11,00 €

Microrrelatos [Premiados en 2021 e 2022]

Name: Microrrelatos [Premiados en 2021 e 2022]
Price: 11 EUR
Availability: InStock

VV. AA.

52 pp. Formato 14 x 21 cms
ISBN 978-84-18567-29-2
Impreso en papel FSC Amigo dos Bosques

Np-G-microrrelatos-21_22

O presente volume reúne os textos gañadores da IIIª e IVª edición do Certame de Microrrelatos Día do Libro organizada polo Concello de Vilalba e Culturalia GZ en 2021 e 2022. Son en total dezasete composicións, pertencentes a tres categorías: Infantil, Xuvenil e Persoas adultas.

Os microrrelatos desenvolven, en moi poucas liñas, toda unha trama; esta brevidade –e intensidade– é sen dúbida un atractivo para as persoas lectoras de hoxe, que gozarán destas 17 pequenas grandes historias.

Este é o segundo volume publicado deste Certame, despois do aparecido en 2020, que recollía os relatos gañadores das dúas primeiras edicións. O premio consolídase por tanto coa publicación destas novas historias, atractivas… e brevísimas, como esixe o xénero.

Gañadoras IIIº Certame [2021]:

Infantil:
Mencía Naz Martín

Paula Pérez Cendán

Xuvenil:
Abril Viqueira Pose
Lucía Martínez Lago
Mariña Maceiras Segovia

Persoas adultas:
José Ángel Corral Suárez
José Manuel Souto Lema
Patricia Torrado Queiruga

Gañadoras IVº Certame [2022]:

Infantil:
Paula Pérez Cendán
Sabela Vidal Barreiro
Emilia Manso Rodríguez

Xuvenil:
Carlota Millor Prado
Mariña Maceiras Segovia
Fernanda del Carmen Moraes Vidal

Persoas adultas:
Óscar Reboiras Loureiro
Patricia Torrado Queiruga
Raquel Fernández Fernández

Categoría: Libros do Sarela [Creación] Etiqueta: galicia

Outros semellantes

RÍO ALZHEIMER

9,00 €

Carlos Pereira Martínez

1º Premio Certame Literario-Concello de Vilalba, 2011

Formato: 76 pp. 14×21 cms
ISBN: 978-84-89323-44-5

Un conmovedor relato en verso arredor da derradeira etapa vital da nai do autor, enferma de Alzheimer. “Unha viaxe profunda e estremecedora”, en palabras no prólogo da poeta Eva Veiga. Ela afirma: “Cando a fala se retira, aparece a escrita”. E o poeta escribe: “Xa non sentes que abril / trouxo tépedas choivas”.

Esta obra obtivo o I premio no XXXVII Certame Literario do Concello de Vilalba (2011).

Engadir ao carriño

Poemas-do-ruxido-e-barruzo-alvarellos-editora-capa

POEMAS DE RUXIDO E BARRUZO

8,00 €

Paulino Pereiro

[2º Premio XLI Certame Literario Concello de Vilalba]

46 pp. | 14 x 21 cms
ISBN 978-84-16460-11-3

O barruzo, esa chuvia pequena e teimuda que semella desaxustar o mundo, e o ruxido como metáfora –e berro– do creador inadaptado, son os dous eixes sobre os que se constrúen estes versos de Paulino Pereiro, Poemas de ruxido e barruzo, unha obra que recibiu en 2015 o 2º premio do Certame Literario do Concello de Vilalba.

“O meu barco non ten océano”, escribe o poeta. O autor atopa abeiro nunha natureza que representa aquí o equilibrio, coma o río, “sangue paralelo do meu sangue”, ou o aire da mañá “que batalla contra o ruxido”. Sobre todos eles xorde tamén o acougo na función da propia escrita.

Trinta e seis poemas en verso libre que flúen musicais e poderosos estruturados coma un diario real, datado en tempo e espazo, escritos durante seis semanas dun verán no norte…

Engadir ao carriño

SONETOS PREPOSICIONAIS

9,00 €

María Xosé Lamas

O amor, o desamor, a paisaxe, o paso do tempo…

44 pp. | 14 x 21 cms
ISBN 978-84-16460-23-6

A poesía que todo o nomea: o amor, o desamor, a paisaxe, o tempo… Eixes sobre os que transcorre, fuxe, o noso vivir. Sentimentos recreados en trinta e cinco composicións poéticas, construídas baixo a aparente sinxeleza, musical e perfecta, do soneto. “Soneto do desacougo”, “Soneto dende un Boeing 747”, “Soneto da eterna amizade”, “Soneto da seca”…

María Xosé Lamas mergúllase na utopía e poetiza a vida, o día a día e, tamén, os seus desvelos. Esta obra recibiu o Segundo Premio do Certame Literario do Concello de Vilalba na súa edición nº 42.

