BRETEMADA

BRETEMADA - Imaxe 2

20,00 €

BRETEMADA

1917-1922 [Libro inédito]

ISBN: 978-84-89323-73-5
Páxinas: 227
Medidas: 13×21 cm
Idioma: galego
Ilustracións: varias fotografías —algunhas inéditas— do autor e reprodución das primeiras páxs. do mecanoscrito orixinal.
Encadernación: cartonado
Data 1ª edición: setembro, 2011

“Un acontecemento literario de altísima importancia”. Así define este achado editorial o presidente da Real Academia Galega, Xosé Luís Méndez Ferrín, no limiar a Bretemada, o poemario inédito de Gonzalo López Abente, o escritor e activista cultural a quen en 1971 se lle adicaba o “Día das Letras Galegas”. O libro, integrado por cen poemas, foi escrito entre os anos 1917 e 1922. “Bretemada” é unha metonimia de Galicia. O mecanoscrito orixinal pertence á Real Academia Galega. O profesor e poeta Miro Villar é o responsable do estudo introdutorio e do coidado da edición. Esta obra, editada conxuntamente coa Fundación Gonzalo López Abente, súmase á Colección Rescate (volume nº 15), unha colección gañadora do Premio da Edición de Galicia en 2008 como “Mellor obra editorial do ano”. >> Ver as primeiras páxinas de Bretemada

Autoría: Gonzalo López Abente SKU: 5197c338971c Categoría: Colección Rescate [Clásicos]

Autoría

Gonzalo López Abente

Gonzalo López Abente (Muxía, 1878-1963) foi poeta, narrador, dramaturgo e activista cultural. Estudou Dereito na Universidade de Santiago e viaxou a países como Francia, Bélxica e Holanda. Despois, intalouse no seu pobo natal, Muxía, onde traballou nun banco ata a súa morte. López Abente participou en todos os movementos culturais e políticos na Galicia do seu tempo. Colaborou en periódicos e revistas como El Noroeste, Nós, Rexurdimento, Ronsel, A Nosa Terra... Desde 1925 formou parte do Seminario de Estudos Galegos. Como poeta, comeza coa publicación de Escumas da Ribeira e Alento da raza, nos que describe a paisaxe galega e a súa alma intimamente unida a el. En 1924 publica D'outono e, en 1929, Nemancos. O mar está presente en todos os poemas da súa última obra poética en vida Centileos nas ondas (1958). Tras a súa morte, publicáronse outros dous libros de poemas: Decrúa (1966) e Monza de frores bravas para Nosa Señora da Barca (1971). Polo que á narrativa se refire, comeza en 1919 con O diputado por Veiramar e continúa con O escándalo (1920), O novo xuez (1922), Buserana (1925), Fuxidos (1926) e Vaosilveiro (1929), todas elas novelas curtas de temática amorosa. Como autor teatral, estreou en 1921 a obra de corte sentimental titulada María Rosa, que foi publicada en 1928. A Real Academia Galega dedicoulle o Día das Letras Galegas en 1971.

Non se atoparon produtos que concorden coa selección.

Máis información

02/08/2012Xaneiro, 2012. “A lexitimación da nación galega”. Crítica de Silvia Bermúdez na revista “Grial” nº 193 (xan-mar 2012). 03/02/2012, La Opinión A Coruña , “Bretemada” 23/01/2012, La Opinión Coruña, “Memoria do continuador de Pondal” 23/01/2012, La Voz de Galicia, “Presentan«Bretemada» como un «enorme poema épico de Galicia»” 20/01/2012, La Voz de Galicia, “«López Abente, como Manuel Antonio, era un poeta do mar»” 15/12/2011, La Voz de Galicia, Culturas, “Rescate dunha voz precisa” 30/11/2011, Caderno da crítica, “Bretemada, de Gonzalo López Abente” 30/11/2011, Criticalia, “Poesía bretemeira” 24/10/2011, Que Pasa Na Costa, “A cultura muxiá resoa como a Pedra de Abalar “. 24/10/2011, Terra e Tempo, “Recuperando un dos nosos clásicos: Gonzalo López Abente “. 24/10/2011, Galicia Hoxe, “A editorial Alvarellos recupera no libro ‘Bretemada’ cen poemas inéditos de Gonzalo López Abente”. 23/10/2011, La Voz de Galicia, “«Bretemada» recobra vida en Muxía “. 22/10/2011, La Voz de Galicia, “A Fundación López Abente presenta o poemario inédito «Bretemada» “. 20/10/2011, La Voz de Galicia, “O libro de López Abente é un acontecemento moi importante para a literatura galega “. 11/10/2011, La Voz de Galicia, “Sae á luz «Bretemada» con cen poemas inéditos de López Abente “. 29/09/2011, La Voz de Galicia, “Un libro inédito de Gonzalo López Abente llegará a las librerías el próximo mes “. 29/09/2011, El Correo Gallego, “A imprenta un poemario inédito de López Abente “.

