• 0 Items - 0,00 €
    0
    • Non hai produtos no carriño.
  • 0 Items - 0,00 €
    0
    • Non hai produtos no carriño.
Back Cover
voltear Dosier de Prensa

22,50 €

¡Abajo las armas! ¿Dónde está el pacifismo? 32 miradas incómodas

Prólogo: Federico Mayor Zaragoza
Coordina: Manuel Dios Diz
Escriben 32 das máis solventes voces internacionais

 

240 páginas
13 x 23 cms
ISBN 978-84-18567-40-7
Impreso en Papel Amigo dos Bosques

 

Este ensaio reúne a 32 das máis solventes voces internacionais, expertas en análises e resolución de conflitos. Ante a resposta dada por Occidente á guerra de Ucraína, pregúntanse, un ano despois do inicio da batalla, onde habita o pacifismo. Entre as persoas coautoras figuran David Adams, Ingeborg Breines, Adolfo Pérez Esquivel, Ana Barrero, Carmen Magallón ou Boaventura de Sousa Santos.

 

NOTA DE PRENSA
NP_ESP_(1)_Abajo_las_armas_alvarellos_ed_2023

 

¡Abajo las armas! ¿Dónde está el pacifismo? é o título dunha obra colectiva de profunda reflexión nestes momentos de urxencia ao cumprirse un ano da invasión de Putin a Ucraína. Federico Mayor Zaragoza, exdirector xeral da UNESCO afirma no prólogo:

 

«Que las generaciones que llegan a un paso de nosotros no nos acusen de silencio cuando tan acuciante era nuestra voz. En pie de paz, infatigables en la resistencia, a favor de la democracia auténtica. Que nunca puedan decirnos: “Esperábamos vuestra voz… y no llegó”. Delito de silencio».

 

Baixo a coordinación do educador e histórico activista pola Paz Manuel Dios Diz, este volume reúne a 32 das máis prestixiosas voces internacionais, expertas en análises e resolución de conflitos, que cuestionan a resposta dada por Occidente á guerra de Ucraína. Entre elas figuran David Adams, Ingeborg Breines, Adolfo Pérez Esquivel, Carmen Magallón, Boaventura de Sousa Santos, Tica Font ou Pere Ortega.

 

«Son 32 prestixiosas miradas, todas elas máis ou menos incómodas, en tempos nos que manifestar publicamente discrepancia, optar pola paz e o entendemento, polo diálogo e a solución pacífica dos conflitos, non está ben visto, non está de moda ou, o que é moito peor, significa convivir co sambenito ás costas de “buenista”, “cómplice” ou mesmo de “traidor”».

 

AS 32 MIRADAS INCÓMODAS

David Adams
Jordi Armadans
Manoel Barbeitos
Ana Barrero Tíscar
José A. Binaburo Iturbide
Ingeborg Breines
Irene Comins Mingol
Manuel Dios Diz
Jonan Fernández Erdozia
Lourenzo Fernández Prieto
Tica Font
Emilio Grandío
Rafael Grasa
Xoán Hermida González
Garry Jacobs
Joám Lopes Facal
Carmen Magallón
Karen Marón
Manuela Mesa
María Novo Villaverde
María Oianguren
Pere Ortega
Negoslav P. Ostojić
Adolfo Pérez Esquivel
Victorino Pérez Prieto
Montserrat Ponsa Tarrés
Anaisabel Prera
José Manuel Pureza
Gervasio Sánchez
Yashmina Shawki
Guillermo Solarte Lindo
Boaventura de Sousa Santos

 

 

 

Compartir

Outros semellantes

El alumbrado público…_0001
Engadir ao carriño

El alumbrado público en Santiago

15,00 €

Unha historia de luces e sombras na vella Compostela.

