Name: Diarios (1938 e 1945)
Price: 21.5 EUR
Availability: InStock
Author: Syra Alonso

Diarios (1938 e 1945)

Syra Alonso

Tradución de Anxos Sumai García
Introdución de Carme Vidal
Epílogo de Conrado J. Arranz

276 pp . 13 x 23 cms.
ISBN 978-84-18567-81-0
Papel FSC Amigo dos Bosques

Unha das crónicas máis impactantes da Guerra Civil española. Nova edición actualizada e ampliada con material inédito (textos e imaxes) e onde participan tres especialistas na autora: Carme Vidal, Anxos Sumai e, dende México, Conrado J. Arranz.

A voz de Syra Alonso (A Coruña, 1899-México, 1970) emerxe dende o silencio do exilio para contar unha das crónicas máis impactantes da Guerra Civil española. Estes Diarios (1938 e 1945) que agora regresan en nova edición e con material inédito, relatan o terror vivido en Galicia e a loita desesperada de Syra por salvar ao seu marido, o pintor Francisco Miguel (A Coruña, 1897-Bértoa, Carballo, 1936), durante as horas máis tristes da súa vida. Un documento imprescindible que mostra o horror do franquismo e a forza da resistencia persoal.

A presente edición dos Diarios de Syra Alonso actualiza e amplía, con diverso material inédito, o volume publicado no ano 2000 cando foran descubertos os manuscritos.

Conta coa participación de varias especialistas na autora: un estudo introdutorio actualizado da ensaísta e xornalista Carme Vidal, a tradución ao galego a cargo de Anxos Sumai García, o epílogo asinado polo profesor e investigador mexicano Conrado J. Arranz Mínguez, que descobre a faceta creativa e de narradora de ficción de Syra Alonso, y aporta un conto descoñecido da autora, titulado “Tres homiños” ambientado na Galicia daqueles días terribles.

A actual edición aporta así mesmo 16 páxinas de fotografías e documentos inéditos ou moi pouco difundidos da autora e do pintor.

Autoría

Syra Alonso

SYRA MARÍA ALONSO BRUFAU é unha das máis extraordinarias cronistas da represión franquista. Naceu na Coruña en 1899. Filla dunha familia burguesa, moi nova coñeceu ao pintor Francisco Miguel, co que compartiría vida e proxectos. Xuntos rexentaron a Libraría da Arte na rúa Real, un espazo frecuentado por galeguistas e republicanos. Fascinados pola cultura de vangarda, viaxaron entre 1923 e 1926 a París e Cuba, para finalmente establecerse en México en 1926, onde conviviron cun amplo círculo de artistas e intelectuais. En 1933 regresaron coa súa familia á Coruña e estableceron o seu fogar en Santa Cruz de Oleiros, na que foi alcumada por Syra como Casa da Felicidade. O 3 de agosto de 1936, Francisco Miguel foi detido polos sublevados e, vinte e seis días despois, apareceu o seu corpo sen vida, xunto con outras tres persoas, todos cruelmente asasinados. Os outros eran Juan Boedo Pardo, Andrés Pinilla Fraga e Pedro Pinilla Calvete. Serían enterrados en Bértoa, Carballo. Os seus restos non serían identificados ata setembro de 2023, cando foron exhumados pola ARMH. A partir deste tráxico acontecemento, Syra inicia a escrita das súas memorias. En 1942 consegue exiliarse en México xunto cos seus tres fillos, Francisco Alberto, Juan Ramón e Sandro. Co paso dos anos, unha xordeira progresiva irá afastándoa da vida social. Faleceu en 1970, vítima dun cancro de ósos, en México DF. No ano 2000 saíron á luz os seus escritos, traducidos ao galego por Anxos Sumai e editados por A Nosa Terra. Reeditados por Alvarellos Editora en 2025, saen publicados por vez primeira en castelán en 2026, con numeroso material inédito nunha edición ao coidado de Conrado J. Arranz. As Memorias de Syra son un documento clave da represión durante a guerra civil en Galicia e do exilio. Escritos entre 1937 e 1945, os textos dan conta do horror vivido e da dignidade das mulleres galegas, ás que Syra rende homenaxe pola súa valentía fronte á brutalidade franquista. (Na imaxe, a autora na Ficha de Migración expedida en México en agosto de 1942).

