• 0 Items - 0,00 €
    0
    • Non hai produtos no carriño.
  • 0 Items - 0,00 €
    0
    • Non hai produtos no carriño.

9,00 €

RÍO ALZHEIMER

1º Premio Certame Literario-Concello de Vilalba, 2011

 

Formato: 76 pp. 14×21 cms
ISBN: 978-84-89323-44-5

 

Un conmovedor relato en verso arredor da derradeira etapa vital da nai do autor, enferma de Alzheimer. “Unha viaxe profunda e estremecedora”, en palabras no prólogo da poeta Eva Veiga. Ela afirma: “Cando a fala se retira, aparece a escrita”. E o poeta escribe: “Xa non sentes que abril / trouxo tépedas choivas”.

 

Esta obra obtivo o I premio no XXXVII Certame Literario do Concello de Vilalba (2011).

3e40a2af2fd2
Compartir

Autoría

Carlos Pereira Martínez

Carlos Pereira Martínez (Montevideo, 1959). Reside na Coruña. Licenciado en Xeografía e Historia. Publicou máis dunha docena de libros, entre os que se poden destacar Os Templarios. Artigos e ensaios, Asociacionismo e movemento obreiro en Oleiros (1900-1936), Germinal. Centro de Estudios Sociais (Cultura obreira na Coruña, 1902-1936) (con Ana Romero Masiá), O orballo da igualdade. Asociacionismo femenino progresista na Coruña (con Ana Romero Masiá), A Galicia heterodoxa, Xaime Quintanilla Martínez. Vida e obra dun socialista e galeguista ao servizo da República (con Ana Romero Masiá, Premio Luis Tilve de Investigación e Divulgación Histórica no ano 2011) e Xaime Quintanilla Martínez, xornalista en Ferrol (con Ana Romero Masiá). Formou parte do colectivo poético coruñés "Os Habitantes do Lago” e foi tamén un dos fundadores do Grupo de Teatro "Maiolongo" de Culleredo (1976).
Non se atoparon produtos que concorden coa selección.

30/09/2014 Presentación en Betanzos (Libraría Biblos). Fotos https://www.facebook.com/biblos.delectores/media_set?set=a.10203901040299390.1073741944.1022847220&type=1

15/05/2014 Presentación en Ateneo de Ferrol. Fotos https://www.facebook.com/carlos.pereiramartinez.5/posts/10201669408168642

14/05/2014 Diario de Ferrol http://www.diariodeferrol.com/articulo/ferrol/pereira-martinez-fala-no-ateneo-versos-do-seu-premiado-rio-alzheimer/20140513224155085568.html

05/07/2013 El Progreso: “Alvarellos Editora publicará catro obras do certame de poesía vilalbés“.

15/07/2013 Biblos. Clube de Lectores. Boletín de xullo/agosto 2013.

24/08/13 La Voz de Galicia-Vilalba. Presentación do libro: http://www.lavozdegalicia.es/noticia/lugo/2013/08/23/agosto-mes-poesia-vilalba/00031377290066313255640.htm?idioma=galego

24/08/13 El Progreso. Presentación do libro: http://elprogreso.galiciae.com/nova/272468-pablo-bouza-rafael-catoira-ganan-xxxix-certame-literario-vilalba

14/09/13 El Correo Gallego – Crítica de Alfredo Conde: http://www.elcorreogallego.es/opinion/firmas/ecg/noso-destino/idEdicion-2013-09-14/idNoticia-826601/

28/09/13 La Voz de Galicia-Culturas – Crítica de Ramón Nicolás:

30/09/13 Praza Pública – Crítica de Armando Requeixo http://praza.com/cultura/5556/rio-alzheimer-restauracion-da-luz/

Outros semellantes

sobre-ruinas
Engadir ao carriño

Sobre ruínas

11,00 €

Poemas para o combate neste tempo de vencidos e derrotas.

PREMIO AO MELLOR LIBRO DE POESÍA EN GALEGO DO ANO 2013

Formato: 108 pp. 14×21 cms
ISBN: 978-84-89323-50-6

 

Unha poesía de altura sobre ruínas e fronte a elas. Estes novos versos de Xesús Rábade Paredes (Seixas, Cospeito-Lugo, 1949) son un berro para espelir aos rendidos. Tamén un laio contra a desolación. Álzase neles a voz contra os malditos, os ruíns e os mercadeiros. O universo literario, en fin, dun dos nosos mellores creadores.

 

No poema titulado “Devastación”, dise: “Quizais é que exhibimos en exceso / a infinita paciencia. / Que na mesma mirada delatamos, / como os peixes e as vacas, / a tristeza xenética”.