 

Páxinas: 138
Medidas: 13×23
Idioma: castelán
Data de publicación: maio 2009
ISBN: 978-84-89323-29-2
Encadernación: rústica plastificada con lapelas
Ilustracións: fotografías e documentos de época

 

A nova obra do investigador santiagués José Antonio Tojo Ramallo titúlase El alumbrado público en Santiago, un ensaio publicado conxuntamente por Alvarellos Editora e o Consorcio de Santiago. Nel, Tojo Ramallo, quen xa é autor doutros tres libros de historia local, repasa dun xeito ameno e documentado as orixes e desenvolvemento do sistema público de alumeamento, desde as súas orixes hai xustamente dous séculos:

 

Na protohistoria do alumeamento de Santiago sitúanse os coquines ou mullidores, personaxes que, ata o século XVIII, percorrían as rúas portando un facho e unha campaíña e rogando a voces o rezo dun Noso Pai polas ánimas do purgatorio e do Arcebispo Fonseca.

 

DOUSCENTOS ANOS DE LUCES E SOMBRAS

Logo chegaría o aceite. En 1809 instálase en Santiago o primeiro sistema de alumeamento público do que temos noticia. Pretendíase aumentar a seguridade nas rúas ante a invasión dos franceses. Os primeiros farois instaláronse ao redor de 1822, os chamados farois de reverbero, construídos por artesáns locais do latón e do ferro, e mantidos polos vedores.

 

“A NOITE ESTÁ VARRIDA DA TERRA”

Tras o aceite, o gas; e, finalmente, a revolución da luz eléctrica. Santiago foi a primeira cidade de España que probou ese novo invento coñecido como electricidade. Foi un 2 de abril de 1851, no claustro da Universidade. “A noite está varrida da terra”, exclamou unha das testemuñas daquel acontecemento. Pero aínda habería que esperar case medio século para ver chegar a luz eléctrica ás rúas máis céntricas.

 

Un breve pero rigoroso e ameno ensaio dunha época na que a cidade de Santiago foi entrando, aos poucos, niso que chamamos modernidade e progreso. Dous séculos de luces e sombras na vella Compostela.

 

» ver caderniño gráfico

Engadir ao carriño
Os-ultimos-carballos-banquete-conxo-2ª-edi-alvarellos-con-banda
Engadir ao carriño

Os últimos carballos do Banquete de Conxo

19,50 €
[2ª edición actualizada e ampliada]

Formato: 12 x 22 cms.

ISBN 978-84-16460-64-9

Cosido a fío. Impreso en cor.

Edición ao coidado de Henrique Alvarellos.
Autores: Henrique Alvarellos, Xurxo Martínez González, Francisco Singul, Martín Souto e Julio Estrada Nérida.
O libro que impulsou en 2018 a apertura do Bosque do Banquete de Conxo, onde se ergue o Carballo centenario, Árbore do Ano de España 2022 e Segunda Mellor Árbore de Europa 2022.

 

Nova edición ampliada da obra que impulsou a apertura do Bosque do Banquete de Conxo, o espazo natural ao sur de Compostela que fascinou a Rosalía de Castro. Incorpora os tres brindes oficiais daquel insólito acto de fraternidade na Galicia e España de 1856 (os de Aurelio Aguirre, Eduardo Pondal e Luis Rodríguez Seoane) e tamén os clandestinos. Inclúe oitenta fotografías, planos e ilustracións; trinta deles, novos. Coordinados polo responsable da edición e coautor, Henrique Alvarellos, escriben tamén Xurxo Martínez, Francisco Singul, Martín Souto e Julio Estrada.

 

Alvarellos Editora publica a segunda edición actualizada e ampliada d’Os últimos carballos do Banquete de Conxo, a obra que, editada por vez primeira en 2016, impulsou a apertura do histórico Bosque do Banquete de Conxo de 1856. Unha edición ao coidado de Henrique Alvarellos (Lugo, 1968), impulsor da apertura ao público deste espazo natural e histórico.

 

Incorpora máis de trinta novas fotografías e ilustracións, actuais e históricas; os textos completos dos tres brindes pronunciados naquel acto por Aurelio Aguirre, Eduardo Pondal e Luis Rodríguez Seoane, mais tamén a noticia doutros brindes, ata agora descoñecidos, tan atrevidos para o seu tempo que nin sequera chegarían a ser publicados. Xunto a todo isto, moitos datos novos —históricos e literarios— sobre este lugar, un mapa actualizado do bosque e un total de oitenta ilustracións, planos e fotografías.