Outros semellantes

Capa DIARIOS DE VIAJE

DIARIOS DE VIAJE

17,00 €

Valentín Paz-Andrade

Los itinerarios inéditos de América, 1952-1955

Formato: 180 pp. 13×23 cms
ISBN: 978-84-89323-84-1

Estes “Diarios de viaje” de Valentín Paz-Andrade (Lérez-Pontevedra, 1898 – Vigo, 1987) permanecían inéditos dende hai sesenta anos. O seu autor, poeta, xornalista, economista e empresario, e tamén político galeguista, percorreu o Novo Continente, dende Canadá ata Chile, na década dos cincuenta do século pasado. Fíxoo como Delegado para América Latina da FAO (Organización das Nacións Unidas para a Alimentación e a Agricultura), pois era un recoñecido especialista en economía pesqueira. O resultado daquela experiencia é este delicioso libro de viaxes. Unha prosa riquísima que combina o lirismo fondo do poeta cunha análise profunda e certeira dos lugares, xentes e acontecementos que ía atopando ao seu paso. Anotacións ás veces manuscritas, outras pasadas a máquina, que foron descubertas pola historiadora Emilia García, e que aparecen aquí acompañadas de fotografías, postais ou ilustracións da época, gardadas polo autor entre as follas esquecidas dos seus Diarios.

Engadir ao carriño

Obra-inedita-esquecida-leandro-carre-capa

Obra inédita e esquecida

20,00 €

Leandro Carré Alvarellos

TEATRO, CONTOS, ENSAIOS E LENDAS, 1915-1972

Leandro Carré Alvarellos

Nº páxinas: 280
Medidas: 14×21
ISBN: 84–89323–04–6
Colección: “Rescate”
Encadernación: tapa dura
Introdución, escolma e notas: Xosé Manuel Maceira Fernández
Ilustracións: galería gráfica de 8 páxinas con fotos, ilustracións e manuscritos inéditos
Idioma: galego

Leandro Carré Alvarellos é un dos galeguistas máis esquecidos. Un home polígrafo, activista, cimentador da identidade de Galicia e autor dunha obra moi extensa e inédita, ata agora, na súa maior parte. Alvarellos Editora recompila nesta nova publicación –que leva por título Obra inédita e esquecida– o mellor da súa produción: unha selección de ensaios, contos, pezas teatrais e lendas que abarcan dende o ano 1915 ata 1972.

Aparece, por exemplo, e por primeira vez íntegro, o seu manual de interpretación teatral de 1922 ou varias das súas célebres lendas tradicionais galegas, na súa primeira versión en galego, nunca editadas en Galicia ata agora. Todo este valioso material, xunto con outros textos, complétase cun amplo apartado gráfico: unha fotobiografía inédita, manuscritos, ilustracións do autor para a súa editorial… que proban o indiscutíbel labor e a fonda influencia cultural e social de Leandro Carré Alvarellos na Galicia do primeiro terzo do século XX.

Esta coidada edición, que se achega ás 300 páxinas, conta así mesmo cun limiar e notas do profesor Xosé Manuel Maceira Fernández, cuxa tese de doutoramento centrouse precisamente en Carré Alvarellos.

Engadir ao carriño

De-mar-a-mar-cara-a

De mar a mar

21,50 €

Feliciano Rolán

Edición bilingüe

172 pp.
13 x 20 cms.
ISBN 978-84-18567-37-7
Capa dura
Impreso en papel Amigo dos Bosques

NP_GAL_(1)_de_mar_a_mar_alvarellos_ed_2023

O libro que emocionou a García Lorca, Juan Ramón Jiménez, Cunqueiro ou Seoane, rescatado en edición bilingüe

Publicado orixinalmente en Madrid en outubro de 1934, De mar a mar é un extraordinario libro de poemas de Feliciano Rolán Vicente (Vigo, 1907 – A Guarda, 1935) que mereceu a gabanza de poetas contemporáneos tan notables como Juan Ramón Jiménez ou Federico García Lorca, e, no noso país, de Álvaro Cunqueiro ou Luís Seoane.

No entanto, trala prematura morte do seu autor aos 27 anos, o poemario ficou varado no mar do esquecemento. O presente volume rescata esta magnífica obra e repara o nome do seu creador.

Esta edición bilingüe de Alvarellos Editora, publicada na súa Colección Rescate, incorpora unha versión en lingua galega dos textos realizada polo tradutor, poeta e profesor Anxo Angueira.

O volume ábrese cun clarificador ensaio de Gregorio Ferreiro Fente, e enriquécese con diverso material (imaxes, manuscritos e debuxos) moi descoñecido, cun cadro bio-bibliográfico de Celso R. Fariñas e cos valiosísimos testemuños literarios de Ricardo Carballo Calero e Carlos Martínez-Barbeito, dous intelectuais que trataron a Feliciano Rolán.

