• 0 Items - 0,00 €
    0
    • Non hai produtos no carriño.

16,90 €

Gárgolas de Compostela | Compostela Gargoyles

Benxamín Vázquez
Fotografías de Xaime Cortizo

 

146 pp. Formato 12 x 22 cms
ISBN 978-84-18567-31-5
Impreso en papel FSC

 

Santiago de Compostela é quizais a cidade europea con maior densidade de gárgolas, esas máscaras pétreas —enigmáticas, divertidas, transgresoras— que nos contemplan desde o alto a partir da Idade Media. Hai máis de 300, e nesta pioneira guía trilingüe (galego, castelán e inglés) selecciónanse 30 das máis singulares, nunha ollada nova e moi sorprendente desta capital.

 

Santiago de Compostela es quizás la ciudad europea con mayor densidad de gárgolas, esas máscaras de piedra –enigmáticas, divertidas, transgresoras– que nos contemplan desde lo alto a partir de la Edad Media. Hay más de 300, y en esta guía seleccionamos 30 de las más singulares, en una nueva y muy sorprendente visión de esta capital.

 

Santiago de Compostela is perhaps the European city with the highest density of gargoyles, those stone figures –enigmatic, amusing, transgressive– that have peered down on us since the Middle Age. There are more than 300, and in this guide we select 30 of the most unique, offering a new and quite surprising vision of this capital.

 

 

,
Compartir

Autoría

Benxamín Vázquez

Benxamín Vázquez González (O Carballiño- Ourense, 1943) é xornalista e escritor. Traballou en El Ideal Gallego e no diario Ya de Madrid. Desde 1983 ata 1991 foi director de programas da produtora CTV. Na Televisión de Galicia guionizou e dirixiu espazos etnográficos e culturais. En 1993 publica para o Consorcio de Santiago o folleto titulado «Gorgeos de gárgolas», verdadeiro antecedente, totalmente pioneiro, desta guía que agora ve a luz. É tamén autor da novela Cando soñar é canso (2003).

Non se atoparon produtos que concorden coa selección.

Xaime Cortizo

Xaime Cortizo (Vitoria-Gasteiz, 1979) é un dos artistas composteláns que máis ten retratado a capital de Galicia. Leva máis de quince anos como fotógrafo profesional e tamén traballa no eido da comunicación visual e do márketing. A súa é unha mirada sempre optimista e chea de emoción, buscando captar a beleza esencial –e moitas veces tamén enigmática, como a destas gárgolas– de Compostela.

Non se atoparon produtos que concorden coa selección.

Np-G-Gárgolas

Np-ESP-Gárgolas

Son “caprichos de canteiro”. Así as define o autor desta guía pioneira, o xornalista Benxamín Vázquez. Gárgolas de Compostela-Compostela Gargoyles (Alvarellos Editora-Consorcio de Santiago, 2022) é a primeira guía de gárgolas desta cidade, quizais o lugar de Europa con maior concentración destas máscaras de pedra medievais e renacentistas, máis de 300, esculpidas nos altos dos edificios históricos na súa zona monumental.

Benxamín Vázquez identifica e explica (cando é posible) 30 das gárgolas máis singulares de Compostela, nunha viaxe visual acompañada por máis de cen magníficas fotografías de Xaime Cortizo, e un plano de localización de todas elas.

Realizadas por canteiros anónimos, a súa función principal era a de servir de desaugue da chuvia dos tellados. O feito de ocupar o espazo máis afastado da rúa deu liberdade total aos seus creadores, sen censuras, para tallar nelas todo tipo de animais fabulosos, antropoides satíricos, monstros mitolóxicos, anxos humanizados…

Esta guía, publicada en tres idiomas (galego, castelán e con tradución ao inglés a cargo de Mark Hughs), explica e retrata cada unha desas 30 gárgolas, das máis singulares e sedutoras da cidade.

“Elas vennos a nós; en cambio nós, ás veces, dificilmente podemos velas a elas, ou reparar nelas”, afirma Benxamín Vázquez, todo un estudoso, dende hai máis de 30 anos, destas máscaras en pedra.

Outros semellantes

Brandomil2
Engadir ao carriño

CAMINO DE SANTIAGO A MUXÍA POR BRANDOMIL (EDICIÓN EN CASTELÁN)

12,90 €

116 pp. 12 x 22 cms.
ISBN 978-84-16460-56-4

 

Unha guía que é toda unha descuberta. Convídanos a percorrer unha senda histórica apenas recoñecida ata hoxe. Trátase do camiño máis dereito entre Compostela e Muxía, empregado dende hai séculos por peregrinos e camiñantes e que ten como un dos emblemas a ponte medieval de Brandomil (ata Negreira coincide co Camiño oficial de Santiago a Fisterra-Muxía).

