• 0 Items - 0,00 €
    0
    • Non hai produtos no carriño.
  • 0 Items - 0,00 €
    0
    • Non hai produtos no carriño.
Dosier de Prensa

5,90 €

Sesenta gallegos ilustres

OBRA PERIODÍSTICA OLVIDADA EN VIDA GALLEGA, 1956-1962

Francisco Fernández del Riego

 

Nº páxinas: 343
Lingua: castelán (o 90%) e galego
Medidas: 14×21
Ano 1ª edición: 2005
ISBN: 84–85311–21–3
Encadernación: capa dura
Ilustracións: reprodución dos orixinais de vinte artigos e varias páxinas da revista Vida Gallega correspondentes á súa segunda etapa, dos anos 50 e 60.

 

Recuperamos a valiosa obra xornalística para Vida Gallega dunha das figuras máis relevantes da cultura galega do século XX, Paco del Riego (Lourenzá-Lugo, 1912 – Vigo, 2010). Sesenta artigos escritos nos anos cincuenta e sesenta que permanecían inéditos en libro e nos que o histórico galeguista fai uso dunha prosa altamente suxestiva coa que nos transporta pola historia e o sentir de Galicia a través dos séculos.

 

Trátase de sesenta artigos que este histórico galeguista -unha das figuras máis relevantes da cultura galega do século XX- escribiu entre os anos 1956 e 1962 dentro dunha sección fixa titulada “Perfiles gallegos”, asinada cun dos seudónimos habituais do escritor, Cosme Barreiros.

 

A través dunha prosa altamente suxestiva, en Sesenta gallegos ilustres Fernández del Riego lévanos pola historia e o sentir de Galicia a través dos seus poetas, pintores, músicos, políticos, aventureiros… Entre eles, Vicetto, Castelao, o Conde de Gondomar, Xoán Montes, Diego Gelmírez, Villar Ponte, Domingo Fontán, Couceiro Freijomil, Nóvoa Santos…

 

É o propio autor quen prologou, aos 92 anos, estes textos recuperados, que aparecen nesta coidada edición con outros traballos seus tamén inéditos en libro, e varios orixinais dos seus artigos tal e como os entregou o escritor á redacción de Vida Gallega.

 

PACO DEL RIEGO: “ERAN TEMPOS ESCUROS”

 

No seu Apunte Limiar, Fernández del Riego afirma que estes textos foron publicados nun tempo “de mesta escuridade para as Letras e a Lingua galegas. O uso público do idioma literario aturaba os máis duros atrancos. Fomentábase dende o poder político a desmemoria dos valores autóctonos e de todo o que supuxese afirmación do ser de Galicia”.

 

Así e todo, este novo libro de Fernández del Riego Sesenta gallegos ilustres permítenos comprobar como en cada páxina, e burlando todas as censuras, se transmite unha aberta defensa do ser e a identidade de Galicia.

 

60fdcf5feb7a
Compartir

Autoría

Francisco Fernández del Riego

Francisco Fernández del Riego (Lourenzá-Lugo, 1913 - Vigo, 2010). Profesor de Dereito Penal, comezou a militar nas filas do galeguismo na II República e foi un dos fundadores da Editorial Galaxia (1950). É autor dunha amplísima obra que abarca case todos os xéneros. O seu biógrafo, Antón Mascato, defíneo como “a máis importante das figuras da restauración política e cultural de Galicia do século XX”. Entre os seus traballos escritos cómpre subliñar, ao longo dun labor de máis de setenta anos, o Índice cultural e artístico do renacemento galego (1931), Presencia de Galicia nos vieiros do arte novo (1933), Cos ollos do noso espírito (Bos Aires, 1949), Escolma da poesía galega: os contemporáneos (1955), Escolma da poesía galega: o século XIX (1957), Manual de Historia da literatura galega (1971), Vocabulario castellano-gallego (1979), O río do tempo, unha historia vivida (1990), Un epistolario de Ramón Piñeiro (2000), e Camiño andado (2003), entre outras.
Non se atoparon produtos que concorden coa selección.