NovoNovo

El mar tenía un amargo sabor a lágrimas. Memorias (1937-1945)

28,50 €

Syra Alonso

528 pp. 15,5 x 23 cms
ISBN 978-84-18567-98-8
Papel FSC. Amigo dos Bosques

A escritora galega Syra Alonso (A Coruña, 1899-México, 1970), inédita ata hoxe en castelán, emerxe nestas páxinas coma unha nova voz para a literatura española no exilio.

Unha parte destas Memorias viu a luz en galego no ano 2000 no selo editorial A Nosa Terra (con reedición en 2025 por Alvarellos Editora), pero o recente achado en México, por parte de Conrado J. Arranz Mínguez, de novos e valiosos manuscritos, posibilitou esta magna edición, agora completa e anotada.

Publicada baixo o título El mar tenía un amargo sabor a lágrimas. Memorias (1937-1945), estamos ante unha das crónicas más impactantes da represión exercida polos sublevados durante a guerra civil española. Describindo a súa dor, Syra Alonso reconstrúe un trauma colectivo e documenta unha época feroz, cunha enorme calidade literaria.

Ata agora, fóra de Galicia, a súa figura atopábase silenciada, difuminada pola historia. No verán de 1936 ela emprendera unha loita desesperada para salvar ao seu marido, o pintor Francisco Miguel, que sería asasinado en setembro de 1936. En 1937 Syra inicia a escrita destas Memorias en Galicia en 1937 e, aínda que as concluiu en México en 1945, durante toda a súa existencia continuou reelaborando os manuscritos coma un proxecto de vida, de resistencia persoal e de anhelo de transmisión cara o futuro.

200 PÁXINAS INÉDITAS
A edición en castelán incorpora 200 páxinas rigorosamente inéditas, a partir dos manuscritos localizados en 2025 en México por Conrado J. Arranz. Entre elas, e principalmente, o capítulo titulado “Memoria da Coruña” onde Syra narra a súa infancia e xuventude na súa cidade natal, conta como coñeceu ao seu home, o pintor Francisco Miguel, e relata os seus viaxes xuntos nos anos 20 a París ou Madrid, ata a época na que viviron en México entre 1927 e 1933.

A presente edición ao coidado de Conrado J. Arranz a partir dos arquivos dos tres fillos do matrimonio Syra-Francisco Miguel (Francisco Alberto, Juan Ramón e Sandro), conta con textos introdutorios de Teresa Fernández Hernández, Carme Vidal, Carmen García-Rodeja, Patricia de los Ríos Lozano e Yirel de la O Molina e o propio estudo do editor literario.

NP_GAL_Memorias_Syra

Engadir ao carriño

NP_Gal_Diarios_Syra_Alonso_2025

Outros semellantes

“Cantares gallegos”, hoxe

13,00 €

Mª Pilar García Negro

Unha lectura actualizada de Rosalía de Castro

Formato: 134 pp. 13×23 cms
ISBN: 978-84-89323-88-9

PREMIO DA EDICIÓN DE GALICIA ao Mellor Libro de Non Ficción do ano 2013

Ao cumprírense 150 anos da publicación de Cantares gallegos (Vigo, 1863), a profesora María Pilar García Negro leva a cabo unha posta ao día orixinal, realista e actualizada da obra que cualifica como o primeiro monumento da literatura galega contemporánea. “O noso intento foi explicar a Rosalía e explicar os Cantares… desmusealizándoos”, afirma García Negro. “O feminismo ilustrado e sempre socializado; o amor e a defensa afervoada da Galiza; o compromiso radical coas súas clases populares. A fórmula maxistral da escritora aliméntase destes mandatos”.

Engadir ao carriño

MARÍA VINYALS, A MULLER DO PORVIR [Edición en galego]

20,00 €

Diego Piay Augusto

Sete vidas baixo a sombra dun castelo

Diego Piay

Formato: 23,5 x 15,5 cms. 248 pp.
ISBN galego 978-84-16460-70-0

Esta obra é o resultado dunha profunda e rigorosa investigación, con numeroso material inédito (documental, gráfico e de testemuños orais), sobre a apaixonante historia vital de María Vinyals y Ferrés, nacida en 1875 no Castelo de Soutomaior (Pontevedra).

María Vinyals medrou no seo dunha familia acomodada, acumulou intensas experiencias e acabou converténdose nunha prolixa escritora, nunha pioneira do feminismo e nunha muller preocupada pola sociedade que a rodeaba.