 

Viaxamos ao espazo natural que tanto fascinou a Rosalía de Castro; ao histórico mosteiro que visitou Federico García Lorca en 1916; ao souto que versificou, na bruma do século XIII, o trobador Joam Airas; e tamén ao lugar de devoción pola Virxe da Cuncha de milleiros de peregrinos dende os tempos medievais.

 

Todos estes feitos figuran concentrados nun espazo concreto ao sur de Compostela: a carballeira do Banquete de Conxo. Nela, un domingo 2 de marzo de 1856 viviríase un feito insólito: a celebración dun banquete democrático onde brindaron xuntos, pola liberdade e a fraternidade, estudantes e artesáns. De aquí xurdirá a xeración que logo vai promover o Rexurdimento pleno da cultura galega.

 

Neste bosque, nas marxes do río Sar, resiste unha fraga onde se erguen os últimos carballos centenarios do Banquete de Conxo, testemuñas vivas de acontecementos únicos na historia de Galicia.

 

Nota de prensa

 

Engadir ao carriño
85
Engadir ao carriño

SANTIAGO A TRAVÉS DE MIS GAFAS

17,00 €

Páxs.: 180
Medidas: 13×23
Encadernación: capa branda con lapelas
Idioma: castelán
Ilustracións: caderniño de 8 páxinas con fotografías
Data de aparición: novembro 2009
ISBN: 978-84-89323-35-3

 

Unha pluma fluída e unha memoria puntual e rica, preñada de anécdotas e datos, converten esta crónica de Santiago Nogueira nunha obra coral, un retrato magnífico do seu tempo, e un valioso testemuño sobre os avatares do século XX en Compostela. Polas páxinas de SANTIAGO A TRAVÉS DE MIS GAFAS desfilan personaxes e acontecementos que moitos composteláns e galegos terán na memoria.

 

O avogado Nogueira viaxa ata os tempos da República e a posterior traxedia da Guerra Civil; retrata, máis adiante, a vida universitaria nos anos 40 e 50, os seus anos de docente na Universidade, a súa afección polo fútbol ou pola música popular ou a súa participación en política como director xeral de Juventud no segundo goberno de Adolfo Suárez (primeiro da democracia), no ministerio de Pío Cabanillas.

 

A paixón pola avogacía preside cada páxina desta obra. Nun dos seus capítulos, Santiago Nogueira describe algún dos casos máis singulares da súa traxectoria profesional, entre eles, o affaire Barreiro, sobre o procesamento do que fora conselleiro de Presidencia José Luís Barreiro Rivas. A través das súas lentes, Nogueira Romero enfoca o pasado, o seu pasado presente. E faino dun xeito honesto, preciso e intelixente.

Engadir ao carriño
¿A QUE ALTURA ESTÁ O CEO? 3ª edición
Engadir ao carriño

¿A que altura está o ceo? (3ª edición)

18,50 €

Jorge Mira

 

13 x 23 cm. 130 pp.
ISBN 3ª edición:
978-84-16460-77-9

 

¿A que altura está o ceo? alcanza a súa terceira edición en galego ­–agora, ampliada e actualizada– ao tempo que aparece publicada tamén a primeira edición en castelán. Ambas chegan avaladas co recoñecemento do prestixioso Premio Ciencia en Acción que recibiu esta obra en 2017 na modalidade de Mellor Material Didáctico de Ciencia. Ademais, esta obra foi, en 2016, o 2º mellor ensaio galego do ano para as lectoras/es da revista Fervenzas Literarias e o 5º ensaio galego máis vendido tamén de 2016 segundo o Caderno da crítica.

 

A que altura está o ceo? Velaquí unha das preguntas que se leva formulando o ser humano desde os albores da súa existencia. Este libro vainos dar a resposta a esta cuestión… e a moitas outras. O físico e comunicador científico Jorge Mira realiza unha apaixonante viaxe no tempo. Comeza na época da Grecia clásica e chega ata os descubrimentos máis recentes sobre o Universo.