>> Escoita ao autor recitando un fragmento do Prólogo Gravado en Vigo o 21 de maio de 2007 (ficheiro .mp3 927.45 KB)

> Escoita ao autor recitando fragmentos desta obra Gravado en Vigo o 9 de novembro de 2005(ficheiro .wma 1,4 MB)

 

“Es una obra cuidada con esmero, que contiene una de las piezas de ese puente que algunos de los gallegos más visionarios han construido para que las generaciones actuales no se extravíen por los laberintos de la desmemoria”. JOSÉ VARELA, en “Culturas” de LA VOZ DE GALICIA, 29/10/05

 

“Unha inmellorábel oportunidade para actualizar o noso coñecemento ou descubrir ángulos inéditos destes sesenta galegos nalgúns casos; noutro permitiranos asistir á descuberta dalgúns deles; mais todos contidos nestes breves e celmosos perfís que nos conducen desde Rosalía a Amor Ruibal, de Viqueira a Ovidio Murguía, de Antolín Faraldo a Curros Enríquez, de Crecente Vega a Pondal, pasando por Manuel Antonio, Carré Aldao, Maside, Risco, Pintos ou Noriega Varela até Pimentel entre moitos outros, nun envoltorio que non desmerece en absoluto da categoría destas achegas. Unha iniciativa, en fin, que só cabe saudar con satisfacción”. RAMÓN NICOLÁS en “Faro da Cultura” de FARO DE VIGO, 17/12/05

 

“Son retratos xornalísticos de persoas do máis dispar, de distintas épocas e profesións. Todos teñen en común que se destacaron no empeño por Galicia, unha característica que outorgaba ás súas biografías en pequeno formato un aquel de reivindicación nun tempo, o do franquismo, no que era arriscado defender ideas como as do galeguismo (entre moitas outras). A proba evidente é que estes artigos están escritos en castelán, pero por eles ben que latexa o espírito galego (é un luxo escoitar ao autor ler algúns destes textos, en www.alvarellos.info)”. XESÚS FRAGA, en “Culturas”, LA VOZ DE GALICIA, 31/12/05

Sesenta gallegos ilustres foi seleccionado como un dos mellores libros galegos do ano 2005, segundo os críticos literarios de La Voz de Galicia.

En 2023 Galicia homenaxea a Francisco Fernández del Riego co Día das Letras Galegas.

Outros semellantes

De-mar-a-mar-cara-a
Engadir ao carriño

De mar a mar

21,50 €

Edición bilingüe

 

172 pp.
13 x 20 cms.
ISBN 978-84-18567-37-7
Capa dura
Impreso en papel Amigo dos Bosques

 

NP_GAL_(1)_de_mar_a_mar_alvarellos_ed_2023

 

O libro que emocionou a García Lorca, Juan Ramón Jiménez, Cunqueiro ou Seoane, rescatado en edición bilingüe

 

Publicado orixinalmente en Madrid en outubro de 1934, De mar a mar é un extraordinario libro de poemas de Feliciano Rolán Vicente (Vigo, 1907 – A Guarda, 1935) que mereceu a gabanza de poetas contemporáneos tan notables como Juan Ramón Jiménez ou Federico García Lorca, e, no noso país, de Álvaro Cunqueiro ou Luís Seoane.

 

No entanto, trala prematura morte do seu autor aos 27 anos, o poemario ficou varado no mar do esquecemento. O presente volume rescata esta magnífica obra e repara o nome do seu creador.

 

Esta edición bilingüe de Alvarellos Editora, publicada na súa Colección Rescate, incorpora unha versión en lingua galega dos textos realizada polo tradutor, poeta e profesor Anxo Angueira.