 

Unha ruta de 86 quilómetros e que aquí se nos presenta con todos os seus atractivos: plano con etapas, lugares e monumentos para visitar, e ilustrada con setenta e cinco reveladoras fotografías.

 

Unha guía práctica que nos convida a percorrer con acougo natureza e historia, porque, como afirma o autor, “andar os vellos camiños é reclamar o futuro”.

Engadir ao carriño
O castelo de Soutomaior [Ed. en galego]
O castelo de Soutomaior [Ed. en galego]
Engadir ao carriño

O Castelo de Soutomaior [Edición en galego]

20,00 €

Diego Piay

 

Formato: 17×21 cms. 184 pp.
ISBN galego 978-84-16460-85-4

 

Todos os castelos encerran historias, pero a do Castelo de Soutomaior é moi especial. O historiador Diego Piay Augusto rescátaa no seu novo libro O castelo de Soutomaior. Un lugar cheo de historias (Alvarellos Editora-Deputación de Pontevedra) que ve a luz no verán de 2020, publicado en tres idiomas (galego, castelán e inglés).

 

A fortaleza de Soutomaior elévase maxestosa e en silencio, dominando o val do río Verdugo, na provincia de Pontevedra. O seu pasado agóchase tras unhas robustas murallas e remóntase ata o século XII. A fascinación que suscita este lugar atravesou todas as etapas da súa historia e chega ata os nosos días. Propietarios e visitantes ilustres deixaron aquí unha imborrable pegada e forman xa parte para sempre do Castelo de Soutomaior.

 

Este libro non é un ensaio histórico, nin unha guía ao uso, senón unha obra ilustrada que nos levará a descubrir un castelo que pasou de ser centro de poder na Galicia medieval a caer no esquecemento, para rexurdir novamente a finais do século XIX.

 

MÁIS DE CEN FOTOGRAFÍAS, ILUSTRACIÓNS E DOCUMENTOS

Unha narración enriquecida con multitude de anécdotas e informacións descoñecidas ata hoxe, e que inclúe máis dun centenar de fotografías (históricas e actuais), ilustracións e planos que somerxerán ao lector na historia dun dos monumentos máis sobresaíntes das Rías Baixas.

Engadir ao carriño
109
Engadir ao carriño

SANTIAGOS DE SANTIAGO

27,00 €

Dos apóstoles al final del Camino

 

ISBN: 978-84-89323-67-4
Páxinas: 228
Medidas: 20×19 cm
Idioma: castelán
Encadernación: rústica con lapelas
Data 1ª edición: decembro 2011

 

García Iglesias reivindica a presenza de Santiago o Menor en Compostela

 

Santiagos de Santiago. Dos apóstoles al final del Camino é o título da nova obra do catedrático de Historia da Arte da USC José Manuel García Iglesias. Neste volume, coeditado por Alvarellos Editora e o Consorcio de Santiago, o autor leva a cabo un documentado percorrido (ilustrado con máis de cen fotografías) pola iconografía do culto xacobeo en Compostela e centrado en reivindicar a pegada dos dous apóstolos homónimos: Santiago o Maior e Santiago o Menor.

 

O culto a Santiago Zebedeo —ou o Maior— propiciou a construción da gran basílica compostelá, pero cando se estaba erguendo, chegou a esta urbe a cabeza de Santiago Alfeo —ou o Menor—, duplicando, desta maneira e dalgún xeito, o ser xacobeo de Compostela.

 

Se o fillo do Zebedeo nos recibe no Pórtico da Gloria, é pola contra o fillo de Alfeo quen está na entrada da cripta, ou catedral vella. Do mesmo xeito, os máis grandes prelados de Santiago (Xelmírez, Landoira, Alonso III de Fonseca…) fixeron especial fincapé neste dobre culto. Non obstante, o tempo fixo esquecer a Santiago o Menor, por mimetismo, en certa medida, co seu homónimo no apostolado.

 

Reivindicar a presenza compostelá de Santiago o Menor e, sobre todo, afondar na forma na que se interpreta aquí a Santiago o Maior son os obxectivos desta obra.

Engadir ao carriño
Mulleres-entre-redes-capa-alvarellos-editora
Engadir ao carriño

MULLERES ENTRE REDES

27,50 €

Cartoné. 112 pp. 24 x 24 cms.
ISBN 978-84-89323-95-7

 

A artista plástica Ana Cancela confeccionou esta obra na que reivindica o tradicional oficio das redeiras.

