Novo

Cunetas [2ª ed. Inclúe os manuscritos]

16,90 €

Cunetas [2ª ed. Inclúe os manuscritos]

Luís Pimentel

88 pp. 14 x 21 cms
ISBN 979-13-88293-03-0
[ISBN 1º edición: 978-84-18567-97-1]
Papel FSC. Amigo dos Bosques

A localización, no verán de 2026, dos manuscritos orixinais da serie de poemas «Cunetas» de Luís Pimentel, escritos en 1947, posibilitou esta segunda edición, que agora presentamos, publicada seis meses despois da primeira. Nela, puidemos restaurar fielmente os desgarradores versos do poeta lugués a partir das súas copias orixinais.

NP_GAL_Cunetas_SEGUNDA EDI-outono-2026

A serie de poemas «Cunetas», escrita en castelán e datada por Luís Pimentel en 1947, denuncia a represión fascista na guerra civil, polo que permaneceu inédita durante toda a ditadura. Só se publicaría de maneira independente en Madrid en 1981, nunha plaquette de 215 exemplares.

REPRODUCIÓN COMPLETA DOS MANUSCRITOS LOCALIZADOS

Agora (outono de 2026), Alvarellos Editora lanza unha segunda edición (despois da primeira de abril) trala localización dos manuscritos orixinais e a restauración dos poemas a partir deles. Inclúese aquí a reprodución facsimilar completa dos catro poemas desta serie, grazas ao material reunido na Tese de doutoramente que en 1976 presentou a filóloga Araceli Herrero Figueroa.

Estamos diante duns versos de anguria e dor, do berro desesperado dun dos máis extraordinarios poetas que deu Galicia.
Colaboran nesta edición o filólogo Claudio Rodríguez Fer ‒que repasa a traxectoria poética de Pimentel e o significado destes versos‒, e Xurxo Martínez González, que asina o Epílogo.

Rodríguez Fer define o verso de Pimentel como «exquisito e sensible», e a súa poética como «existencial, íntima, solidaria, política…». No Epílogo, Xurxo Martínez González afirma: «Eu, ao ler os poemas de Cunetas fago meu todo o sangue verquido pola liberdade do noso pobo e pola fraternidade de todos os esquecidos».

Autoría: Luís Pimentel Categoría: Libros do Sarela [Creación]

Autoría

Luís Pimentel

Luís Pimentel (Lugo, 1895-1958) foi un poeta extraordinario. O seu verso é urbano, vangardista, sobrio, sensible coa xente desamparada e vulnerable, devoto de Rosalía de Castro... Unha poesía que recibiu a influencia do modernismo hispánico, o simbolismo francés ou o grupo español do 27, tal e como nos explica, nas páxinas introdutorias, Claudio Rodríguez Fer. En vida só publicou un pequeno volume, Triscos (1950); postumamente aparecerían Sombra do aire na herba (1959) e Barco sin luces (1960), con prólogo de Dámaso Alonso. Exerceu a Medicina sen moita vocación, presente sempre nel a súa alta sensibilidade, e dos seus días no Hospital Provincial de Lugo xorde a excepcional serie poética «Diario de un médico de guardia». A súa obra dispersa e inédita sería reunida en 1981 por Araceli Herrero Figueroa. Nela aparecerá, por vez primeira, a serie titulada «Cunetas».

Non se atoparon produtos que concorden coa selección.

Máis información

NP_GAL_Cunetas_SEGUNDA EDI-outono-2026

Outros semellantes

Capa4FINALCinzadeestrelas

CINZA DE ESTRELAS

9,00 €

María Isabel Vázquez

2º Premio no XL Certame de Poesía do Concello de Vilalba

Formato: 14 x 21 cms | 60 pp
ISBN: 978-84-89323-31-5

A escrita como refuxio. A poesía tórnase en vieiro para alcanzar o coñecemento das cousas. O verso revélase nas páxinas desta obra como un xeito de deter o fuxidío da existencia. As palabras como contención. “Unhas palabras que paguen a pena ser escritas / que atrapen a memoria”, di a autora no poema “Adiviñanza”.

Esta obra contén numerosas referencias a poetas clásicos e contemporáneos, que enriquecen a proposta creativa de María Isabel Vázquez: dende Cunqueiro, Valente, Luz Pozo Garza ou Novoneyra ata Yolanda Castaño, Miguel Anxo Fernán Vello ou Luís Rei Núñez.

Esta obra logrou en 2014 o segundo premio na edición número 40 do veterano Certame Literario do Concello de Vilalba.

Telurica_capa_alvarellos_libro_2017

Telúrica

9,00 €

Xosé Otero Canto

Un berro que sae do profundo

58 pp. | 14 x 21 cms.
ISBN 978-84-16460-22-9

Telúrica é un berro que sae do profundo, unha forza que se revira contra nós e que participa da terra. Herdeiro da mellor tradición poética dunha comarca tan literaria como a luguesa da Terra Chá, Xosé Otero Canto penetra como “o lume nas entrañas” na terra convertida en “corpo sacratísimo dos nosos”, mais tamén “sementada de luz” e “bébeda de auga”, unha terra moura que agroma en verde, tatuada e esculpida en vento.

Nestes poemas, a riqueza léxica actúa cun brío fortificado ante o bastión inexpugnable do Telúrico.

Xosé Otero Canto logrou coa solidez enérxica da palabra o Primeiro Premio do Certame Literario do Concello de Vilalba na súa edición nº 42 (2016).