 

“Atoparás aquí, lector, cousas que che fagan pensar e cousas que te conmovan (…). O único valor da arte, dixo alguén, é lembrarnos que a vida é o que importa.” (María do Cebreiro, no Limiar).

Engadir ao carriño
quendacatividade
Engadir ao carriño

QUENDA DA CATIVIDADE

8,00 €

1º Premio Certame Literario-Concello de Vilalba, 2012

 

Formato: 50 pp. 14×21 cms
ISBN: 978-84-89323-47-6

 

Corenta sonetos de amor. Xoán Piñeiro recréase na música dos hendecasílabos para transmitirnos a ledicia da entrega amorosa: unha doce atadeira, unha cadea lene, a quenda da catividade.

 

“Preso por ti, / deitando un mesmo zume”, exclama.

 

Esta obra obtivo o I premio no XXXVIII Certame Literario do Concello de Vilalba (2012).

Engadir ao carriño
Sonetos_preposicionais_capa_alvarellos-copia
Engadir ao carriño

SONETOS PREPOSICIONAIS

9,00 €

O amor, o desamor, a paisaxe, o paso do tempo…

 

44 pp. | 14 x 21 cms
ISBN 978-84-16460-23-6

 

A poesía que todo o nomea: o amor, o desamor, a paisaxe, o tempo… Eixes sobre os que transcorre, fuxe, o noso vivir. Sentimentos recreados en trinta e cinco composicións poéticas, construídas baixo a aparente sinxeleza, musical e perfecta, do soneto. “Soneto do desacougo”, “Soneto dende un Boeing 747”, “Soneto da eterna amizade”, “Soneto da seca”…

 

María Xosé Lamas mergúllase na utopía e poetiza a vida, o día a día e, tamén, os seus desvelos. Esta obra recibiu o Segundo Premio do Certame Literario do Concello de Vilalba na súa edición nº 42.

Engadir ao carriño
81
Engadir ao carriño

RETORNO A NATURA

13,90 €

Páxinas: 140
Medidas: 14×21
Idioma: galego
Data de publicación: abril 2009
ISBN: 978-84-89323-30-8
Encadernación: rústica plastificada con lapelas
Ilustracións: Alfonso Martínez

 

Unha chamada última -que non derradeira- a salvar a paisaxe galega. Unha crítica fonda ás desfeitas. Un berro contra a destrución do noso contorno. E un clamor, tamén, con raiolas de esperanza, para soñar nun futuro de apego coa terra. 36 crónicas de prosa poética e denuncia, acompañadas -e acougadas, a un tempo- polo trazo lene e onírico do ilustrador Alfonso Martínez.

 

Selección de ilustracións de Alfonso Martínez para este libro.

Engadir ao carriño
e-os-domingos-un-croissant-libro-ursula-heize-alvarellos-editora
Engadir ao carriño

… E OS DOMINGOS, UN CROISSANT

13,50 €

DIARIO DUN ENCONTRO COA VIDA

 

147 pp. 14 x 21 cms
ISBN 978-84-89323-96-4

 

Tras padecer unha fonda depresión, a escritora e filóloga Ursula Heinze (autora dunha extensísima e premiada obra literaria) decide ingresar voluntariamente no sanatorio psiquiátrico La Robleda, preto de Santiago de Compostela.

 

Neste libro relata os dous meses de finais de 2014 que pasou internada tratando de superar a súa enfermidade. Escribiu día a día. A obra que o lector ten nas súas mans é o retrato coral, intenso e fondamente humano da vida nun psiquiátrico.

 

«Aquí, no Sanatorio, podemos vivir como realmente somos –afirma Ursula–. Fóra, o mundo é real; pero, para sobrevivir, temos que disfrazarnos».

 

Engadir ao carriño
Abrindo-fiestras-en-carne-viva-alvarellos-editora
Engadir ao carriño

ABRINDO FIESTRAS EN CARNE VIVA

9,00 €

1º Premio XL Certame de Poesía do Concello de Vilalba

 

Formato: 14 x 21 cms. Páxs. 64
ISBN: 978-84-89323-99-5

 

A poesía érguese neste libro como unha forma de dar orde ao caos do universo, ás “dimensións do baleiro”. Estruturado en cinco partes, denominadas “Fiestras…”, nesta obra o poeta interroga á soidade, ao esquecemento, á desilusión.

 

A lingua emerxe coma o seu piar: “lingua que me colles dende o berce / e me afastas do silencio orixinal”.

 

O autor detense tamén na denuncia social, cantando aos “eslombados”, aos “calados e ignorados”. E hai un espazo así mesmo para o amor, o “feitizo“.

 

Esta obra logrou o primeiro premio na edición número 40 (2014) do xa histórico Certame Literario do Concello de Vilalba (Lugo).

Engadir ao carriño