16,50 €

Y tú, por qué quieres hablar de eso

Paz Leirós

144 pp. Formato: 14 x 21 cms.
ISBN 978-84-18567-22-3

NP-GAL-Y-tu-por-que-quieres-hablar-de-eso

NP-CAST-Y-tu-por-que-quieres-hablar-de-eso

Quen apoiaron o golpe de estado de 1936 en Santiago de Compostela? Por que o fixeron? Un testemuño literario cunha enorme carga de verdade, honestidade, dor e contradicións, que plasma un tempo difícil e incómodo de maneira extremadamente orixinal, un tempo que expresa ademais a dificultade das mulleres para tomar decisións sobre a súa propia vida.

Unha colaxe de voces, situacións, viñetas e fragmentos emerxen ao redor dunha familia, os Cifuentes; e dunha cidade, Compostela. Historias narradas a través dunha estrutura coral, dun fluír entrecortado de alocucións e silencios… É a Historia oficial e sobre todo a oculta. A memoria e os feitos. A palabra contra o esquecemento.

«Moi claro e emotivo».

Julián Casanova, historiador.

Autoría: Paz Leirós Categoría: Libros do Sarela [Creación] Etiqueta: Libros con memoria

Autoría

Paz Leirós

Paz Leirós (Compostela, 1954) estudou Historia na Universidade de Santiago de Compostela e na Complutense de Madrid. Profesora de Historia no Instituto Rosalía de Castro de Santiago ata 2018, realizou estancias de formación en Ottawa, Nova York e Londres. Colaborou coa “Vogalía da Muller” da asociación veciñal “A Xuntanza” da súa cidade. Formou parte de “Sinenómine”, asociación de profesores de Historia, organizadora de ciclos de cine e exposicións para levar a Historia alén da aula. É autora do traballo de investigación histórica Un fidalgo no cambio de século. Pedro Ventura de Puga e o pazo de Fontefiz (2015). Y tú, por qué quieres hablar de eso é a súa primeira novela.

Non se atoparon produtos que concorden coa selección.

Máis información

Outros semellantes

30 gramos_0001

30 Gramos (Edición en galego)

11,00 €

Realidade e ficción. A novela/manifesto do artista portugués Leonel Moura.

Páxinas: 98
Medidas: 14×21 cm
Idioma: galego
Tradución do portugués: Ramón Nicolás
ISBN: 978-84-89323-41-4
Encadernación: rústica con lapelas
Data de publicación 1ª edición: setembro, 2010

Gianfranco andaba obsesionado polo contido das pequenas latas creadas por Piero Manzoni en 1961. Quería abrir unha delas para averiguar se eran realmente as feces do artista as que estaban dentro. Este é o punto de partida dunha novela fascinante que, mesturando xéneros (realidade e ficción, novela negra, diario íntimo, ensaio…), percorre a arte máis subversiva e incomprendida do século XX. Traducida do portugués ao galego polo profesor e crítico literario Ramón Nicolás. Esta obra foi recoñecida co Premio da Edición de Galicia 2010 á Mellor Tradución do ano.

Engadir ao carriño

Madia Leva_0001

Madia leva!

5,90 €

O novo libro de relatos de Antón Grande.
Ilustrado por Quique Bordell.

Medidas: 14 x 21 cms
Pp.: 135
Idioma: galego
ISBN: 978-84-89323-16-2
Encadernación: tapa branda plastificada, con lapelas.

Trinta historias cotiás que de súpeto encaixan ó abraio do inesperado. Dende as tabernas de Lugo até os ceos imposibles de Nova York. Antón Grande transita por paisaxes e xentes do seu contorno vital e crea un universo breve, fragmentado e relativo, ou sexa, narra o que podería ser o noso propio existir. Pé da prosa emerxen, poderosas, as ilustracións sempre a contrafío de Quique Bordell. “Antón Grande é un autor para ler contra a noitiña –afirma Xosé de Cora no seu limiar–; díría máis, é un autor para ler nun establecemento público, ao carón dun vaso de viño, agardando a chegada do amigo, da amada ou dese ninguén que xamais chega”.

Engadir ao carriño

Pon_un_psiquiatra_ursula_alvarellos_libro_capa

PON UN PSIQUIATRA NA TÚA VIDA… E XA VERÁS

16,00 €

[Un cara a cara entre unha enferma de depresión e o seu psiquiatra]

177 pp. 14 x 21 cms
ISBN 978-84-16460-14-4

Despois de publicar en 2015 unha crónica da súa experiencia como interna nun psiquiátrico, a veterana escritora aborda agora o mundo da depresión dende un ángulo ben diferente: o revelador diálogo entre unha paciente e o seu psiquiatra.

