• 0 Items - 0,00 €
    0
    • Non hai produtos no carriño.
Aramados
Aramados
Dosier de Prensa

17,50 €

Aramados

Os meus nove meses polos campos de concentración de Francia
Manuel García Gerpe
Traducido por Miro Villar

 

Pp.: 166. Formato 15 x 20 cm.
ISBN 978-84-16460-83-0

 

Aramados é un dos libros “perdidos” do exilio republicano galego e español. Escrito no campo de concentración francés de Septfonds durante 1939, o seu autor é o avogado, político, xornalista e escritor galego natural de Ordes Manuel García Gerpe, quen, en febreiro de 1939, xunto con miles de exiliados en condicións extremas, tivo que cruzar a fronteira francesa para confinarse en varios campos para refuxiados; entre eles, o de concentración de Septfonds, na rexión de Mediodía-Pireneos. Despois de nove meses durísimos, consegue axuda dende Buenos Aires e logra embarcar a finais de 1939. Na cidade porteña continúa a súa loita contra a ditadura. Unha das primeiras accións será publicar Alambradas (Editorial Celta, Buenos Aires, 1941), a crónica ficcionada dos seus nove meses no campo de concentración francés. Pouco máis tarde, aflixido e enfermo, falece un 4 de xullo de 1949.

 

Medio século despois, en 2019, o poeta, tradutor e profesor Miro Villar (Cee, 1965) afronta a tradución de Alambradas / Aramados, unha crónica que rescatamos este 2020 e que non volvera ser editada dende 1941.

 

Dende Buenos Aires, escribe García Gerpe o 14 de abril de 1941:

“Móveme e impúlsame tan só a dor dos meus compatriotas; que por ser deles é miña. Máis de 150.000 refuxiados españois, que levan dous anos longos de cativerio entre aramados, continúan hoxe, presos desta dor, flotando en toda clase de enfermidades, loitando coa morte, tan desafiuzados, tan afastados e esquecidos do mundo como nos primeiros días do noso martirio, cando aínda non se expandira aos catro ventos a inmensa dor dun pobo escravizado”.

 

No Limiar, o tradutor, Miro Villar, afirma:

“Non oculta o autor o duro debate político entre os propios refuxiados, o que acontece no exterior e mesmo noutros campos, a través da correspondencia que reciben, ou a discusión política sobre os criterios á hora de escolleren ás persoas que poderán exiliarse nalgún dos barcos que se están a preparar, nun proceso cheo de dificultades (…) que revelan en ocasións a baixeza humana en situacións límite”.

Compartir

Autoría

Manuel García Gerpe

Manuel García Gerpe nace en Ordes un 29 de abril de 1908. Licénciase en Dereito pola Universidade de Santiago en 1931 e durante a República participa activamente na vida política e social galega. Dirixe Izquierda Republicana na súa comarca de Ordes, e apoia a campaña a prol da Frente Popular que gañará as eleccións de febreiro de 1936. Nos días do Golpe de Estado de Franco, Gerpe pode salvar a vida por atoparse casualmente en Madrid. Involúcrase entón na resistencia e enrólase nas Milicias Populares. Loita en Madrid, Aragón e Cataluña. Ao final da guerra alcanzará o rango de Capitán do Corpo Xurídico Militar do Exército Republicano. Exiliado en Buenos Aires, aflixido e enfermo, morre o 4 de xullo de 1949.
Non se atoparon produtos que concorden coa selección.

PDF [Ficha e Nota de prensa]

Outros semellantes

bty
Engadir ao carriño

A CORUÑA ANOS 20 (II)

10,00 €
Oito panorámicas inéditas da cidade

PACK 8 POSTAIS
29 x 13 cm.
ISBN 978-84-16460-40-3

 

En 2016 rescatamos doce fotografías panorámicas moi descoñecidas desta cidade, A CORUÑA ANOS 20, que foran editadas por Luciano Roisin (París, 1884 – Barcelona, 1943) como postais de gran formato, naquela década do século pasado.

 

Agora, no verán do 2018, descubrimos oito novas imaxes daqueles días, que permanecían gardadas no Institut d’Estudis Fotogràfics de Catalunya, onde se custodia a magnífica Colección Roisin.

