Name: Leer para sentir mejor | Ler para sentir mellor | Sentimena zorrozteko irakurri | Llegir per a sentir millor
Price: 18.5 EUR
Availability: InStock
Author: José Miguel Valle

Leer para sentir mejor | Ler para sentir mellor | Sentimena zorrozteko irakurri | Llegir per a sentir millor

José Miguel Valle

Pp.: 204. Formato: 13×23 cms.
ISBN 978-84-18567-18-6

O filósofo José Miguel Valle –autor de «La bondad es el punto más elevado de la inteligencia», un artigo que en 2017 e 2019 se converteu en todo un fenómeno viral– publica un ensaio sobre o poder da lectura: ler como pracer, ler para comprender a diversidade, ler para sentir a vida… Ler para sentir mellor. Unha edición especial publicada nas catro linguas do Estado español: galego, castelán, éuscaro e catalán.

Tradución ao galego: María Reimóndez
Itzulpena: Ane Garcia Lopez
Traducció al català: Pau Joan Hernández

EMPEZAR LECTURA

Autoría

José Miguel Valle

Filósofo e docente nacido en Bilbao en 1968. Investigador independente sobre as interaccións humanas. É autor dos ensaios Filosofía de la negociación (2014), La capital del mundo es nosotros (2016), La razón también tiene sentimientos (2017), El triunfo de la inteligencia sobre la fuerza (2018), Acerca de nosotros mismos (2020), Leer para sentir mejor (Alvarellos Editora, 2022) e La bondad es el punto más elevado de la inteligencia (Alvarellos Editora 2024). Á parte destas temáticas, publicou o relato de non ficción Rock & Ríos. Lo hicieron porque no sabían que era imposible (2015) e Miguel Ríos y el rock de una noche de verano (2023). Escribe todas as semanas no Espacio Suma NO Cero. En 2017, un artigo sobre a bondade depositado alí convertiuse nun fenómeno viral e superou o millón de visitas nunha semana

9788418567568La-bondad-es-el-punto-mas-elevado-2024-2

La bondad es el punto más elevado de la inteligencia

13,90 €

José Miguel Valle

Pp: 132 Formato: 12 x 19 cms.
ISBN 978-84-18567-56-8
Impreso en papel amigo dos bosques

Despois da publicación de Leer para sentir mejor (Alvarellos Editora, 2022 –en edición tetralingüe– é só en castelán en 2024), un lúcido ensaio sobre o poder da lectura, agora, ol filósofo José Miguel Valle aborda a ética da bondade.

Este novo traballo leva por título La bondad es el punto más elevado de la inteligencia (Alvarellos Editora, 2024), un lúcido, inspirado e breve ensaio onde pon en diálogo a bondade cos coidados, a ética, a política, a xustiza, o coñecemento, a dignidade, a axencia, os afectos, o amor.

“La bondad es ayudar a que el bienestar y el bienser puedan comparecer en la vida del otro”.

“La bondad es el mayor ejercicio malabar que practica la inteligencia cuando se evade de los enanos confines del yo y accede a las vastedad del Nosotros. La contrapongo a la crueldad, a la maldad, a la perversidad y la malicia”.

Engadir ao carriño

Leer para sentir mejor [Edición ampliada]

13,90 €

José Miguel Valle

Pp: 110. Formato: 12 x 19 cms.
ISBN 978-84-18567-55-1
Impreso en papel amigo dos bosques

A lectura como pracer. A lectura como construtora de mundos. Ler como práctica imaxinativa. Ler tamén como práctica disidente. Ler para reconectar, non para desconectar. Ler para dubidar. Ler para recoñecérmonos e recoñecer aos demais. A lectura igualmente como práctica defensiva contra todo dogmatismo. Ler, en fin, pola tolerancia, pola comprensión da diversidade. Ler para sentir a vida. Ler para sentir mellor. Estas son algunhas das reflexións que aborda o filósofo vasco José Miguel Valle neste breve, revelador e orixinalísimo ensaio.