Na súa vida privada rebelaríase contra o desencanto dun matrimonio desgraciado. Co seu segundo marido –o médico cubano Enrique Lluria– compartiría ideais políticos e sociais, e xuntos chegarían a fundar, en 1910, un gran sanatorio, no vello teatro do propio Castelo de Soutomaior. Fixaron aquí a súa residencia xunto aos seus cinco fillos; catro procedían de matrimonios precedentes.

En 1917, afogados polas débedas e marxinados polos seus ideais políticos, María Vinyals e Enrique Lluria abandonarían para sempre o Castelo de Soutomaior. Foi entón cando os seus camiños, e os dos seus fillos Antonio, Enrique, Emilia, María Teresa e Roger, tomarían diferentes rumbos e nunca volverían a atoparse.

O presente ensaio histórico (publicado en tres idiomas: galego, castelán e inglés) repasa estas sete vidas que medraron baixo a sombra dun castelo. Desde esta impresionante fortaleza medieval, que hoxe é patrimonio público, propiedade da Deputación de Pontevedra, Diego Piay viaxa máis alá dos seus límites e das súas ameas, máis alá de Pontevedra, Galicia… ou Europa.

Esta historia xestouse tras as robustas murallas do castelo e agora, moitos anos despois, regresa ao lugar onde todo comezou.

Engadir ao carriño

MARÍA VINYALS, LA MUJER DEL PORVENIR [Edición en castelán]

20,00 €

Diego Piay Augusto

Siete vidas bajo la sombra de un castillo

Formato: 23,5 x 15,5 cms. 248 pp.
ISBN castelán 978-84-16460-69-4

Esta historia xestouse tras as robustas murallas do castelo e agora, moitos anos despois, regresa ao lugar onde todo comezou.

Engadir ao carriño

GALLEIRA PASSPORT

19,00 €

Luís Menéndez

CRÓNICAS VIAXEIRAS DO SÉCULO XXI

Formato: 243 pp. 13 x 23 cms
ISBN: 978-84-89323-57-5

Relatos de viaxes con historias que atrapan dende o primeiro intre. Galleira é Galicia na xerga gremial dos afiadores, o irónico e mundial barallete. O termo serviulle de alicerce a Luís Menéndez, xornalista ambulante, para ganduxar tres inesquecibles travesías polas realidades multiculturais de 26 países. Desde Irlanda a Bretaña, desde Estonia a Chipre, de Brasil e Timor-Leste ata Mozambique.

Con Limiar de Manuel Rivas e ilustrado con fotografías das mellores travesías.

Do autor das series documentais da Televisión de Galicia: Terras de Merlín, Terras do Leste e Terras de Acolá. Inclúe un código “QR” con acceso directo á series da TVG que orixinaron estas viaxes.

Engadir ao carriño

Poemas del Diez de Marzo

17,00 €

Rafael Bárez

Escritos en la cárcel

Rafael Bárez

160 pp. | 14 x 21 cms.
ISBN 978-84-16460-16-8

Unha excepcional edición facsimilar para estes Poemas del diez de marzo (escritos en la cárcel), os versos inéditos do avogado laboralista e político coruñés Rafael Bárez (Cambre, 1946 – A Coruña, 1996). Unha obra escrita na prisión da Coruña durante os nove meses que Bárez permaneceu confinado tras ser procesado polos sucesos do Dez de Marzo de 1972 (a protesta sindical nos estaleiros de Ferrol onde morrerían, a disparos da policía franquista, dous traballadores de Comisións Obreiras. Hoxe, o Dez de Marzo é o Día da Clase Obreira Galega).

Ademais da reprodución fiel do mecanoscrito íntegro e inédito orixinal, esta edición conta con colaboradores de excepción: nunha primera parte escriben Manuel Rivas; o catedrático emérito da Universidade de Santiago, Xesús Alonso Montero; o senador e ex-presidente do Principado de Asturias, Vicente Álvarez Areces, e o historiador José Gómez Alén. Ademais, participou directamente a compañeira de Rafael, Toya Fernández, e o colectivo cidadán “Proxecto Cárcere”, que loita pola transformación do edificio do vello cárcere da Coruña nun espazo para a liberdade e a convivencia.