 

Estas oito panorámicas, que bautizamos como A Coruña Anos 20 (II), completan aquela primeira entrega e decidimos editalas tamén en formato de postais panorámicas (12 x 29 cm.).

 

Descubrimos de novo unha Coruña enormemente atractiva e moi diferente, por outra banda, aos ollos de hoxe: os baños en Riazor, a actividade no Porto, un Parrote ben distinto, os emblemáticos hoteis Atlantic ou Palace ou o novo rañaceos do Banco Pastor sobresaíndo no skyline, entre outras instantáneas. Todas elas nos levan de viaxe a unha década onde emerxería o turismo…

 

Luciano Roisin sempre buscaba perspectivas extraordinarias das cidades, moi visuais e de gran profundidade. Esta sinxela mostra será, pois, unha delicia para veciños e visitantes.

 

PACK 8 POSTAIS
29 x 13 cm.
ISBN 978-84-16460-40-3

Engadir ao carriño
50
Engadir ao carriño

MÚSICA DE LA CATEDRAL DE MONDOÑEDO, LA

24,00 €
Siglos XIV a XX

Nº páxinas: 782
Medidas: 15 x 21
ISBN: 84-89323-09-7
Ano 1ª edición: 1996
Encadernación: tapa branda plastificada
Idioma: castelán

 

Rigoroso e documentado estudo da historia da música na Catedral de Mondoñedo, desde o século XIV ata o XX, a cargo do investigador Enrique Cal Pardo. Esta voluminosa obra de 782 páxinas leva a cabo un repaso polo miúdo de todo tipo de datos, protagonistas e anécdotas ao longo de seiscentos anos de historia na cidade que foi unha das capitales do Antigo Reino de Galicia.

Engadir ao carriño
VIDA MUSICAL EN SANTIAGO, LA
Engadir ao carriño

VIDA MUSICAL EN SANTIAGO, LA

24,00 €
A FINALES DEL SIGLO XIX

A musicóloga María García leva a cabo un extenso e documentado estudo de máis de 400 páxinas sobre unha época moi pouco tratada pola bibliografía existente.

 

Idioma: castelán
Data 1ª edición: xaneiro de 2009
ISBN: 978-84-89323-26-1
Páxinas: 407
Medidas: 17×24 cm.
Encadernación: cosida, con tapa branda plastificada e solapas

 

Tunas e concertinas, orfeóns e rondallas, funcións teatrais, compañías líricas, ópera, zarzuela, sociedades recreativas, verbenas, romarías, bailes, cafés-concerto, unha Banda Municipal en auxe… La vida musical en Santiago a finales del siglo XIX transpórtanos a unha Compostela na que a música empeza a transcender os seus espazos habituais relixiosos –con epicentro na catedral e a súa Capela de Música– e ábrese a novas manifestacións máis laicas e urbanas ligadas a unha ideoloxía en auxe, o Rexionalismo. É a época da creación da Escola de Música da Sociedade Económica de Amigos do País, antecedente do actual Conservatorio Histórico de Santiago. A autora, María García Caballero, doutora en Musicoloxía, mergúllanos nun universo apenas tratado pola bibliografía especializada. Centenares de datos, anécdotas, cifras e nomes propios constitúen un vasto estudo que nos traslada aos costumes e formas de vida dun tempo convulso e histórico, o Santiago da Restauración.

Engadir ao carriño
La-luz-dormida-en-el-espejo-libro-alvarellos-ed
Engadir ao carriño

La luz dormida en el espejo

18,00 €
Memorias de Diego Velázquez

 

Francisco Singul

 

 

Formato: 351 pp. 15,5×23,5 cm.
ISBN: 978-84-89323-85-8

 

Por vez primeira —e tres séculos e medio despois da súa morte— “fala” Velázquez. O historiador galego e doutor en Historia da Arte, Francisco Singul, emprendeu a difícil tarefa de reconstruír o relato da vida do gran pintor sevillano.

 

Estas Memorias de Diego Velázquez, elaboradas con precisión de fontes e unha narración que flúe sobria e reveladora, apórtannos as claves da súa pintura e o fondo íntimo do seu pensamento e son un retrato fiel do século XVII español.