 

Despois de ler estas páxinas poderemos responder a cuestións coma estas: por que vemos o ceo azul ou o Sol amarelo? Como se puido saber a que altura están a Lúa, o Sol e os planetas? Como é posible calcular o lonxe que está unha estrela ou unha galaxia? Cal é a idade do Universo? E o seu tamaño? Que quere dicir que o Universo se expande? E a que          v­elocidade o fai? É certo que foi un cura quen primeiro falou do Big Bang?…

 

Benvidas e benvidos a esta aventura.

 

Boa viaxe espacial!

 

Engadir ao carriño
capagalleiraweb
Engadir ao carriño

GALLEIRA PASSPORT

19,00 €

CRÓNICAS VIAXEIRAS DO SÉCULO XXI

 

Formato: 243 pp. 13 x 23 cms
ISBN: 978-84-89323-57-5

 

Relatos de viaxes con historias que atrapan dende o primeiro intre. Galleira é Galicia na xerga gremial dos afiadores, o irónico e mundial barallete. O termo serviulle de alicerce a Luís Menéndez, xornalista ambulante, para ganduxar tres inesquecibles travesías polas realidades multiculturais de 26 países. Desde Irlanda a Bretaña, desde Estonia a Chipre, de Brasil e Timor-Leste ata Mozambique.

 

Con Limiar de Manuel Rivas e ilustrado con fotografías das mellores travesías.

 

Do autor das series documentais da Televisión de Galicia: Terras de Merlín, Terras do Leste e Terras de Acolá. Inclúe un código “QR” con acceso directo á series da TVG que orixinaron estas viaxes.

Engadir ao carriño
Fernando-Alsina-Diario-Guerra-Segunda-Edicion-alvarellos-libro
Engadir ao carriño

FERNANDO ALSINA E O SEU ‘DIARIO DE GUERRA’

22,00 €

[Segunda edición ampliada]

 

322 pp. 13 x 23 cms
ISBN 978-84-89323-81-0

 

****80 ANIVERSARIO GUERRA (IN)CIVIL 1936-2016****

 

Fernando Alsina González foi un destacado cirurxián na Compostela da primeira metade do século XX. Fundador do Sanatorio San Lorenzo (1920) e alcalde de Santiago por un ano (1929), sería un dos asinantes en 1933 do famoso manifesto de apoio ao Estatuto de Galicia. Foi, ademais, consogro do escritor Ramón del Valle-Inclán.

 

Entre setembro de 1936 e febreiro de 1937 estivo en diferentes puntos da fronte de guerra no bando franquista, nos que exerceu labores cirúrxicos. E deixou escrito un detallado diario que agora, oitenta anos despois, ve por fin a luz.

 

A recuperación deste documento —na que participaron activamente tres dos netos do doutor Alsina: Fernando López Alsina, Xaquín del Valle-Inclán Alsina e seu irmán Pancho— é todo un exercicio de memoria histórica. Da memoria dun home conservador, católico, que apoiaba a Franco, pero cuxa peripecia persoal está chea de matices, de afinidades galeguistas e de complexos episodios profesionais e persoais.

 

O especialista Ricardo Gurriarán busca as claves do seu comportamento a través dunha reveladora biografía, ao tempo que analiza a fondo este Diario de guerra. O índice onomástico –con máis de 500 referencias– deste volume, así como as preto de cen fotografías e documentos da época, inéditos, que aquí se recollen (incluídos os do seu ano como alcalde), dan conta da envergadura desta obra.

 

SEGUNDA EDICIÓN AMPLIADA (DECEMBRO 2016)

Un ano despois da publicación da primeira edición (outono, 2015), abordamos en decembro de 2016 esta segunda, corrixida e ampliada. Nela incorpóranse imaxes e documentos inéditos de José Modesto Isaac Devesa Areosa, “Pepiño Areosa”, o home cuxo rostro nunca antes se vira. O seu corpo sen vida apareceu en Cacheiras (Teo) a carón do excalcalde de Santiago, Ánxel Casal, asasinados os dous aquel 19 de agosto de 1936. Sería precisamente Fernando Alsina quen levantase o cadáver de Areosa.

Engadir ao carriño