O presente volume enriquécese coas ilustracións de José María Lugilde.

Navegando-cara-a-Ítaca-libro

NAVEGANDO CARA A ÍTACA

8,00 €

Rafael Catoira Rey

2º Premio do Certame Literario de Vilalba 2013

Formato: 50 pp. 14×21 cms
ISBN: 978-84-89323-61-2

O gran poema grego da Odisea, onde Homero describe a peripecia do heroe Ulises ata regresar á súa patria, Ítaca, é o fío condutor desta recreación poética de Rafael Catoira Rey.

En Navegando cara a Ítaca, a vida —e a poesía— móstranse como a viaxe imprevisible que efectivamente son.

A obra principia cun “Ítaca non existe” para proseguir logo con esta declaración de intencións: “Viaxo ó teu encontro. / Non chegar nunca, / gozar só do presaxio” (…).

Polos versos de Rafael Catoira van transitando algúns dos personaxes do poema homérico: Ulises, a súa muller Penélope, o seu fillo Telémaco, o xigante Polifemo… Aos que fai falar e reflexionar, e aos que a voz poética tamén interpela.

2º Premio do Certame Literario de Vilalba 2013.

Pon_un_psiquiatra_ursula_alvarellos_libro_capa

PON UN PSIQUIATRA NA TÚA VIDA… E XA VERÁS

16,00 €

[Un cara a cara entre unha enferma de depresión e o seu psiquiatra]

177 pp. 14 x 21 cms
ISBN 978-84-16460-14-4

Despois de publicar en 2015 unha crónica da súa experiencia como interna nun psiquiátrico, a veterana escritora aborda agora o mundo da depresión dende un ángulo ben diferente: o revelador diálogo entre unha paciente e o seu psiquiatra.

Sally McMahon é unha muller madura que padece unha fonda depresión. Para saír do pozo, decide buscar a axuda dun especialista. Visita a un xoven psiquiatra, en sesións mensuais, durante dous anos. Nelas, van aboiando os conflitos e problemas máis fondos da súa enfermidade e da súa vida: a vellez, a idea da morte, a sexualidade, a relación cos demais, a desilusión… E tamén o proveito, ou non, das propias citas médicas.

Despois de publicar …e os domingos, un croissant. Diario dun encontro coa vida (Alvarellos Editora, 2015), onde Ursula Heinze retratara o día a día dos internos dun sanatorio mental, agora a prestixiosa escritora alemá afincada en Galicia regresa cun poderoso, valente e orixinal relato.

En Pon un psiquiatra na túa vida… e xa verás, a protagonista, Sally, fala a tumba aberta da súa propia depresión. A prosa camiña áxil e atraente, os diálogos médico-paciente son enormemente reveladores, e a carón deles afloran pensamentos fondos arredor das grandes dúbidas, contradicións e perigos desta tan estendida enfermidade. Nos momentos máis baixos, Sally só se conforta lembrando diante do doutor as viaxes que fixo por toda Europa nos seus anos dourados, cando era unha escritora recoñecida.

El_tesoro_punta_herminia_lugris_alvarellos_ed

El tesoro de Punta Herminia y otros textos sumergidos

14,00 €

Urbano Lugrís

108 pp | 14 x 21 cms
ISBN 978-84-16460-24-3

Urbano Lugrís era un poeta pintor. E o único pintor do mundo capaz de escribir baixo a auga, en palabras doutro gran escritor e poeta, Manuel Rivas. Alvarellos Editora rescata este verán once textos “somerxidos” de Lugrís. Prosas e poemas –en castelán e galego– moi pouco coñecidos ata hoxe (mesmo algún inédito) que nos internan no seu fascinante universo narrativo e lírico.

Baixo o título El tesoro de Punta Herminia y otros textos sumergidos agrúpanse textos dispersos que foron aparecendo desde a edición, en 2008, daquela primeira Balada de los mares del norte (Alvarellos Editora), único volume de Lugrís ata a data, pois o artista falecía en 1973 sen ver publicado, en libro, o seu rico e abundante traballo literario, esparexido e esquecido, durante décadas, en xornais e revistas… A profesora de Teoría da Literatura da Universidade da Coruña, Olivia Rodríguez, especialista en Lugrís, encárgase do coidado da edición.

Ademais dos 11 textos, este volume reúne 25 debuxos do autor, tamén moi pouco divulgados; entre eles, as fermosas letras capitulares que creaba o pintor para iniciar os seus escritos.

El tesoro de Punta Herminia y otros textos sumergidos bríndanos a impagable oportunidade de internarnos, de novo, nese mundo de tesouros ocultos, grutas e naufraxios. Escenarios escritos e pintados a un tempo pola pluma e o lenzo inigualables de Urbano Lugrís.

Entre-as-paredes-do-silencio-libro-capa-web

Entre as paredes do silencio

9,00 €

Martiño Maseda Lozano

II premio no XXXVII Certame Literario do Concello de Vilalba.

Formato: 70 pp. 14×21 cms
ISBN: 978-84-89323-46-9

Un diario poético que se desprega de abril a xullo. Nel, o verso quere ser bálsamo contra a desesperanza, e loita na defensa da identidade e da lingua. “Versos espidos / poesía das emocións transparentes”, escribe o autor. Con Limiar de María Xosé Lamas.

Esta obra obtivo o II premio no XXXVII Certame Literario do Concello de Vilalba (2011).