• 0 Items - 0,00 €
    0
    • Non hai produtos no carriño.
  • 0 Items - 0,00 €
    0
    • Non hai produtos no carriño.
NovoNovo
Memoria do vivido

21,50 €

Memoria do vivido

Xosé Ramón Fandiño

268 pp. 13 x 23
ISBN 978-84-18567-96-4
Papel FSC. Amigo dos Bosques

Memoria do vivido (Alvarellos Editora) reúne 17 textos nos que Xosé Ramón Fandiño deixa testemuño dunha vida consagrada á nosa cultura. Reúnense evocacións, entrevistas e artigos dispersos que, no seu conxunto, constitúen un verdadeiro foro de reflexión sobre a historia recente do noso país.
Fandiño é filólogo, editor, tradutor e polígrafo comprometido. Polo seu labor profesional, puido protagonizar, no último medio século, momentos decisivos do noso devir cultural, como foi a dirección da Gran Enciclopedia Gallega, os seus anos fundamentais de traballo en Sargadelos ao lado de Isaac Díaz Pardo, ou a súa intensa dedicación á Fundación Pedrón de Ouro… E tratar con artistas e creadores como Xulio Maside, Ramiro Fonte, Aurichu Pereira, Carlos García Martínez ou Antonio Fraguas.

Un apartado especial merecen as extensas entrevistas, conversas profundas, que o autor mantivo co artista e empresario Isaac Díaz Pardo, coa poeta Luz Pozo Garza, co historiador Xosé Ramón Barreiro ou co arquitecto Andrés Fernández-Albalat. No xogo de preguntas e respostas parece que os estamos a escoitar de novo a todos eles, que reviven para nós.

Estes pequenos ensaios narrativos reconstrúen un mapa emocional e intelectual da Galicia contemporánea.
A capa reproduce unha das obras máis recoñecidas de Isaac Díaz Pardo: Xentes que ollan (1963).

Compartir

Autoría

Xosé Ramón Fandiño

"Xosé Ramón Fandiño (Santiago de Compostela, 1946) é filólogo e editor. Foi director da Gran Enciclopedia Gallega. Autor de abundante obra como ensaísta e colaborador de diversos medios de comunicación, especialmente da Radio Galega, onde o seu programa «Galicia Universitaria» foi distinguido en 1995 co Premio V Centenario. Participou en varios proxectos do Consello da Cultura Galega, da Universidade de Santiago e da Xunta de Galicia, entre os que destaca o comisariado da exposición itinerante dedicada a Castelao no 2011 con motivo do 125 aniversario do seu nacemento e da exposición Ao pé do prelo. Luís Seoane, editor y artista gráfico (2010). Durante dez anos foi colaborador de Isaac Díaz Pardo no Instituto Galego de Información. Sobre a figura de este intelectual comisariou a exposición Con Galiza sempre no horizonte. Camilo Díaz Baliño e Isaac Díaz Pardo en Compostela (2018). Así mesmo, é autor do libro Isaac Díaz Pardo. Memoria do compromiso (2020)."
Non se atoparon produtos que concorden coa selección.

NP_GAL_Memoria_do_vivido_converted

Outros semellantes

El alumbrado público…_0001
Engadir ao carriño

El alumbrado público en Santiago

15,00 €

Unha historia de luces e sombras na vella Compostela.

 

Páxinas: 138
Medidas: 13×23
Idioma: castelán
Data de publicación: maio 2009
ISBN: 978-84-89323-29-2
Encadernación: rústica plastificada con lapelas
Ilustracións: fotografías e documentos de época

 

A nova obra do investigador santiagués José Antonio Tojo Ramallo titúlase El alumbrado público en Santiago, un ensaio publicado conxuntamente por Alvarellos Editora e o Consorcio de Santiago. Nel, Tojo Ramallo, quen xa é autor doutros tres libros de historia local, repasa dun xeito ameno e documentado as orixes e desenvolvemento do sistema público de alumeamento, desde as súas orixes hai xustamente dous séculos:

 

Na protohistoria do alumeamento de Santiago sitúanse os coquines ou mullidores, personaxes que, ata o século XVIII, percorrían as rúas portando un facho e unha campaíña e rogando a voces o rezo dun Noso Pai polas ánimas do purgatorio e do Arcebispo Fonseca.