 

O volume ábrese cun clarificador ensaio de Gregorio Ferreiro Fente, e enriquécese con diverso material (imaxes, manuscritos e debuxos) moi descoñecido, cun cadro bio-bibliográfico de Celso R. Fariñas e cos valiosísimos testemuños literarios de Ricardo Carballo Calero e Carlos Martínez-Barbeito, dous intelectuais que trataron a Feliciano Rolán.

 

Os poemas de De mar a mar son «como berros de afogado», en palabras de Lois Tobío. Son versos que nos han fascinar hoxe coa súa enorme sensibilidade e magnetismo.

Engadir ao carriño
Obra-inedita-esquecida-leandro-carre-capa
Engadir ao carriño

Obra inédita e esquecida

20,00 €

TEATRO, CONTOS, ENSAIOS E LENDAS, 1915-1972

Leandro Carré Alvarellos

 

Nº páxinas: 280
Medidas: 14×21
ISBN: 84–89323–04–6
Colección: “Rescate”
Encadernación: tapa dura
Introdución, escolma e notas: Xosé Manuel Maceira Fernández
Ilustracións: galería gráfica de 8 páxinas con fotos, ilustracións e manuscritos inéditos
Idioma: galego

 

Leandro Carré Alvarellos é un dos galeguistas máis esquecidos. Un home polígrafo, activista, cimentador da identidade de Galicia e autor dunha obra moi extensa e inédita, ata agora, na súa maior parte. Alvarellos Editora recompila nesta nova publicación –que leva por título Obra inédita e esquecida– o mellor da súa produción: unha selección de ensaios, contos, pezas teatrais e lendas que abarcan dende o ano 1915 ata 1972.

 

Aparece, por exemplo, e por primeira vez íntegro, o seu manual de interpretación teatral de 1922 ou varias das súas célebres lendas tradicionais galegas, na súa primeira versión en galego, nunca editadas en Galicia ata agora. Todo este valioso material, xunto con outros textos, complétase cun amplo apartado gráfico: unha fotobiografía inédita, manuscritos, ilustracións do autor para a súa editorial… que proban o indiscutíbel labor e a fonda influencia cultural e social de Leandro Carré Alvarellos na Galicia do primeiro terzo do século XX.

 

Esta coidada edición, que se achega ás 300 páxinas, conta así mesmo cun limiar e notas do profesor Xosé Manuel Maceira Fernández, cuxa tese de doutoramento centrouse precisamente en Carré Alvarellos.

Engadir ao carriño
La-marquesa-de-camba
Engadir ao carriño

La marquesa de Camba

5,90 €

RECUPERADA A NOVELA HISTÓRICA DE 1848

Nº páxinas: 297
Medidas: 14 x 21 cms
Idioma: castelán (limiar en galego)
Saída desta edición: setembro 2008
ISBN: 978-84–89323–19–3
Encadernación: cartoné.
Edición ao coidado de Xosé Ramón Fandiño

 

Esta novela parte dun feito histórico: o asasinato, en xuño de 1366, ás portas da Catedral de Santiago, do arcebispo don Suero Gómez de Toledo mailo seu deán Pedro Álvarez. Un suceso que conmocionou á sociedade da época.

 

O xornalista compostelán Antonio Neira de Mosquera publicou a obra en Madrid en 1848. Os exemplares desa primeira edición foron axiña retirados pola censura, co que o libro pasou a ser un obxecto de culto, inexistente ata hoxe na maior parte das bibliotecas e arquivos.

 

A publicación que agora presentamos, ao coidado de Xosé Ramón Fandiño é a primeira dende aquela de 1848 (se exceptuamos a tradución ao portugués aparecida en Porto en 1852). A novela posúe o atractivo das mellores tramas de acción. Un asasinato que vai xermolando dende as primeiras páxinas entre traizóns, paixóns amorosas, vinganzas… e a clave deste tráxico acontecemento: as loitas polo poder entre dous medios irmáns, Pedro I e Henrique de Trastámara.