Engadir ao carriño

Sobre ruínas

11,00 €

Xesús Rábade Paredes

Poemas para o combate neste tempo de vencidos e derrotas.

PREMIO AO MELLOR LIBRO DE POESÍA EN GALEGO DO ANO 2013

Formato: 108 pp. 14×21 cms
ISBN: 978-84-89323-50-6

Unha poesía de altura sobre ruínas e fronte a elas. Estes novos versos de Xesús Rábade Paredes (Seixas, Cospeito-Lugo, 1949) son un berro para espelir aos rendidos. Tamén un laio contra a desolación. Álzase neles a voz contra os malditos, os ruíns e os mercadeiros. O universo literario, en fin, dun dos nosos mellores creadores.

No poema titulado “Devastación”, dise: “Quizais é que exhibimos en exceso / a infinita paciencia. / Que na mesma mirada delatamos, / como os peixes e as vacas, / a tristeza xenética”.

“Atoparás aquí, lector, cousas que che fagan pensar e cousas que te conmovan (…). O único valor da arte, dixo alguén, é lembrarnos que a vida é o que importa.” (María do Cebreiro, no Limiar).

Engadir ao carriño

Máxico tear natural

14,00 €

Xosé Manuel Lobato

Unha experiencia íntima coa paisaxe de Galicia. Nunha viaxe moi persoal para 23 espazos.

Páxinas: 113
Medidas: 14×21 cm
Idioma: galego
ISBN: 978-84-89323-66-7
Encadernación: rústica
Data de publicación: maio 2011

Este libro recolle unha viaxe moi persoal a través de Galicia. En máis de 23 etapas, o autor expresa a súa experiencia íntima, directa e profunda coa paisaxe: os bosques do Eume, Finisterre, Montefur, Pambre, Cortegada, San Simón, o refacho de Ourense e o Pico Sacro son algunhas das estancias. Vizosos os bosques, o pobo dos emigrantes, a parte superior da néboa, a maxia Regueiro… Todos eles se internan na poesía en prosa de Xosé Manuel Lobato. Lugares místicos, ás veces caóticos, nos estados contiguos entre a realidade e a ficción. “Magia Natural telar tal vez se reúnen una utopía”, di o autor na introdución; talvez o paraíso ideal, ou unha realidade descoñecida para a maioría. O libro pretende voar sobre o patrimonio de Galicia, refractada, e tamén sobre a verdade -o idealismo- nun puñado de textos que abrollan espontaneamente a partir dunha perspectiva de fortes contrastes.

Engadir ao carriño

PICO SACRO

19,00 €

FERIDO POLO LÓSTREGO E A LENDA

Vv. Aa. Edición: Miro Villar | Xosé M. Lobato

Formato: 14×21 cms. 322 pp.
ISBN: 978-84-16460-15-1

Se hai un cumio ou monte mítico, simbólico e histórico a un tempo, en Galicia, este é o Pico Sacro. Elévase garboso ao leste de Compostela, no Concello de Boqueixón, a 533 metros de altitude.

Este libro reúne a obra de noventa autores e autoras arredor desta cima única. Unha edición ao coidado de Miro Villar e Xosé Manuel Lobato, responsables dun traballo pioneiro: recompilaron textos clásicos, históricos —algúns ben coñecidos, outros moi pouco divulgados ata hoxe— e puxéronos a dialogar con novas composicións, inéditas, de autores e autoras actuais.

Dende o Rexurdimento ata os nosos días, o Pico Sacro foi constante invocación literaria, e esta obra é a proba evidente. Poemas, relatos, ensaios, crónicas xornalísticas, ata contos infantís…

“Historia e ficción mestúranse aquí nun binomio inseparable”, sinalan os artífices desta convocatoria.

Subamos pois ao Pico Sacro. E academos, dende Galicia, o universo enteiro. Un universo escrito que se desprega en cada unha destas páxinas.

Engadir ao carriño