 

DOUSCENTOS ANOS DE LUCES E SOMBRAS

Logo chegaría o aceite. En 1809 instálase en Santiago o primeiro sistema de alumeamento público do que temos noticia. Pretendíase aumentar a seguridade nas rúas ante a invasión dos franceses. Os primeiros farois instaláronse ao redor de 1822, os chamados farois de reverbero, construídos por artesáns locais do latón e do ferro, e mantidos polos vedores.

 

“A NOITE ESTÁ VARRIDA DA TERRA”

Tras o aceite, o gas; e, finalmente, a revolución da luz eléctrica. Santiago foi a primeira cidade de España que probou ese novo invento coñecido como electricidade. Foi un 2 de abril de 1851, no claustro da Universidade. “A noite está varrida da terra”, exclamou unha das testemuñas daquel acontecemento. Pero aínda habería que esperar case medio século para ver chegar a luz eléctrica ás rúas máis céntricas.

 

Un breve pero rigoroso e ameno ensaio dunha época na que a cidade de Santiago foi entrando, aos poucos, niso que chamamos modernidade e progreso. Dous séculos de luces e sombras na vella Compostela.

 

» ver caderniño gráfico

Engadir ao carriño
Santiago Tafall_0001
Engadir ao carriño

Santiago Tafall

17,00 €

Un músico compostelano en los albores del galleguismo

 

Páxinas: 162
Medidas: 13×23
Idioma: castelán
Data de publicación 1ª edición: maio 2010
ISBN: 978-84-89323-40-7
Encadernación rústica

 

Santiago Tafall Abad (1858-1930) foi unha figura clave no panorama cultural da Galicia de fins do século XIX e primeiro terzo do XX. Destacado músico e musicólogo, mestre de capela e cóengo da catedral de Santiago. Este volume, Santiago Tafall. Un músico compostelano en los albores del galleguismo, constitúe unha importante –e pioneira– aproximación á súa vida e obra. A autora, Beatriz Cancela, estuda a súa tripla faceta como docente, compositor e teórico, para centrarse logo na vinculación do músico co movemento “rexeneracionista”.

 

Tafall apostaba polo purismo musical e o estudo do folclore tradicional galego, catalogando os alalás como os cánticos máis puros, conectados co propio canto gregoriano. Consideraba o pasado medieval como a culminación da cultura galega. Profundou nas teorías vixentes da época, dentro do galeguismo tradicionalista no que estaba inmerso Compostela, e chegou a teorizar ao redor dos vínculos entre o folclore galego e o bretón, defendendo a orixe celta para a gaita e a medieval para a zanfona. Esta obra recibiu en 2009 o I Premio de Ensaio Histórico “Domingo Fontán” da Real Sociedade Económica de Amigos do País de Santiago e a Universidade de Santiago de Compostela.

Engadir ao carriño
No-tempo-de-follas-novas-libro-alvarellos-editora
Engadir ao carriño

No tempo de “Follas Novas”

18,50 €

UNHA VIAXE POLA LITERATURA UNIVERSAL

Mª Pilar García Negro, ed.

 

282 pp. 13 x 23 cms
ISBN 978-84-89323-97-1

 

Mª Pilar García Negro convoca un excelente elenco de docentes e escritoras/es nun libro coral. Nel leremos textos de autoras e autores contemporáneos de Rosalía de Castro, nun diálogo literario que arrinca  –como primeira obra escolmada– de Follas novas (1880).

Este ensaio demostra, con valentía e orixinalidade, como os debates ideolóxicos e estéticos no mundo do XIX están presentes na nosa escritora, e como, dende Galiza, se pode emprender unha viaxe á literatura universal.

 

COLABORAN NESTA OBRA

Eduardo Álvarez escolle e comenta a Guy de Maupassant.

Anxo Angueira escolle e comenta a Arthur Rimbaud.

Celia Mª Armas García escolle e comenta a Marchesa Colombi.