Engadir ao carriño
Mas-alla-del-tiempo-alvarellos-ed
Engadir ao carriño

Más allá del tiempo

5,90 €

O libro inédito de 1965

María Mariño

 

Nº páxinas: 180
Medidas: 14 x 21 cms
Idioma: castelán.
Primeira edición: Marzo 2007
ISBN: 978-84–89323–15–5
Encadernación: cartoné.
Ilustracións: o libro inclúe unha galería gráfica con material pouco coñecido ou inédito (epistolario, mecanoscritos, fotografías…) relativo á xestación desta obra.
Limiar e estudo da obra: Helena González

 

[Letras Galegas 2007]

 

Más allá del tiempo é o libro inédito que María Mariño concluíu en 1965 e que permaneceu ilocalizable durante máis de corenta anos. Apareceu xusto cando as Letras Galegas homenaxeaban a esta enigmática escritora, en 2007.

 

Estamos ante o primeiro libro preparado e ordenado directamente por María Mariño. Más allá del tiempo permite despexar todas as incógnitas e recompoñer a fondo a súa obra.

 

Ademais de poeta, descubrimos que era unha narradora orixinal, consciente e insubmisa, con influencia dos movementos de vangarda e reveladoras composicións oníricas. Boa parte do libro semella un relato autobiográfico, que se completa coa até agora descoñecida poesía infantil.

 

Más allá del tiempo é a peza clave para entender a súa obra galega.

 

Esta edición conta cun amplo e documentado estudo introdutorio a cargo da profesora da Universitat de Barcelona, Helena González, responsable tamén da edición do texto.

Engadir ao carriño
El peregrino, de Emilia Pardo Bazán
Engadir ao carriño

El peregrino y otras historias en Compostela

22,90 €

Emilia Pardo Bazán

Os contos e novelas curtas que Emilia Pardo Bazán ambientou na cidade de Santiago de Compostela, reunidos agora nunha coidada edición preparada polo catedrático da Universidade de Santiago, o profesor experto na escritora, José Manuel González Herrán. Inclúe manuscritos e ilustracións orixinais moi pouco coñecidos. Un volume publicado por Alvarellos Editora na súa premiada colección Rescate, en coedición co Consorcio de Santiago.

 

356 pp . 13 x 20,5 cms
ISBN 978-84-18567-04-9
Tapa dura e ilustrado.

Engadir ao carriño
Galicia_ante_todo_alvarellos_libro
Engadir ao carriño

GALICIA ANTE TODO

22,00 €

PÁXINAS ESQUECIDAS DO REXURDIMENTO (1840-1853)

 

Antonio Neira de Mosquera

 

269 pp. | 21×13 cms | Cosido + Tapa dura
ISBN 978-84-16460-21-2

 

O escritor e xornalista Antonio Neira de Mosquera (Santiago, 1823 – A Coruña, 1854) é un dos grandes –e tamén esquecidos– protagonistas da primeira xeración de galeguistas, a que xurdiu na década dos anos corenta do século XIX: os chamados Provincialistas. O presente volume, titulado precisamente cunha das proclamas do autor –“Galicia ante todo”–, rescata vinte escritos de Neira de Mosquera, tanto xornalísticos coma literarios. Unha reveladora escolma onde se trazan as liñas básicas sobre as que se asentaría aquel movemento, a primeira xeración que loitou pola defensa e o rexurdimento de Galicia.

 

O filólogo Xurxo Martínez González, experto no XIX, é o responsable desta edición: ocupouse da selección dos textos e redacta un amplo e revelador estudo introdutorio que sitúa, no seu tempo, a figura clave de Neira de Mosquera. O prólogo asínao toda unha autoridade na materia, o historiador Xosé Ramón Barreiro Fernández.

 

“Ahora o nunca”, exclama o noso protagonista nun dos artigos aquí recollidos, porque a defensa do país non podía agardar máis. Era o mes de abril de 1851.

Engadir ao carriño