Autor

Xosé Lastra Muruais

XOSÉ LASTRA MURUAIS (A Pontenova, 1952) exerceu como mestre de Educación Primaria en colexios de Ferrol, A Coruña e Terrassa. Foi director dos colexios de Punta Arnela, A Laxe-Valón e Manuel Masdías. É membro fundador do grupo Avantar e de Nova Escola Galega (NEG), da que actualmente é presidente. Tamén é coautor e/ou coordinador dos dous modelos de normalización lingüística para o ensino publicados por NEG e membro da Coordinadora e da Mesa estatal de Movementos de Renovación Pedagóxica, así como coordinador e/ou coautor de diferentes materiais relacionados coa lingua galega, ciencias sociais e naturais ou coa súa didáctica no ensino. Foi coordinador editorial do Dicionario Xerais da Lingua. É, así mesmo, coautor xunto con Xiana Lastra d’O meu primeiro Celso Emilio e d’A miña primeira Rosalía; con Manuel Veiga, de Manuel María. Vida, versos e rebeldía. Retorno sen volta é o seu primeiro libro de poesía. Para contactar co autor: [email protected].

Libros do Autor

Retorno sen volta

13,00 €

Xosé Lastra Muruais

Nota de Prensa de “Retorno sen volta”

47º Premio de Poesía do Concello de Vilalba

Xosé Lastra Muruais

70 pp. 14 x 21 cms.
ISBN: 978-84-18567-19-3

O paso fuxidío do tempo e o imposible retorno son algúns dos temas sobre os que reflexiona o autor neste libro de poemas, unha obra que recibiu en 2021 o Premio do Certame Literario do Concello de Vilalba. Está ilustrada por Leandro Lamas e conta cun Limiar da poeta Rosalía Fernández Rial.

Engadir ao carriño