14,90 €

Santiago de Compostela desde dentro [Edición en galego]

Name: Santiago de Compostela desde dentro [Edición en galego]
Price: 14.9 EUR
Availability: InStock
Author: Marilar Aleixandre

Unha guía sensible, ecolóxica, feminista e cultural da capital de Galicia

108 pp. 12 x 22 cms.
ISBN 978-84-16460-62-5
Cosida.

Seguindo a liña doutras guías sensibles e respectuosas coa contorna que viron a luz nos últimos anos en varias cidades de Europa, Alvarellos Editora publica Santiago de Compostela desde dentro, de Marilar Aleixandre. Unha guía alternativa, sensible, ecolóxica, feminista e literaria de Compostela.

É outra forma de descubrir unha cidade. De percorrela, sentila e apreciala. Esta guía ilustrada convida a coñecer Santiago de Compostela dun xeito diferente. Unha proposta para viaxeiras e viaxeiros sensibles, que queiran tanto gozar como aprender, ou gozar aprendendo.

A prestixiosa e premiada escritora e académica Marilar Aleixandre (Madrid, 1947) lévanos da man polos territorios máis amenos desta capital de Galicia, mais tamén transita polas paisaxes da imaxinación.

Deste xeito, apalparemos a pedra, escoitaremos a natureza, camiñaremos –entre rúas e bosques– a carón de Rosalía de Castro, Federico García Lorca ou Ramón del Valle-Inclán, e sairán ao paso as mil historias que foron construíndo Compostela.

A autora traza Nove Visitas Singulares e logo Catro Itinerarios moi sedutores, un Territorio das mulleres e un Calendario de Árbores, Flores e Festas.

Ademais, inclúense consellos prácticos sobre onde comer ou que doces ou artesanía mercar.

Santiago de Compostela desde dentro é a primeira guía sensible, íntima, diferente, desta sempre viva e nova cidade medieval.

Autoría: Marilar Aleixandre SKU: 305e4c92fa87 Categoría: Ilustrada [Palabra & imaxe] Etiqueta: Santiago de Compostela e o Camiño

Autoría

Marilar Aleixandre

Marilar Aleixandre (Madrid, 1947) ten unha identidade escindida entre a bioloxía e a escrita, entre a investigación sobre argumentación na Universidade de Santiago de Compostela e a literatura. Talvez por iso a súa poesía está inzada de plantas ventureiras (Desmentindo a primavera, 2002; Desescribindo, 2016; Mudanzas e outros velenos, 2017) e animais que exercen a rebelión (Ovella descarreirada, 2014). Acadou premios polos seus poemarios como o Esquío e o Caixanova-PEN por Mudanzas, unha reescrita das Metamorfoses desde a voz das mulleres. A súa narrativa foi premiada: o Álvaro Cunqueiro (A Compañía clandestina de contrapublicidade, 1997) ou o Xerais por Teoría do caos (2001). En canto a narrativa xuvenil, o Merlín e da Crítica, por A expedición do Pacífico (1995); o Caixa Galicia e White Ravens por A cabeza de Medusa (2008), sobre a violación social que segue á física; ou o Raíña Lupa por A filla do Minotauro (2018). En xaneiro de 2017 ingresou na Real Academia Galega co discurso Voces termando da paisaxe galega. A finais de 2020 ten previsto publicar o ensaio Emilia Pardo Bazán: a muller indómita, escrito con María López Sández.

SantiagoDeCompostelaDesdeDentro_capa_ESP

Santiago de Compostela desde dentro [Edición en castellano]

14,90 €

Marilar Aleixandre

Unha guía sensible, ecolóxica, feminista e cultural da capital de Galicia

108 pp. 12 x 22 cms.
ISBN 978-84-16460-63-2
Cosida.

Seguindo a liña doutras guías sensibles e respectuosas coa contorna que viron a luz nos últimos anos en varias cidades de Europa, Alvarellos Editora publica Santiago de Compostela desde dentro, de Marilar Aleixandre. Unha guía alternativa, sensible, ecolóxica, feminista e literaria de Compostela.

