador antifranquista

22,50 €

David Álvarez Carballido

Entrevistado por Antón Santamarina. Edición de Anahí Almasia e Mariela Sánchez

412 pp. 13 x 23 cms.
ISBN 978-84-16460-44-1

En 1998, David Álvarez Carballido (A Fonsagrada-Lugo, 1922-2017) concedeu unha longa entrevista ao filólogo e paisano seu Antón Santamarina. Foi durante varios días de agosto, na aldea común de ambos de San Martín de Suarna.

Dúas décadas despois, este documento único ve por fin a luz, as Memorias dun loitador antifranquista. O testemuño do comunista David Álvarez Carballido, publicado por Alvarellos Editora na súa colección Oeste.

Foi preciso un fondo traballo de edición para organizar o valioso material custodiado por Santamarina. A psicóloga e escritora Anahí Almasia (sobriña de David) e a doutora e especialista en memoria histórica Mariela Sánchez puxéronse a traballar arreo dende a súa cidade de Bos Aires. Había que converter aquelas horas de conversa nun volume revelador. David posuía unha fina e poderosa memoria e o resultado queda á vista nestas páxinas.

É o testemuño valoroso e honesto dun incansable loitador antifranquista. Dun comunista que fuxiu dende Galicia a Bos Aires en 1948 para non regresar ao país ata 1962, e ser detido e torturado en Vigo pouco despois, cando denunciaba o fusilamento de Julián Grimau. Fiel ata o final dos seus días, aínda en 2014, con 92 anos, acudía ao consulado arxentino a interpor a súa denuncia na querela daquel país contra os crimes do franquismo.

“Poucos libros memorialísticos, de militantes antifranquistas, teñen a naturalidade, a frescura e o xeito destas memorias”.
Xesús Alonso Montero, autor do Prólogo.

“O que digo aquí é soamente para que non quede esquecido. Todo o que sabemos daquel terror que invadiu España, que se coñeza”.
David Álvarez Carballido.

Entrevistado por Antón Santamarina. Edición de Anahí Almasia e Mariela Sánchez.

Engadir ao carriño

Cuando compostela subió…_0001

Cuando Compostela subió el telón

5,90 €

CRÓNICA SENTIMENTAL DE LA DÉCADA DORADA DEL TEATRO SANTIAGUÉS: DITEA, 1960-1970

Páxinas: 400
Medidas: 13 x 23 cms
Idioma: castelán
ISBN: 978-84-89323-70-4
Encadernación: rústica con lapelas
Ilustracións: 24 fotografías
Data de publicación 1ª edición: xullo, 2011

A investigadora e actriz Alejandra Juno publica CUANDO COMPOSTELA SUBIÓ EL TELÓN. CRÓNICA SENTIMENTAL DE LA DÉCADA DORADA DEL TEATRO SANTIAGUÉS: DITEA, 1960-1970, un ensaio repleto de anécdotas, abundante e rigorosa documentación e moito sentido do humor. A obra alcanza as 400 páxinas, inclúe fotografías da época e un índice onomástico de máis de 500 nomes. CUANDO COMPOSTELA SUBIÓ EL TELÓN reúne todos os elementos que converten unha crónica nun texto cativador e en espello de toda unha época. Esta obra, chea de anécdotas e fino sentido do humor, recupera para a lembranza unha época magnífica da arte dramática en Galicia: a primeira década da Compañía Ditea (Difusión de Teatro), un grupo que decidiu a vocación de moitos dos que actualmente ocupan os escenarios galegos e tamén españois.

Polas 400 páxinas deste volume discorren personaxes inesquecibles do Santiago daquela. Compostela na súa esencia máis auténtica nuns anos nos que tantas cousas ían cambiar radicalmente. Alejandra Juno debuxa unha cidade que sabe rir e rir ben, consciente do grande teatro que é o mundo. A obra conta cun limiar de Xerardo Estévez e presentación de Juan Jesús Gestal. Finalmente, inclúe numerosas ilustracións da época e un índice onomástico de máis de 500 nomes.

Engadir ao carriño