Os poemas de De mar a mar son «como berros de afogado», en palabras de Lois Tobío. Son versos que nos han fascinar hoxe coa súa enorme sensibilidade e magnetismo.

Engadir ao carriño

Capa-Faraldo-con-Premio-2024

Querida Liberdade

24,00 €

Antolín Faraldo

Vida e obra dun precursor do Rexurdimento

Antolín Faraldo

Edición e estudo de Xurxo Martínez González

420 pp . 13 x 20,5 cms.
ISBN: 978-84-18567-17-9

Premio de Investigación Ramón Baltar Feijoo 2024

No 200 aniversario do seu nacemento, este volume aborda, por vez primeira dun xeito integral, a vida e a obra de quen Manuel Murguía definiu como «el primero y el mejor»: Antolín Faraldo, a voz de toda unha xeración, a alma da revolución de 1846, unha figura case mítica no imaxinario galego e que hoxe aínda segue a ser un gran descoñecido.

Querida Liberdade contén, por unha banda, un amplo estudo introdutorio, a cargo de Xurxo Martínez González, que nos mergulla de maneira trepidante nunha época tan apaixonada: con ritmo, estruturado en breves epígrafes e cunha clara vontade didáctica e divulgativa. Tras el, unha completa antoloxía con 45 artigos de Faraldo.

Empezar-lectura-QUERIDA-LIBERDADE-Antolin-Faraldo-2022

Nota de Prensa e resumo Querida Liberdade-Antolín Faraldo

Engadir ao carriño

Mas-alla-del-tiempo-alvarellos-ed

Más allá del tiempo

5,90 €

O libro inédito de 1965

María Mariño

Nº páxinas: 180
Medidas: 14 x 21 cms
Idioma: castelán.
Primeira edición: Marzo 2007
ISBN: 978-84–89323–15–5
Encadernación: cartoné.
Ilustracións: o libro inclúe unha galería gráfica con material pouco coñecido ou inédito (epistolario, mecanoscritos, fotografías…) relativo á xestación desta obra.
Limiar e estudo da obra: Helena González

[Letras Galegas 2007]

Más allá del tiempo é o libro inédito que María Mariño concluíu en 1965 e que permaneceu ilocalizable durante máis de corenta anos. Apareceu xusto cando as Letras Galegas homenaxeaban a esta enigmática escritora, en 2007.

Estamos ante o primeiro libro preparado e ordenado directamente por María Mariño. Más allá del tiempo permite despexar todas as incógnitas e recompoñer a fondo a súa obra.

Ademais de poeta, descubrimos que era unha narradora orixinal, consciente e insubmisa, con influencia dos movementos de vangarda e reveladoras composicións oníricas. Boa parte do libro semella un relato autobiográfico, que se completa coa até agora descoñecida poesía infantil.

Más allá del tiempo é a peza clave para entender a súa obra galega.

Esta edición conta cun amplo e documentado estudo introdutorio a cargo da profesora da Universitat de Barcelona, Helena González, responsable tamén da edición do texto.

Engadir ao carriño

Murguia-o-patriarca

Murguía, o Patriarca. A biografía inédita de 1953

29,50 €

Lois Carré Alvarellos

Lois Carré Alvarellos

552 pp . 13 x 20 cms.
ISBN 978-84-18567-42-1
Capa dura
Papel FSC Amigo dos Bosques

NP_G_publicación-MURGUIA-O-PATRIARCA-Lois-carré-2023-06-02

Setenta anos despois da súa redacción, publicamos esta meticulosa biografía de Manuel Murguía, Murguía, o Patriarca, escrita por Lois Carré Alvarellos (A Coruña, 1898-1965) e conservada inédita ata hoxe nun mecanoscrito de 370 páxinas. Abarca desde o nacemento do historiador en 1833 ata o ano 1882, pouco antes do falecemento da súa esposa e colega, Rosalía de Castro.

Malia que non puido rematar o seu traballo, a edición deste volume contribuirá de maneira decisiva á reconsideración da figura de Murguía, a quen por certo Lois Carré coñeceu e tratou persoalmente na súa infancia e adolescencia.

As profesoras Olivia Rodríguez González e Esther García de Lucas destacan no Limiar (onde se incorporan numerosas fotografías descoñecidas do autor) a minuciosa bibliografía manexada por Lois Carré, nun texto que combina desde certas doses de novela histórica ata extensos apartados «con raíces no Positivismo científico» onde todo debía ser documentado.

«Lois Carré presenta a vida de Murguía como exemplar, dentro do contexto do pasado colectivo vivido desde a ideoloxía nacionalista», sinalan as profesoras.
A publicación deste novo volume da Colección Rescate coincide coa conmemoración do centenario da morte de quen foi e é considerado o Patriarca das Letras Galegas.

Engadir ao carriño