 

“Un análisis y una biografía de un pintor introvertido y celoso de su intimidad que ahora aparece tratado y estudiado de un modo creativo, nuevo y original”. VÍCTOR NIETO ALCAIDE (Prólogo).

 

FRAGMENTOS

 

• [Sevilla:] “Esa era la Sevilla de mi juventud, un mundo rutilante, vanidoso y lleno de piedad a un tiempo, empachado en el exceso portuario del llevar y el traer…”.

 

• [Onde describe o proceso de creación das Meninas:] “Estoy modelando a los personajes, perturbándolos incluso, reteniendo mi mano antes de dar en el lienzo finas capas de pintura desleída, con esa pincelada escueta, sobria o colorista, que aprendí de los venecianos y de mi señor Rubens”.

 

• [A fin do seu affaire en Roma con Marta Montanini:] “Abracé a Marta, lloramos juntos y me fui a Módena; y de allí a Génova, donde a fines de mayo tomé el barco con Juan rumbo a Barcelona…”.

 

• [Reflexiona sobre a súa arte:] “Lo humano y su verdad es lo que más me importa en mi pintura; pero pintura al fin, no copia de lo real, pues gusto más de pintar lo que veo, a veces con la mirada interior; no lo que es, lo que en realidad existe”.

Engadir ao carriño
Antonio-Lopez-Ferreiro
Engadir ao carriño

Antonio López Ferreiro [1837-1910] (cartoné)

39,00 €
Cóengo, historiador e novelista compostelano.

(Versión en cartoné)

Gran biografía

Formato: 1136 pp. 16×24 cm.
ISBN (cartoné): 978-84-89323-86-5

 

Un volume de máis de 1.100 páxinas. Revélanse numerosos datos, documentos e ilustracións inéditos.

 

A esperada biografía dun personaxe fundamental na Galicia do século XIX: Antonio López Ferreiro. O profesor Carlos Santos Fernández (A Coruña, 1961) culmina con esta obra un prolixo traballo de investigación no que se revelan numerosos datos inéditos e se aportan valiosos documentos procedentes dos arquivos persoais do historiador. Preto dun cento de ilustracións enriquecen este libro de máis de 1.100 páxinas, moitas delas tamén descoñecidas ata hoxe.

Engadir ao carriño
musica seminario santiago-cuberta
Engadir ao carriño

La música en el Seminario de Santiago

17,00 €

Páxinas: 143
Medidas: 20×19 cm.
Idioma: castelán
Data publicación: febreiro 2009
ISBN: 978-84-89323-27-8
Colección: En Clave de Fa
Encadernación: cosida. Capa branda plastificada con lapelas
Ilustracións: reprodución fotográfica de varias das partituras do arquivo diocesano

 

Este volume, co-editado polo Consorcio de Santiago e Alvarellos Editora, presenta, por vez primeira, os fondos musicais da antiga biblioteca do Seminario Diocesano de Santiago, hoxe denominada Biblioteca de Estudos Teolóxicos de Galicia. Un completo inventario de todas as partituras conservadas (que abarca desde mediados do século XIX ata os anos sesenta da seguinte centuria) que se complementa cun interesante capítulo onde o autor se detén nas distintas etapas vividas polo Seminario compostelán desde a súa creación, en outubro de 1829, e cun apartado dedicado a profesorado, lexislación, veladas musicais e organización dos actos.

 

Nomes como Xoán Montes, Pascual Veiga, Xosé Castro Chané, Xosé Pacheco ou Xosé e Ricardo Courtier aparecen á beira doutras figuras con apelidos tan ilustres como os Tomás L. de Vitoria, Francisco Guerreiro, Almandoz, De Benito, Sagastizábal, Perosi, Eslava, Ravanelo ou Urteaga. A obra inclúe a reprodución dalgunhas das partituras máis significativas, dende algunhas das máis antigas das conservadas, como é o caso da manuscrita Misa en Fa de Cándido Aguayo, de 1856. Con este rigoroso e documentado traballo, Fernández Places, músico e profesor de violín, permítenos profundar no coñecemento da historia moderna da capital de Galicia. Por outra banda, dá un paso máis de face á elaboración desa historia pendente da música galega.

Engadir ao carriño