Autor

Ramón Otero Pedrayo

Ramón Otero Pedrayo (Ourense 1888-1976) foi o máis grande construtor da identidade galega. Catedrático de Xeografía e Historia, integrante da Xeración Nós, deputado na II República… O seu saber monumental e a súa extraordinaria capacidade oratoria convertérono, xa en vida, no Patriarca das Letras Galegas. “Abrazarte a ti é abrazar Galicia”, dixo del Castelao.

Libros do Autor

Teoría de Galicia

22,00 
Obra xornalística completa en Vida Gallega, 1926-1963

Ramón Otero Pedrayo

 

Ramón Otero Pedrayo foi o primeiro columnista de prensa en escribir habitualmente en galego. En Teoría de Galicia aparecen editados, por vez primeira en libro, os 72 escritos que o Patriarca das Letras Galegas publicou, entre 1926 e 1963, na revista Vida Gallega. Un coidado volume onde se dan a man prosas líricas e crónicas da época, ensaios e relatos de ficción. A visión conxunta de todos estes escritos enxerga toda unha teoría de Galicia.

Á parte dos textos recóllense nesta edición varios manuscritos inéditos do autor e fotografías dunha vida consagrada á cultura e a defensa do país. O profesor, historiador e escritor Marcos Valcárcel asina o estudo introdutorio “Otero Pedrayo no xornalismo galego”.