Sally McMahon é unha muller madura que padece unha fonda depresión. Para saír do pozo, decide buscar a axuda dun especialista. Visita a un xoven psiquiatra, en sesións mensuais, durante dous anos. Nelas, van aboiando os conflitos e problemas máis fondos da súa enfermidade e da súa vida: a vellez, a idea da morte, a sexualidade, a relación cos demais, a desilusión… E tamén o proveito, ou non, das propias citas médicas.

Despois de publicar …e os domingos, un croissant. Diario dun encontro coa vida (Alvarellos Editora, 2015), onde Ursula Heinze retratara o día a día dos internos dun sanatorio mental, agora a prestixiosa escritora alemá afincada en Galicia regresa cun poderoso, valente e orixinal relato.

En Pon un psiquiatra na túa vida… e xa verás, a protagonista, Sally, fala a tumba aberta da súa propia depresión. A prosa camiña áxil e atraente, os diálogos médico-paciente son enormemente reveladores, e a carón deles afloran pensamentos fondos arredor das grandes dúbidas, contradicións e perigos desta tan estendida enfermidade. Nos momentos máis baixos, Sally só se conforta lembrando diante do doutor as viaxes que fixo por toda Europa nos seus anos dourados, cando era unha escritora recoñecida.

Engadir ao carriño

Navegando-cara-a-Ítaca-libro

NAVEGANDO CARA A ÍTACA

8,00 €

Rafael Catoira Rey

2º Premio do Certame Literario de Vilalba 2013

Formato: 50 pp. 14×21 cms
ISBN: 978-84-89323-61-2

O gran poema grego da Odisea, onde Homero describe a peripecia do heroe Ulises ata regresar á súa patria, Ítaca, é o fío condutor desta recreación poética de Rafael Catoira Rey.

En Navegando cara a Ítaca, a vida —e a poesía— móstranse como a viaxe imprevisible que efectivamente son.

A obra principia cun “Ítaca non existe” para proseguir logo con esta declaración de intencións: “Viaxo ó teu encontro. / Non chegar nunca, / gozar só do presaxio” (…).

Polos versos de Rafael Catoira van transitando algúns dos personaxes do poema homérico: Ulises, a súa muller Penélope, o seu fillo Telémaco, o xigante Polifemo… Aos que fai falar e reflexionar, e aos que a voz poética tamén interpela.

2º Premio do Certame Literario de Vilalba 2013.

Engadir ao carriño

Catavento-baixa-Manuel_María-Alvarellos-Editora_Letras_galegas-2016

Catavento de neutrós domesticados

12,00 €

LETRAS GALEGAS 2016

Formato: 128 pp. 14×21 cm
ISBN: 84–89323–10–0
Ano 1ª edición: 1979
Segunda edición en Alvarellos Editora: 2006
Ilustracións: Xohán Clodio

“Un intento de facer, con elementos surrealistas, unha poetización desta sociedade de consumo na que vivimos”. Así resumiu a obra o propio autor, Manuel María. O poeta escribiu este poemario en 1978 e saíu publicado por vez primeira en Alvarellos Editora ao ano seguinte, en febreiro. O Catavento de neutrós domesticados é un libro sorprendente, innovador e anticipador.

Un dos títulos históricos do primeiro catálogo desta editorial que, tres décadas despois da súa aparición, cumpría recuperar. A obra destila altas doses de inconformismo, retranca, desacougo e caos. Transcorre entre o íntimo e o social. Nela emerxen verdadeiros achados semánticos nun altísimo dominio do idioma.

A presente edición mantén a portada orixinal de 1979 coas ilustracións interiores de Xohán Clodio, e complétase cun amplo e documentado estudo por parte do profesor e escritor Camilo Gómez Torres, un profundo coñecedor da obra de Manuel María, a quen cualifica de “autor total”.

Engadir ao carriño

quendacatividade

QUENDA DA CATIVIDADE

8,00 €

Xoán X. Piñeiro

1º Premio Certame Literario-Concello de Vilalba, 2012

Formato: 50 pp. 14×21 cms
ISBN: 978-84-89323-47-6

Corenta sonetos de amor. Xoán Piñeiro recréase na música dos hendecasílabos para transmitirnos a ledicia da entrega amorosa: unha doce atadeira, unha cadea lene, a quenda da catividade.

“Preso por ti, / deitando un mesmo zume”, exclama.

Esta obra obtivo o I premio no XXXVIII Certame Literario do Concello de Vilalba (2012).

Engadir ao carriño