É outra forma de descubrir unha cidade. De percorrela, sentila e apreciala. Esta guía ilustrada convida a coñecer Santiago de Compostela dun xeito diferente. Unha proposta para viaxeiras e viaxeiros sensibles, que queiran tanto gozar como aprender, ou gozar aprendendo.

Deste xeito, apalparemos a pedra, escoitaremos a natureza, camiñaremos –entre rúas e bosques– a carón de Rosalía de Castro, Federico García Lorca ou Ramón del Valle-Inclán, e sairán ao paso as mil historias que foron construíndo Compostela.

A autora traza Nove Visitas Singulares e logo Catro Itinerarios moi sedutores, un Territorio das mulleres e un Calendario de Árbores, Flores e Festas.

Ademais, inclúense consellos prácticos sobre onde comer ou que doces ou artesanía mercar. Santiago de Compostela desde dentro é a primeira guía sensible, íntima, diferente, desta sempre viva e nova cidade medieval.

Engadir ao carriño

Outros semellantes

El Castillo de Soutomaior [Ed. en castelán]

20,00 €

Diego Piay Augusto

Formato: 17×21 cms. 184 pp.
ISBN castelán 978-84-16460-84-7

Todos os castelos encerran historias, pero a do Castelo de Soutomaior é moi especial. O historiador Diego Piay Augusto rescátaa no seu novo libro O castelo de Soutomaior. Un lugar cheo de historias (Alvarellos Editora – Deputación de Pontevedra), que ve a luz no verán de 2020, publicado en tres idiomas (galego, castelán e inglés).

A fortaleza de Soutomaior elévase maxestosa e en silencio, dominando o val do río Verdugo, na provincia de Pontevedra. O seu pasado agóchase tras unhas robustas murallas e remóntase ata o século XII. A fascinación que suscita este lugar atravesou todas as etapas da súa historia e chega ata os nosos días. Propietarios e visitantes ilustres deixaron aquí unha imborrable pegada e forman xa parte para sempre do Castelo de Soutomaior.

Este libro non é un ensaio histórico, nin unha guía ao uso, senón unha obra ilustrada que nos levará a descubrir un castelo que pasou de ser centro de poder na Galicia medieval a caer no esquecemento, para rexurdir novamente a finais do século XIX.

MÁIS DE CEN FOTOGRAFÍAS, ILUSTRACIÓNS E PLANOS

Unha narración enriquecida con multitude de anécdotas e informacións descoñecidas ata hoxe, e que inclúe máis dun centenar de fotografías (históricas e actuais), ilustracións e planos que somerxerán ao lector na historia dun dos monumentos máis sobresaíntes das Rías Baixas.

Engadir ao carriño

GALAICOS. Un pueblo entre dos mundos

24,00 €

Varios Autores

[Edición en castelán]

Formato: 21×17 cms. 184 pp.
ISBN 978-84-16460-47-2

2000 anos de historia de Galicia a través de 20 emblemáticos xacementos.

160 ilustracións e fotografías, xunto con fichas didácticas das escavacións.

Perspectivas aéreas nunca antes vistas, obtidas por medio de drones.

O noroeste da península ibérica é unha das zonas de España con maior densidade de xacementos arqueolóxicos. Esta guía, coeditada por Alvarellos Editora e a Deputación de Pontevedra, mostra 2.000 anos de historia de Galicia –dende a Idade de Bronce ata o primeiro cristianismo– a través de vinte emblemáticos xacementos, ubicados na provincia de Pontevedra.

Galaicos, un pueblo entre dos mundos ofrece unha ampla e atractiva despregadura gráfica, que inclúe 160 impactantes fotografías e ilustracións, con textos e fichas elaboradas polas arqueólogas e arqueólogos que traballaron nas escavacións: Rafael Rodríguez, Antoni Nicolau, Xurxo Ayán, Diego Piay e Mª Luisa Castro.

Eles levarannos a coñecer, de primeira man e de xeito didáctico, a enorme riqueza deste patrimonio cultural único.

A guía inclúe un percorrido polos xacementos de A Cabeciña, Penalba, Santa Trega, A Lanzada, Monte do Facho, Monte do Castro, Alobre, Castrolandín ou Adro Vello, entre moitos outros.