Xosé Luís Axeitos escolle e comenta a Alphonse Daudet.

Teresa Barro escolle e comenta a Frances Harper.

Carlos Callón escolle e comenta a Júlia Lopes de Almeida.

Marica Campo escolle e comenta a Castelo Branco | Verdaguer.

Luís Cochón escolle e comenta a Christina Rossetti.

Carme Fdez. Pérez-Sanjulián escolle e comenta a Eça de Queirós.

Mª Pilar García Negro escolle e comenta a Clarín | Pardo Bazán.

Mª Jesús Lorenzo Modia escolle e comenta a George Eliot.

Kathleen N. March escolle e comenta a Harriet Beecher Stowe.

Carlos Negro escolle e comenta a Curros Enríquez.

Pilar Pallarés escolle e comenta a Emily Dickinson.

Andrés Pociña-Aurora López escollen e comentan a José Martí.

Francisco Rodríguez escolle e comenta a Oscar Wilde.

Elvira Sanz Gómez escolle e comenta a Henrik Ibsen.

Xoán Ignacio Taibo escolle e comenta a Liev Tolstoi.

Engadir ao carriño
MARÍA VINYALS, A MULLER DO PORVIR [Edición en galego]
Engadir ao carriño

MARÍA VINYALS, A MULLER DO PORVIR [Edición en galego]

20,00 €

Sete vidas baixo a sombra dun castelo

Diego Piay

 

Formato: 23,5 x 15,5 cms. 248 pp.
ISBN galego 978-84-16460-70-0

 

Esta obra é o resultado dunha profunda e rigorosa investigación, con numeroso material inédito (documental, gráfico e de testemuños orais), sobre a apaixonante historia vital de María Vinyals y Ferrés, nacida en 1875 no Castelo de Soutomaior (Pontevedra).

 

María Vinyals medrou no seo dunha familia acomodada, acumulou intensas experiencias e acabou converténdose nunha prolixa escritora, nunha pioneira do feminismo e nunha muller preocupada pola sociedade que a rodeaba.

 

Na súa vida privada rebelaríase contra o desencanto dun matrimonio desgraciado. Co seu segundo marido –o médico cubano Enrique Lluria– compartiría ideais políticos e sociais, e xuntos chegarían a fundar, en 1910, un gran sanatorio, no vello teatro do propio Castelo de Soutomaior. Fixaron aquí a súa residencia xunto aos seus cinco fillos; catro procedían de matrimonios precedentes.

 

En 1917, afogados polas débedas e marxinados polos seus ideais políticos, María Vinyals e Enrique Lluria abandonarían para sempre o Castelo de Soutomaior. Foi entón cando os seus camiños, e os dos seus fillos Antonio, Enrique, Emilia, María Teresa e Roger, tomarían diferentes rumbos e nunca volverían a atoparse.

 

O presente ensaio histórico (publicado en tres idiomas: galego, castelán e inglés) repasa estas sete vidas que medraron baixo a sombra dun castelo. Desde esta impresionante fortaleza medieval, que hoxe é patrimonio público, propiedade da Deputación de Pontevedra, Diego Piay viaxa máis alá dos seus límites e das súas ameas, máis alá de Pontevedra, Galicia… ou Europa.

 

Esta historia xestouse tras as robustas murallas do castelo e agora, moitos anos despois, regresa ao lugar onde todo comezou.

Engadir ao carriño
Memorias-dun-loitador-antifranquista-Alvarellos-Editora-2018
Engadir ao carriño

Memorias dun loitador antifranquista

22,50 €

Entrevistado por Antón Santamarina. Edición de Anahí Almasia e Mariela Sánchez

 

412 pp. 13 x 23 cms.
ISBN 978-84-16460-44-1

 

En 1998, David Álvarez Carballido (A Fonsagrada-Lugo, 1922-2017) concedeu unha longa entrevista ao filólogo e paisano seu Antón Santamarina. Foi durante varios días de agosto, na aldea común de ambos de San Martín de Suarna.

