OS SONS DA BRAÑA

Poesía

Páxs: 97
Lingua: galego
Medidas: 14×21
Publicación 1ª edición: Novembro 2006
Ilustracións: o autor
ISBN-13: 978-84-89323-12-4
ISBN-10: 84-89323-12-7
Encadernación: tapa branda plastificada, con lapelas

Os sons da braña é un canto íntimo aos tempos idos evocado nunha paisaxe moi concreta e especial para o autor, a campiña luguesa. Na súa dobre condición de pintor e escritor, Antonio Yebra de Ares constrúe un retrato apaixonado das xentes do lugar como personaxes dun mundo –o da vida no campo– que hoxe padeceu unha radical transformación. Son tipos humanos desubicados nesta sociedade tan distinta á que eles coñeceron e ollan con estrañeza arredor. Poemas como “O cego do violín”, “A morte na Campiña” ou o que dá título ao libro,”Os sons da braña”, representan un claro exemplo dese desaxuste entre o home de mediados do século XX e o mundo actual, presidido pola globalización. En Os sons da braña hai tamén espazo á homenaxe a poetas admirados (“Lembranza a Manuel María”) ou á loanza de territorios vitais irrenunciables (“A vila de Monterroso”, “Lembranzas do río Ulla”). Todas estas composicións –como sinala o psicopedagogo Díaz Escolante no Prólogo á obra– presentan, así mesmo, unha mirada profunda ao interior de Antonio Yebra. En total, medio cento de poemas escritos dende a cerna mesma da terra amada.