Apórtanse os resultados das máis recentes investigacións, que sitúan a Galicia, na prehistoria, coma ponte entre o Atlántico e o Mediterráneo, e perspectivas aéreas nunca antes vistas, obtidas por medio de drones.

Esta guía lánzase ao mercado coincidindo coa exposición homónima itinerante que se inaugura en Madrid, no Museo Arqueológico Nacional, no outono de 2018, promovida pola Deputación de Pontevedra. Abaixo podemos ver o vídeo promocional desta ambiciosa mostra:

Engadir ao carriño

CAMINO DE SANTIAGO A MUXÍA POR BRANDOMIL (EDICIÓN EN CASTELÁN)

12,90 €

Manuel Vilar Álvarez

116 pp. 12 x 22 cms.
ISBN 978-84-16460-56-4

Unha guía que é toda unha descuberta. Convídanos a percorrer unha senda histórica apenas recoñecida ata hoxe. Trátase do camiño máis dereito entre Compostela e Muxía, empregado dende hai séculos por peregrinos e camiñantes e que ten como un dos emblemas a ponte medieval de Brandomil (ata Negreira coincide co Camiño oficial de Santiago a Fisterra-Muxía).

Unha ruta de 86 quilómetros e que aquí se nos presenta con todos os seus atractivos: plano con etapas, lugares e monumentos para visitar, e ilustrada con setenta e cinco reveladoras fotografías.

Unha guía práctica que nos convida a percorrer con acougo natureza e historia, porque, como afirma o autor, “andar os vellos camiños é reclamar o futuro”.

Engadir ao carriño

Cores para aloumiñar soños

24,00 €

Camilo Gómez Torres

Vida e obra de Miguel Anxo Macía

ISBN: 978-84-89323-76-6
Páxinas: 228
Medidas: 20×19 cm
Idioma: galego
Encadernación: cartonado
Data saída 1ª edición: febreiro 2012

Biografía ilustrada do pintor e escultor Miguel Anxo Macía (Lugo, 1955) elaborada polo profesor Camilo Gómez Torres. Pertencente á coñecida como “Xeración do 75”, Macía, un artista na plenitude do seu proceso creativo, é un dos pintores galegos máis destacados. “A obra de Miguel Anxo Macía —sinala o autor— sorprende pola súa perfección técnica, a mestría do seu debuxo, a exuberancia sensual da súa inesgotábel paleta cromática, a identificación coa terra na que naceu e a tensión emotiva das súas composicións pictóricas”. Este ensaio inclúe unha galería gráfica onde se reproducen máis de 200 obras (cadros e esculturas) do artista, dende os seus primeiros traballos, a comezos dos anos 70, ata a actualidade.

Engadir ao carriño

Memorias do Café Derby (1929-2020)

24,00 €

Fernando Franjo

Páxinas: 192. Formato: 20 x 19 cms.
ISBN 978-84-18567-13-1.
Cosido con fío vexetal.
Impreso en papel amigo dos bosques.

A historia máis íntima e gráfica dun establecemento centenario: o Café Derby (1929-2020) de Santiago de Compostela. Inclúe 130 fotografías e documentos da época, boa parte deles, inéditos. Tamén se inclúen os testemuños de varias xeracións que foron protagonistas dos seus inesquecibles faladoiros.

Engadir ao carriño

A Universidade retratada

24,00 €

Carlos Castelao

Jules David-Cavaz en Galicia (1882)

Carlos Castelao

Páxinas: 132. Formato: 20 x 19 cms.
Impreso a cor en papel ecolóxico. Cosido a fío.

Ven a luz, por vez primeira, os rostros de profesores e alumnos da Universidade de Santiago retratados en 1882. Son as primeiras imaxes en grupo desta institución. O seu autor é o fotógrafo francés Jules David-Cavaz e foron localizadas polo Arquivo Histórico Universitario. A partir deste achado, o fotohistoriador Carlos Castelao leva a cabo un revelador estudo das persoas fotografadas, da propia Universidade de Santiago en 1882 e do moi descoñecido autor Daviz-Cavaz. Este volume publica máis de 150 fotografías daqueles días de 1882; a maior parte delas, descoñecidas. Un documento único.

Engadir ao carriño