 

Dúas décadas despois, este documento único ve por fin a luz, as Memorias dun loitador antifranquista. O testemuño do comunista David Álvarez Carballido, publicado por Alvarellos Editora na súa colección Oeste.

 

Foi preciso un fondo traballo de edición para organizar o valioso material custodiado por Santamarina. A psicóloga e escritora Anahí Almasia (sobriña de David) e a doutora e especialista en memoria histórica Mariela Sánchez puxéronse a traballar arreo dende a súa cidade de Bos Aires. Había que converter aquelas horas de conversa nun volume revelador. David posuía unha fina e poderosa memoria e o resultado queda á vista nestas páxinas.

 

É o testemuño valoroso e honesto dun incansable loitador antifranquista. Dun comunista que fuxiu dende Galicia a Bos Aires en 1948 para non regresar ao país ata 1962, e ser detido e torturado en Vigo pouco despois, cando denunciaba o fusilamento de Julián Grimau. Fiel ata o final dos seus días, aínda en 2014, con 92 anos, acudía ao consulado arxentino a interpor a súa denuncia na querela daquel país contra os crimes do franquismo.

 

“Poucos libros memorialísticos, de militantes antifranquistas, teñen a naturalidade, a frescura e o xeito destas memorias”.
Xesús Alonso Montero, autor do Prólogo.

 

“O que digo aquí é soamente para que non quede esquecido. Todo o que sabemos daquel terror que invadiu España, que se coñeza”.
David Álvarez Carballido.

 

Entrevistado por Antón Santamarina. Edición de Anahí Almasia e Mariela Sánchez.

Engadir ao carriño
MARÍA VINYALS, LA MUJER DEL PORVENIR
Engadir ao carriño

MARÍA VINYALS, LA MUJER DEL PORVENIR [Edición en castelán]

20,00 €

Siete vidas bajo la sombra de un castillo

 

 

Formato: 23,5 x 15,5 cms. 248 pp.
ISBN castelán 978-84-16460-69-4

 

Esta obra é o resultado dunha profunda e rigorosa investigación, con numeroso material inédito (documental, gráfico e de testemuños orais), sobre a apaixonante historia vital de María Vinyals y Ferrés, nacida en 1875 no Castelo de Soutomaior (Pontevedra).

 

María Vinyals medrou no seo dunha familia acomodada, acumulou intensas experiencias e acabou converténdose nunha prolixa escritora, nunha pioneira do feminismo e nunha muller preocupada pola sociedade que a rodeaba.

 

Na súa vida privada rebelaríase contra o desencanto dun matrimonio desgraciado. Co seu segundo marido –o médico cubano Enrique Lluria– compartiría ideais políticos e sociais, e xuntos chegarían a fundar, en 1910, un gran sanatorio, no vello teatro do propio Castelo de Soutomaior. Fixaron aquí a súa residencia xunto aos seus cinco fillos; catro procedían de matrimonios precedentes.

 

En 1917, afogados polas débedas e marxinados polos seus ideais políticos, María Vinyals e Enrique Lluria abandonarían para sempre o Castelo de Soutomaior. Foi entón cando os seus camiños, e os dos seus fillos Antonio, Enrique, Emilia, María Teresa e Roger, tomarían diferentes rumbos e nunca volverían a atoparse.

 

O presente ensaio histórico (publicado en tres idiomas: galego, castelán e inglés) repasa estas sete vidas que medraron baixo a sombra dun castelo. Desde esta impresionante fortaleza medieval, que hoxe é patrimonio público, propiedade da Deputación de Pontevedra, Diego Piay viaxa máis alá dos seus límites e das súas ameas, máis alá de Pontevedra, Galicia… ou Europa.

 

Esta historia xestouse tras as robustas murallas do castelo e agora, moitos anos despois, regresa ao lugar onde todo comezou.

Engadir ao carriño
Alvarellos Editora
Powered by  GDPR Cookie Compliance
Resumen de privacidade

Utilizamos cookies propias e de terceiros para mellorar os nosos servizos e para mostrarche publicidade personalizada en base a un perfil elaborado a partir dos teus hábitos de navegación (por exemplo, páxinas visitadas).