A presente edición é unha versión ampliada da obra que, en 2022, publicou esta mesma editorial, naquela ocasión en versión tetralingüe (galego, castelán, éuscaro e catalán).

Engadir ao carriño

A lectura como pracer. A lectura como construtora de mundos. Ler como práctica imaxinativa. Ler tamén como práctica disidente. Ler para reconectar, non para desconectar. Ler para dubidar. Ler para recoñecernos e recoñecer aos demais. A lectura, así mesmo, como práctica defensiva contra todo dogmatismo. Ler, en fin, pola tolerancia, pola comprensión da diversidade. Ler para sentir a vida. Ler para sentir mellor.

Estas son algunhas das reflexións que aborda o filósofo José Miguel Valle no seu novo ensaio Ler para sentir mellor (Alvarellos Editora, 2022). Un libro que presentamos nas catro linguas do Estado español —galego, castelán, éuscaro e catalán—, nunha edición que atende precisamente a esa necesidade de recoñecer, valorar e protexer tamén a diversidade lingüística. Leer para sentir mejor – Ler para sentir mellor – Sentimena zorrozteko irakurri – Llegir per a sentir millor.

EMPEZAR LECTURA

‘Leer para sentir mejor’, el nuevo libro del filósofo José Miguel Valle. Entrevista para Cultura Inquieta. Abril 2022

NP_GAL_Ler_para_sentir_mellor_2022

NP_CAST_Leer_para_sentir_mejor_2022

NP_CAT_Lleguir_per_a_sentir_millor_2022

NP_EUS_Sentimena_zorrozteko_irakurri_2022

Outros semellantes

GALLEIRA PASSPORT

19,00 €

Luís Menéndez

CRÓNICAS VIAXEIRAS DO SÉCULO XXI

Formato: 243 pp. 13 x 23 cms
ISBN: 978-84-89323-57-5

Relatos de viaxes con historias que atrapan dende o primeiro intre. Galleira é Galicia na xerga gremial dos afiadores, o irónico e mundial barallete. O termo serviulle de alicerce a Luís Menéndez, xornalista ambulante, para ganduxar tres inesquecibles travesías polas realidades multiculturais de 26 países. Desde Irlanda a Bretaña, desde Estonia a Chipre, de Brasil e Timor-Leste ata Mozambique.

Con Limiar de Manuel Rivas e ilustrado con fotografías das mellores travesías.

Do autor das series documentais da Televisión de Galicia: Terras de Merlín, Terras do Leste e Terras de Acolá. Inclúe un código “QR” con acceso directo á series da TVG que orixinaron estas viaxes.

Engadir ao carriño

Memorias dun loitador antifranquista

22,50 €

David Álvarez Carballido

Entrevistado por Antón Santamarina. Edición de Anahí Almasia e Mariela Sánchez

412 pp. 13 x 23 cms.
ISBN 978-84-16460-44-1

En 1998, David Álvarez Carballido (A Fonsagrada-Lugo, 1922-2017) concedeu unha longa entrevista ao filólogo e paisano seu Antón Santamarina. Foi durante varios días de agosto, na aldea común de ambos de San Martín de Suarna.

Dúas décadas despois, este documento único ve por fin a luz, as Memorias dun loitador antifranquista. O testemuño do comunista David Álvarez Carballido, publicado por Alvarellos Editora na súa colección Oeste.

Foi preciso un fondo traballo de edición para organizar o valioso material custodiado por Santamarina. A psicóloga e escritora Anahí Almasia (sobriña de David) e a doutora e especialista en memoria histórica Mariela Sánchez puxéronse a traballar arreo dende a súa cidade de Bos Aires. Había que converter aquelas horas de conversa nun volume revelador. David posuía unha fina e poderosa memoria e o resultado queda á vista nestas páxinas.

