• 0 Items - 0,00 €
    0
    • Non hai produtos no carriño.
  • 0 Items - 0,00 €
    0
    • Non hai produtos no carriño.

24,00 €

Sarela. Paisaxe cultural

José Manuel Ortigueira Bobillo

 

Páxinas 180. Formato: 20 x 19 cms.
ISBN 978-84-18567-23-0
Impreso en papel FSC Amigo dos Bosques

 

 

Esta obra será todo un agasallo para os amantes da natureza, da historia e da nosa riqueza fluvial e etnográfica. Percorre os dez quilómetros do río Sarela de Santiago descubrindo unha paisaxe inédita e un patrimonio único. A través de máis de cen fotografías, inclúe tamén un detallado mapa onde localizar todos os contidos.

Compartir

Autoría

José Manuel Ortigueira Bobillo

José Manuel Ortigueira Bobillo naceu en Rairiz de Veiga (Ourense) en 1960 e dende 1985 reside en Santiago de Compostela. É enxeñeiro agrónomo e máster en dirección de empresas, e ten dirixido diversos proxectos culturais relacionados coa paisaxe e a fotografía. Entre eles, as exposicións Compostela Única (2013) e Camiño de Inverno. De Ponferrada a Compostela (2020), que contaron con cadanseu libro-catálogo, ou a organización das Xornadas Internacionais de Paisaxismo (1991). Así mesmo, é autor do libro Casos prácticos sobre análisis de inversiones y financiación de pymes. Desafiar la miopía empresarial (2004). A súa vida profesional está centrada no desenvolvemento industrial e tecnolóxico de Galicia, a través das sociedades públicas autonómicas Sodiga e Xesgalicia.
Non se atoparon produtos que concorden coa selección.

O río Sarela representa –cos seus pouco máis de dez quilómetros de camiño dende o seu nacemento preto de Pardaces ata a desembocadura no río Sar en Vidán– unha parte fundamental da personalidade, e da historia, de Santiago de Compostela. Non obstante, as súas poéticas augas e a súa riquísima contorna seguen a ser hoxe unhas grandes descoñecidas. Por esta razón, a presente obra, Sarela. Paisaxe cultural (Alvarellos Editora-Consorcio de Santiago, 2022), de José Manuel Ortigueira, será todo un descubrimento.

Poderemos gozar dun patrimonio histórico que nos sorprenderá dende o inicio: como os esquecidos petróglifos, ou pontes tan singulares como a dos Tres Ollos ou a da Burata, a historia das lavandeiras ou as 17 fontes e ata 50 muíños rexistrados no seu percorrido. A carón disto, veremos a riqueza natural, a flora e a fauna, pois o Sarela agasállanos con verdadeiros bosques de ribeira que acollen un ecosistema natural único.

Esta paisaxe complétase coa singular historia industrial do río. Durante o século XIX, arredor das súas augas funcionaron ata 15 fábricas de curtidos, nun tempo no que Compostela chegou a ser a capital da industria do coiro en España.

Toda esta documentación preséntase dun xeito áxil e didáctico, enriquecida con máis de 100 imaxes e ilustracións –actuais e históricas–, ademais dun detallado mapa que nos permite situar todos eses lugares citados e camiñar, guía en man, por unha «nova» Compostela fluvial.

 

 

NP_G_SARELA

Outros semellantes

Capa-con-filete-Galaicos-galego
Engadir ao carriño

GALAICOS. Un pobo entre dous mundos [Edición en galego]

24,00 €

Formato: 21×17 cms. 184 pp.
ISBN 978-84-16460-49-6

 

  • 2000 anos de historia de Galicia a través de 20 emblemáticos xacementos.

 

  • 160 ilustracións e fotografías, xunto con fichas didácticas das escavacións.

 

  • Perspectivas aéreas nunca antes vistas, obtidas por medio de drones.

 

O noroeste da península ibérica é unha das zonas de España con maior densidade de xacementos arqueolóxicos. Esta guía, coeditada por Alvarellos Editora e a Deputación de Pontevedra, mostra 2.000 anos de historia de Galicia –dende a Idade de Bronce ata o primeiro cristianismo– a través de vinte emblemáticos xacementos, ubicados na provincia de Pontevedra.

 

Galaicos, un pobo entre dous mundos ofrece unha ampla e atractiva despregadura gráfica, que inclúe 160 impactantes fotografías e ilustracións, con textos e fichas elaboradas polas arqueólogas e arqueólogos que traballaron nas escavacións: Rafael Rodríguez, Antoni Nicolau, Xurxo Ayán, Diego Piay e Mª Luisa Castro.