A posta en marcha desta coidada edición, que conta co deseño de Pepe Barro, foi posible grazas á colaboración económica de máis de 400 persoas –e colectivos– que apoiaron o proxecto (dez euros por persoa) mediante unha ampla e exitosa campaña de subscripción.

POEMAS DESCUBERTOS NUN CAIXÓN

Xesús Alonso Montero, Manuel Rivas e Toya Fernández, responsables do coidado da edición, afirman na nota editorial: “Poucas persoas en Galicia, do ámbito político, deixaron un ronsel de simpatía persoal, de adhesión moral e de admiración como o que deixou Rafael Bárez. Como tamén foi un cidadán esclarecido do eido da cultura, cada vez eran máis as voces, nestes tempos de miseria, que reclamaban un recoñecemento digno da súa biografía. Aquí as cousas, Toya Fernández, a súa compañeira, descobre nun caixón semiesquecido un libro, un libro de poemas de Rafael, escrito na prisión da Coruña nos meses que seguen ó Dez de Marzo de 1972, aquel suceso que é un timbre de gloria na historia da clase obreira galega. Este é o poemario que hoxe ofrecemos a amigos, camaradas e admiradores de Rafael Bárez e a cantas persoas gusten da poesía escrita desde dentro dun gran acontecer histórico”.

Toya Fernández: “Con este libro honramos a memoria de Rafael Bárez, amigo e compañeiro, que exerceu o dereito e a avogacía como instrumentos de loita política, de loita a favor das liberdades sindicais, de loita contra a desigualdade e a inxustiza. El, e moitos máis, sufriron cárcere e represión por esta causa. E é alí, no cárcere, entre reixas, onde nace este libro de poemas. Porque poden privarche da liberdade de movemento, pero nunca da liberdade de pensar como un home libre”.

Xesús Alonso Montero: “Este poemario, más allá del documento, es un conjunto de textos de notable valía poética. El género –la poesía carcelaria– cuenta en España, desde ahora, con un título muy valioso”.

Manuel Rivas: “Agora sei que non estabamos totalmente indefensos. Nalgún recanto da súa terra escondida, Rafael Bárez tiña un arsenal serodio, un depósito de humanidade que levedaba dende 1972”.

Vicente Álvarez Areces: “Estábamos aislados de los presos comunes, y nuestra vida transcurría entre un patio interior y las celdas que estaban en una galería con acceso directo al patio, por lo que disponíamos de cierta libertad de movimientos durante el día”.

Engadir ao carriño

MIGRACIONES Y SANIDAD

21,00 €

ANTIGUOS Y NUEVOS DESAFÍOS

292 pp. | 23,5 x 15 cms
ISBN 978-84-16460-25-0

OBRA COLECTIVA ONDE PARTICIPAN:

Julio Hernández Borge
Domingo L. González Lopo
Juan Jesús Gestal Otero
Manuel Barreiro de Acosta
Elena Rego Romero
Cristina Márquez Riveras
José Antonio Taboada Rodríguez
Luisa Fernanda Peleteiro Pensado
Alexandre García Caballero
Ana Torres Prieto
Maria Antónia Lopes
Alexandra Esteves
Baudilio Barreiro Mallón

A saúde migratoria, como sinalou a Organización Internacional para as Migracións, é un campo especializado das ciencias sanitarias que trata tanto problemas de saúde individuais dos migradores, como os asuntos da saúde pública relacionados co desprazamento espacial das persoas.

A transmisión de enfermidades ao longo da historia da humanidade estivo moi relacionada coas migracións humanas, que causaron en determinadas épocas verdadeiras hecatombes. Pero as migracións tamén levan contribuído á propagación de remedios para combater moitos males.

Nun mundo globalizado coma o de hoxe, con medios de transporte que permiten unir os puntos máis extremos da superficie terrestre nunhas horas, e cunha mobilidade de poboación moi intensa, as posibilidades de transmisión dunha enfermidade son moito maiores que no pasado. Por outra banda, tamén son máis eficaces e rápidos os medios disponibles. A difusión de vacinas, antibióticos e outro tipo de medicamentos está detrás da forte caída da mortalidade no mundo dende mediados do século XX.

Na presente obra recóllense unha serie de investigacións realizadas por médicos e historiadores que mostran diversos temas sobre a relación das migracións humanas co ámbito sanitario.

ANTIGUOS Y NUEVOS DESAFÍOS

Engadir ao carriño