É o testemuño valoroso e honesto dun incansable loitador antifranquista. Dun comunista que fuxiu dende Galicia a Bos Aires en 1948 para non regresar ao país ata 1962, e ser detido e torturado en Vigo pouco despois, cando denunciaba o fusilamento de Julián Grimau. Fiel ata o final dos seus días, aínda en 2014, con 92 anos, acudía ao consulado arxentino a interpor a súa denuncia na querela daquel país contra os crimes do franquismo.

“Poucos libros memorialísticos, de militantes antifranquistas, teñen a naturalidade, a frescura e o xeito destas memorias”.
Xesús Alonso Montero, autor do Prólogo.

“O que digo aquí é soamente para que non quede esquecido. Todo o que sabemos daquel terror que invadiu España, que se coñeza”.
David Álvarez Carballido.

Entrevistado por Antón Santamarina. Edición de Anahí Almasia e Mariela Sánchez.

Engadir ao carriño

¿A que altura está o ceo? (3ª edición)

18,50 €

Jorge Mira

13 x 23 cm. 130 pp.
ISBN 3ª edición:
978-84-16460-77-9

¿A que altura está o ceo? alcanza a súa terceira edición en galego –agora, ampliada e actualizada– ao tempo que aparece publicada tamén a primeira edición en castelán. Ambas chegan avaladas co recoñecemento do prestixioso Premio Ciencia en Acción que recibiu esta obra en 2017 na modalidade de Mellor Material Didáctico de Ciencia. Ademais, esta obra foi, en 2016, o 2º mellor ensaio galego do ano para as lectoras/es da revista Fervenzas Literarias e o 5º ensaio galego máis vendido tamén de 2016 segundo o Caderno da crítica.

A que altura está o ceo? Velaquí unha das preguntas que se leva formulando o ser humano desde os albores da súa existencia. Este libro vainos dar a resposta a esta cuestión… e a moitas outras. O físico e comunicador científico Jorge Mira realiza unha apaixonante viaxe no tempo. Comeza na época da Grecia clásica e chega ata os descubrimentos máis recentes sobre o Universo.

Despois de ler estas páxinas poderemos responder a cuestións coma estas: por que vemos o ceo azul ou o Sol amarelo? Como se puido saber a que altura están a Lúa, o Sol e os planetas? Como é posible calcular o lonxe que está unha estrela ou unha galaxia? Cal é a idade do Universo? E o seu tamaño? Que quere dicir que o Universo se expande? E a que velocidade o fai? É certo que foi un cura quen primeiro falou do Big Bang?…

Benvidas e benvidos a esta aventura.

Boa viaxe espacial!

Engadir ao carriño

CANITROT

14,00 €

Carlos Gegúndez López

Cen anos de esquecemento

Formato: 156 pp. 13×23 cms
ISBN: 978-84-89323-87-2

Discípulo de Murguía e Valle-Inclán, amigo de Castelao, implicado no Rexionalismo e no movemento agrarista, escritor, pintor, ilustrador e promotor cultural, o humanista pontevedrés Prudencio Canitrot faleceu moi novo en Madrid nun mes de xaneiro de 1913. Dende aquela, a súa vida e obra ficaron no máis absoluto esquecemento. Malia ter sido tamén promotor de eventos como a primeira Exposición de Arte Regional Gallego (Madrid, 1912), fundador da Biblioteca de Escritores Gallegos (1910) ou corrector da obra completa de Rosalía de Castro, unha lousa inexplicable caeu sobre a súa figura dende o intre mesmo do seu pasamento: aquel día ao seu enterro só acudiron catro persoas (un irmán e tres amigos, entre eles, o escritor Antonio Rey Soto).

Cen anos despois da súa desaparición, o crítico literario, investigador e xornalista Carlos Gegúndez López tenta reparar esta inxustiza. O presente volume é breve e intenso como o foi a vida de Canitrot: unha reveladora primeira parte rescata a súa figura en datos, fotografías e unha mostra da obra pictórica do protagonista; na segunda, Gegúndez escolle dez dos mellores relatos breves de Canitrot, o que nos brinda unha magnífica oportunidade de acceder por vez primeira, dende o seu pasamento, á obra literaria deste gran esquecido.