 

Eles levarannos a coñecer, de primeira man e de xeito didáctico, a enorme riqueza deste patrimonio cultural único.

 

A guía inclúe un percorrido polos xacementos de A Cabeciña, Penalba, Santa Trega, A Lanzada, Monte do Facho, Monte do Castro, Alobre, Castrolandín ou Adro Vello, entre moitos outros.

 

Apórtanse os resultados das máis recentes investigacións, que sitúan a Galicia, na prehistoria, coma ponte entre o Atlántico e o Mediterráneo, e perspectivas aéreas nunca antes vistas, obtidas por medio de drones.

 

Esta guía lánzase ao mercado coincidindo coa exposición homónima itinerante que se inaugura en Madrid, no Museo Arqueológico Nacional, no outono de 2018, promovida pola Deputación de Pontevedra. Abaixo podemos ver o vídeo promocional desta ambiciosa mostra:

Engadir ao carriño
Web-capa-cast1
Engadir ao carriño

GALAICOS. Un pueblo entre dos mundos

24,00 €

[Edición en castelán]

 

Formato: 21×17 cms. 184 pp.
ISBN 978-84-16460-47-2

 

  • 2000 anos de historia de Galicia a través de 20 emblemáticos xacementos.

 

  • 160 ilustracións e fotografías, xunto con fichas didácticas das escavacións.

 

  • Perspectivas aéreas nunca antes vistas, obtidas por medio de drones.

 

O noroeste da península ibérica é unha das zonas de España con maior densidade de xacementos arqueolóxicos. Esta guía, coeditada por Alvarellos Editora e a Deputación de Pontevedra, mostra 2.000 anos de historia de Galicia –dende a Idade de Bronce ata o primeiro cristianismo– a través de vinte emblemáticos xacementos, ubicados na provincia de Pontevedra.

 

Galaicos, un pueblo entre dos mundos ofrece unha ampla e atractiva despregadura gráfica, que inclúe 160 impactantes fotografías e ilustracións, con textos e fichas elaboradas polas arqueólogas e arqueólogos que traballaron nas escavacións: Rafael Rodríguez, Antoni Nicolau, Xurxo Ayán, Diego Piay e Mª Luisa Castro.

 

Eles levarannos a coñecer, de primeira man e de xeito didáctico, a enorme riqueza deste patrimonio cultural único.

 

A guía inclúe un percorrido polos xacementos de A Cabeciña, Penalba, Santa Trega, A Lanzada, Monte do Facho, Monte do Castro, Alobre, Castrolandín ou Adro Vello, entre moitos outros.

 

Apórtanse os resultados das máis recentes investigacións, que sitúan a Galicia, na prehistoria, coma ponte entre o Atlántico e o Mediterráneo, e perspectivas aéreas nunca antes vistas, obtidas por medio de drones.

 

Esta guía lánzase ao mercado coincidindo coa exposición homónima itinerante que se inaugura en Madrid, no Museo Arqueológico Nacional, no outono de 2018, promovida pola Deputación de Pontevedra. Abaixo podemos ver o vídeo promocional desta ambiciosa mostra:

Engadir ao carriño
9788416460540guiadepadron
Engadir ao carriño

Guía de Padrón

13,90 €

Camino de Santiago, cultura, arte y gastronomía

Manuel Garrido

 

ISBN 978-84-16460-54-0
Pp.: 112. Formato 12×22 cms.
Idioma: castelán

 

Padrón é o epicentro das tradicións que deron orixe ao Camiño de Santiago. A guía que tes nas túas mans levarache por este rico patrimonio. Ademais, descubrirás que Padrón ofrece grandes atractivos: os edificios nobres e a arte do seu milenario centro histórico, as casas fundadoras de dous escritores únicos: Rosalía de Castro e Camilo José Cela, unha gastronomía liderada polos pementos de Herbón-Padrón e a senlleira lamprea (un peixe de 500 millóns de anos). Ademais, os seus sedutores espazos naturais, bañados polos ríos Sar e Ulla, e as súas animadas festas, que non debes perder.

 

Máis de cen fotografías e planos explicativos ilustran esta nova proposta.

 

Esta é a guía que faltaba para que todas as persoas, sexan peregrinas, viaxeiras, visitantes ou veciños, descubran e gocen de Padrón.