 

Ao longo de 112 páxinas, a autora leva a cabo un suxestivo percorrido visual polo mundo das redeiras empregando, para iso, diversas técnicas artísticas que mesturan fotografía, gravado dixitalizado, debuxo e colaxe. A carón da obra plástica, o libro recolle tamén unha serie de textos procedentes de varios autores e relacionados sempre coa dignidade da muller, da muller traballadora, e coa defensa do oficio das redeiras.

 

As imaxes recollidas na obra proceden de redeiras de Portonovo, no municipio de Sanxenxo.

 

O PARADOXO DUN OFICIO TRADICIONAL

Como sinala no seu Limiar o filósofo Marcelino Agís, «Mulleres entre redes amosa un oficio tradicional, o das redeiras, mergullado nun sorprendente paradoxo. Por unha banda, é unha actividade imprescindible para a pesca: sen redes non se pode saír faenar. Por outra, trátase dun traballo que nos fala da invisibilidade da muller que o realiza: está no peirao pero ninguén pode ver esas mans que reparan as redes coas súas puntadas. Se cadra por esta razón este libro é ao mesmo tempo un testemuño dun traballo ancestral e unha reivindicación da dignificación e visibilidade deste oficio».

 

DO INVISIBLE AO VISIBLE

Engadir ao carriño
9788416460625SantiagoDeCompostelaDesdeDentroGAL
Engadir ao carriño

Santiago de Compostela desde dentro [Edición en galego]

14,90 €

Unha guía sensible, ecolóxica, feminista e cultural da capital de Galicia

 

108 pp. 12 x 22 cms.
ISBN 978-84-16460-62-5
Cosida.

 

Seguindo a liña doutras guías sensibles e respectuosas coa contorna que viron a luz nos últimos anos en varias cidades de Europa, Alvarellos Editora publica Santiago de Compostela desde dentro, de Marilar Aleixandre. Unha guía alternativa, sensible, ecolóxica, feminista e literaria de Compostela.

 

É outra forma de descubrir unha cidade. De percorrela, sentila e apreciala. Esta guía ilustrada convida a coñecer Santiago de Compostela dun xeito diferente. Unha proposta para viaxeiras e viaxeiros sensibles, que queiran tanto gozar como aprender, ou gozar aprendendo.

 

A prestixiosa e premiada escritora e académica Marilar Aleixandre (Madrid, 1947) lévanos da man polos territorios máis amenos desta capital de Galicia, mais tamén transita polas paisaxes da imaxinación.

 

Deste xeito, apalparemos a pedra, escoitaremos a natureza, camiñaremos –entre rúas e bosques– a carón de Rosalía de Castro, Federico García Lorca ou Ramón del Valle-Inclán, e sairán ao paso as mil historias que foron construíndo Compostela.

 

A autora traza Nove Visitas Singulares e logo Catro Itinerarios moi sedutores, un Territorio das mulleres e un Calendario de Árbores, Flores e Festas. 

 

Ademais, inclúense consellos prácticos sobre onde comer ou que doces ou artesanía mercar.

 

Santiago de Compostela desde dentro é a primeira guía sensible, íntima, diferente, desta sempre viva e nova cidade medieval.

Engadir ao carriño
50_cafes_historicos_libro_capa_alvarellos_editora
Engadir ao carriño

50 Cafés históricos de España y Portugal

24,00 €

Formato 212 pp. 20 x 19 cms.
ISBN: 978-84-89323-90-2

 

Unha guía ilustrada con máis de 330 fotografías e documentos de época.

 

Cafés históricos de España e Portugal: cincuenta museos vivos reunidos por vez primeira nun roteiro único.

 

O aroma dos vellos e grandes Cafés. Por vez primeira, un percorrido histórico, literario e humano con parada en cincuenta dos locais máis emblemáticos de España e Portugal. Ilustrado con 330 fotografías e documentos de época.

 

O autor introdúcenos nunha atmosfera singular na que os reloxos parecen terse detido, a conversa é rica e pausada e a lectura convértese nun verdadeiro pracer. Neles chegamos a sentir o eco de preto dun Pablo Picasso, Valle-Inclán, Fernando Pessoa ou mesmo Mick Jagger ou Sara Montiel.

 

Estes 50 CAFÉS HISTÓRICOS DE ESPAÑA Y PORTUGAL son museos vivos. Representan unha heroica historia de supervivencia. 

 

Como sinala Antonio Bonet Correa no Prólogo, “son ejemplares únicos que deben ser visitados por lo menos una vez en la vida”.

 

Adaptados aos novos tempos, resultan hoxe tamén lugares dinámicos, multiculturais, que convocan a todo tipo de xentes.

Engadir ao carriño