Leer para sentir mejor [Edición ampliada]

X. L. Méndez Ferrín

106 pp . 12 x 19 cms.
ISBN 978-84-18567-62-9
PAPEL FSC Amigo dos Bosques

Despois da publicación do volume Castelao é noso, presentamos Primeiro foi Galicia, unha nova reunión de textos ensaísticos de X. L. Méndez Ferrín onde o gran escritor e pensador reflexiona sobre as históricas relacións (e silencios) entre Galicia e Portugal, e sobre a importancia do reino Suevo na Gallaecia.

Despois da publicación do volume Castelao é noso (Alvarellos Editora, verán 2024), rescatamos desta volta Primeiro foi Galicia, unha nova serie de magníficos artigos –ou pequenos ensaios– de X. L. Méndez Ferrín. Trátase, tamén, dunha reunión de textos que tiveran unha primeira vida como publicacións semanais no Faro de Vigo na célebre serie denominada No Fondo dos Espellos (que o gran autor mantivo activa entre 2007 e 2020) e unha segunda existencia, xa en formato de opera omnia, baixo a edición da Universidade de Vigo, en tres volumes saídos do prelo entre 2020 e 2022, nunha edición ao coidado do profesor e investigador Fernando Ramallo, catedrático de Lingüística Xeral da Universidade de Vigo.

Se ben na anterior ocasión Ferrín centrábase na manipulación á que foi sometida a figura e o pensamento políticos de Daniel Castelao ao longo do século XX e XXI, agora son obxecto destas páxinas, por unha banda, as relacións históricas (e silencios) entre Galicia e Portugal, e viceversa, textos reunidos baixo o significativo epígrafe «Lonxe de nós e dentro: Portugal»; e un segundo apartado, titulado «Gallaecia suevica», no que o autor aborda a relevancia do estado que, no século V, ergueron na Gallaecia os suevos, con capital en Bracara Augusta, actual Braga. O primeiro reino da Europa despois da desaparición do Imperio romano.

Todos os textos foron revisados de novo polo autor, nunha edición que volve estar ao coidado de Fernando Ramallo.

Estamos convencidos de que este Primeiro foi Galicia pedía unha edición propia e nova. A súa calidade e orixinalidade, e o xeito en que estes textos axitan o noso pensamento crítico, ha seducir unha vez máis o público lector.

NP_G_Primeiro-Foi-Galicia-Méndez-Ferrín-out-2024

X. L. Méndez Ferrín

154 pp . 12 x 19 cms.
ISBN 978-84-18567-71-1
PAPEL FSC Amigo dos Bosques

Á VENDA A PARTIR DO 20 FEBREIRO DE 2025

Rosalía de Castro en familia, no seu fogar. De primeiras, nai, pai, parella, fillas e fillo. Unha Rosalía revelada, inmensa. X. L. Méndez Ferrín reúne neste volume ensaios breves e poemas onde reflexiona sobre a vida da escritora fundacional do noso Rexurdimento.

Rosalía de Castro en familia, no seu fogar. De primeiras, nai, pai, parella, fillas e fillo. Unha Rosalía revelada, inmensa. Ollamos para Ela desde a convicción da súa certeza, da súa palabra e do seu cantar. A orixinalidade deste libro —unha edición ao coidado de Fernando Ramallo, da Universidade de Vigo— áchase na reflexión sobre a súa vida coa que Méndez Ferrín nos agasalla. Desde o nacemento ata o pasamento. Unha Rosalía familiar, unha muller engaliolante e inconfundíbel.

X. L. Méndez Ferrín reúne en Rosalía en familia 23 ensaios breves (algúns deles, ilustrados con fotografías históricas) e poemas arredor da vida da escritora fundacional do noso Rexurdimento.

Este volume integra a nova colección de pensamento de Alvarellos Editora, Oeste 12×19, onde en 2024 publicamos outras dúas obras do autor: Castelao é noso e Primeiro foi Galicia.

EMPEZAR A LER:

Mostra-ROSALÍA-EN-FAMILIA-febr-2025