Engadir ao carriño

Quero ser Presidente

5,90 €

Xosé Rúas Araújo

Claves da comunicación política

ISBN: 978-84-89323-22-3
Páxinas: 198
Medidas: 13 x 23 cms
Idioma: galego
Encadernación: tapa branda con lapelas, plastificada
Primeira edición: febreiro 2008

Xosé Rúas utiliza neste libro a súa dilatada traxectoria como xornalista, columnista, profesor, investigador universitario e asesor de comunicación política, para achegarnos, nun ton didáctico e ameno, enriquecido por constantes anécdotas e notas de humor, as claves teóricas e técnicas da propaganda e do márketing electoral. Escrito por un experto teórico e profesional galego de referencia, Quero ser presidente. Claves da comunicación electoral ha marcar un antes e un despois nas estratexias electorais empregadas no noso país. Resultará imprescindible e mesmo revelador para calquera especialista ou curioso por coñecer un pouco máis o apaixonante mundo que se agocha detrás de cada campaña electoral.

A OPINIÓN DOS EXPERTOS

“O libro de Xosé Rúas está cheo de intelixencia práctica e ha ser unha lectura obrigada para calquera que guste do máxico mundo electoral, onde flúen os intereses e os soños, a democracia e o desexo. Unha boa entrega á bibliografía galega sobre comunicación política e unha proposta de debate sobre os procesos electorais e todo o que vai con eles”. Fermín Bouza. Catedrático de Opinión Pública da Universidad Complutense de Madrid (UCM).

“Descubre unha dimensión descoñecida da política e das campañas electorais que todo votante debería coñecer”. Pere Oriol Costa. Catedrático de Comunicación Política da Universitat Autònoma de Barcelona (UAB).

“Directas, divertidas, útiles, reais e prácticas, creo que estas Claves de Xosé Rúas constitúen agora o máis actualizado consello para candidatos que queren gañar”. Luis Arroyo. Experto en comunicación política e asesor do Goberno de España.

Engadir ao carriño

MIGRACIONES Y SANIDAD

21,00 €

ANTIGUOS Y NUEVOS DESAFÍOS

292 pp. | 23,5 x 15 cms
ISBN 978-84-16460-25-0

OBRA COLECTIVA ONDE PARTICIPAN:

Julio Hernández Borge
Domingo L. González Lopo
Juan Jesús Gestal Otero
Manuel Barreiro de Acosta
Elena Rego Romero
Cristina Márquez Riveras
José Antonio Taboada Rodríguez
Luisa Fernanda Peleteiro Pensado
Alexandre García Caballero
Ana Torres Prieto
Maria Antónia Lopes
Alexandra Esteves
Baudilio Barreiro Mallón

A saúde migratoria, como sinalou a Organización Internacional para as Migracións, é un campo especializado das ciencias sanitarias que trata tanto problemas de saúde individuais dos migradores, como os asuntos da saúde pública relacionados co desprazamento espacial das persoas.

A transmisión de enfermidades ao longo da historia da humanidade estivo moi relacionada coas migracións humanas, que causaron en determinadas épocas verdadeiras hecatombes. Pero as migracións tamén levan contribuído á propagación de remedios para combater moitos males.

Nun mundo globalizado coma o de hoxe, con medios de transporte que permiten unir os puntos máis extremos da superficie terrestre nunhas horas, e cunha mobilidade de poboación moi intensa, as posibilidades de transmisión dunha enfermidade son moito maiores que no pasado. Por outra banda, tamén son máis eficaces e rápidos os medios disponibles. A difusión de vacinas, antibióticos e outro tipo de medicamentos está detrás da forte caída da mortalidade no mundo dende mediados do século XX.

Na presente obra recóllense unha serie de investigacións realizadas por médicos e historiadores que mostran diversos temas sobre a relación das migracións humanas co ámbito sanitario.

ANTIGUOS Y NUEVOS DESAFÍOS

Engadir ao carriño