64 pp. Tamaño: 9 x 13 cm.
Cosido con fío vexetal.
Capa en cartolina Masterblanck liño 270 gr.
Papel interior: Coral Book W. 90 gr.
Con debuxos de Federico García Lorca realizados en Santiago de Compostela en maio de 1932.
Alvarellos Editora lanza este outono cinco Cadernos lorquianos. Trátase de cinco modelos ilustrados con debuxos que realizou o propio Federico García Lorca en Santiago de Compostela en maio de 1932.
Os orixinais pertencen á Biblioteca do escritor e amigo de Lorca Carlos Martínez-Barbeito (A Coruña, 1913-1997) e permanecen hoxe no Arquivo da Biblioteca Provincial da Deputación da Coruña.
Foron cinco debuxos que Federico García Lorca incluíu como dedicatorias dos seus libros en dous exemplares para Martínez-Barbeito, un de Canciones e outro do Romancero gitano. Segundo testemuño do propio receptor, o poeta andaluz debuxounas en maio de 1932 no hall do Hotel Compostela onde se hospedaba, e utilizando dúas plumas estilográficas prestadas polo seu amigo galego.
Estas cinco ilustracións aparecen publicadas e comentadas –xunto con outras tamén realizadas en Composela– no libro Federico García Lorca en Santiago de Compostela (Alvarellos Editora, 2020), de Henrique Alvarellos, que saíu á luz en outubro de 2020.
Cada un dos modelos de caderno leva un nome identificativo: Pierrot, Biface, Negrita, Floreiro e Cereixas, facendo referencia aos motivos que os ilustran.
García Lorca era tamén un orixinal e inspiradísimo artista plástico. Nos seus debuxos composteláns emprega técnicas superrealistas e liñas delicadas, aparecen elementos florais e rostros bifaces e sobrevoa nalgúns deles a omnipresente idea da morte e do fracaso que define boa parte da súa obra poética e dramática.
COIDADA EDICIÓN E PRESENTACIÓN
Os novos cadernos lorquianos están cosidos a fío e teñen 64 páxinas e unha coidada presentación e edición con cartolina de capa Masterblank liño de 270 gr. e papel interior Coral Book W de 90 gr.
Pódense adquirir a través da web de Alvarellos Editora, www.alvarellos.info, e serviranse baixo pedido ás librarías que as soliciten.
Características
64 pp. Tamaño: 9 x 13 cms.
Cosido con fío vexetal.
Capa en cartolina Masterblanck liño 270 gr.
Papel interior: Coral Book W. 90 gr.