Engadir ao carriño
La-ciudad-donde-las-piedras-florecen
Engadir ao carriño

La ciudad donde las piedras florecen

16,00 €

Guía botánica de los muros históricos de Compostela

 

Formato: 138 pp. 12×22 cms.
ISBN: 978-84-89323-80-3

 

De Santiago de Compostela lévanse escrito centos de libros e milleiros de páxinas. Pero ningunha obra se dedicara, ata agora, a descubrir esas plantas que —emerxendo da pedra como da nada— florecen espontáneas nos muros históricos da cidade.

 

Esta guía móstranos como identificar e localizar as 50 plantas con flores máis representativas de once muros históricos de Compostela. Ordenada en prácticas fichas, cada unha inclúe os datos básicos da flor silvestre coa súa fotografía, as súas denominacións populares en galego e castelán e a localización na cidade. Tamén conta cun apartado de curiosidades e un breve dicionario botánico.

Engadir ao carriño
Por la calle de San Marcos_0001
Engadir ao carriño

Por la calle de San Marcos

18,00 €

Biografía de una rúa lucense

 

Páxinas: 186
Medidas: 20×19 cms
Idioma: castelán
ISBN:978-84-89323-68-1
Encadernación: cartonado
Data publicación: maio, 2011

 

A aparición deste ensaio coincide coa conversión en praza deste emblemático espazo urbano lugués. O autor, catedrático de ensino secundario e especialista en Historia Contemporánea, aporta documentación inédita con máis de 200 fotografías e ilustracións históricas da vida luguesa. Cómo a Historia se reflicte en Lugo a través da rúa de San Marcos: a sociedade, a política, a economía e a cultura.

 

O ensaio POR LA CALLE DE SAN MARCOS. BIOGRAFÍA DE UNA RÚA LUCENSE detense nos dous últimos séculos da historia de Lugo ao seu paso por esta emblemática vía. Unha obra ilustrada con 235 imaxes (moitas delas, inéditas, procedentes do arquivo persoal do autor) e poboada por medio milleiro de personaxes, documentación rigorosa, amplo anecdotario e un relato amenísimo que engaiola ao lector e o transporta, desde as orixes da rúa até converterse no espazo urbano que chega aos nosos días.

 

OS PERSONAXES. Isabel II con Alfonso XII no colo durante a súa visita a Lugo en 1858, Nicolás Salmerón (presidente da I República española) no seu exilio lugués de 1875 ou Alcalá Zamora (presidente da II República) en 1934, Federico García Lorca en 1932, Franco trala fin da Guerra ou o rei Juan Carlos en 1976. Todos eles, como o arquitecto Nemesio Cobreros, os médicos e poetas Manuel Amor Meilán ou Luis Pimentel, o Rey Chiquito, Juan Montes, Correa Calderón, Rafael de Vega Barrera… e así ata varios centos de personaxes —famosos e anónimos— cuxas historias, ao seu paso pola rúa de San Marcos, son rescatadas nesta obra.

 

O PALACIO DE SAN MARCOS. Unha rúa presidida polo emblemático Palacio de San Marcos; sede, dende o último tercio do século XIX, da Deputación Provincial de Lugo. É tamén un edificio que acolleu o primeiro Instituto da cidade, a Biblioteca provincial, a Escola de Maxisterio ou a Escola de Comercio.

 

DENDE A MACRO Á MICROHISTORIA. Reboredo Pazos transita no seu relato entre o marco xeral da historia e a microhistoria. Dentro desta última percorre, casa por casa, negocio por negocio, todos e cada un dos inmobles da rúa, e detense, por exemplo (entre outros), no Hielo Bar, na moblaría Americana, na libraría e editorial Celta e, como non, na Libraría Reboredo (1914-1986), propiedade da súa familia.

Engadir ao carriño
Brandomil2
Engadir ao carriño

CAMINO DE SANTIAGO A MUXÍA POR BRANDOMIL (EDICIÓN EN CASTELÁN)

12,90 €

116 pp. 12 x 22 cms.
ISBN 978-84-16460-56-4

 

Unha guía que é toda unha descuberta. Convídanos a percorrer unha senda histórica apenas recoñecida ata hoxe. Trátase do camiño máis dereito entre Compostela e Muxía, empregado dende hai séculos por peregrinos e camiñantes e que ten como un dos emblemas a ponte medieval de Brandomil (ata Negreira coincide co Camiño oficial de Santiago a Fisterra-Muxía).

 

Unha ruta de 86 quilómetros e que aquí se nos presenta con todos os seus atractivos: plano con etapas, lugares e monumentos para visitar, e ilustrada con setenta e cinco reveladoras fotografías.

 

Unha guía práctica que nos convida a percorrer con acougo natureza e historia, porque, como afirma o autor, “andar os vellos camiños é reclamar o futuro”.

Engadir ao carriño