Autor

Martín Álvarez González

Martín Álvarez González (Ourense, 1974) é profesor de Cociña do Instituto de Ensino Secundario de Vilamarín (Ourense). Preside a Asociación Cultural “As Ortigas”, un colectivo que loita por prestixiar as propiedades da planta urtica dioica. O seu libro 45 recetas con ortigas (Alvarellos Editora) foi recoñecido en 2006 con dous premios Gourmand: como mellor monográfico gastronómico editado en español e Medalla de Honra do xurado internacional. É tamén autor de Estrugas (2006), O barquilleiro d'olvido (2009), colaborador desde 2007 da revista Auria e foi nomeado en 2010 Confrade de Honra da asociación "Amigos da Urtiga" de Portugal.

Libros do Autor

45 RECETAS CON ORTIGAS

16,00 

La propuesta más imaginativa de la Nova Cociña Galega
Nº páxinas: 99
Lingua: castelán
Medidas: 18×18 cms.
ISBN: 84–89323–07–0
Encadernación: tapa blanda con lapelas, plastificada

 

A gastronomía galega amplía os seus horizontes. Este libro é toda una novidade no riquísimo panorama gastronómico galego e español, unha obra que nos abrirá os ollos a un mundo de novas sensacións, sabores e texturas.

A proposta máis imaxinativa da Nova Cociña Galega, todo un tratado sobre a ortiga como ingrediente con cualidades excepcionais para a cocina doce ou salgada, exquisita en revoltos, empanadas, cremas, potaxes, xeados…

GUÍA SECRETA DA GASTRONOMÍA DE GALICIA: OURENSE

16,00 

Páxinas: 138
Medidas: 18×18 cm
Idioma: galego
Data de publicación 1ª edición: xuño 2010
ISBN: 978-84-89323-43-8
Encadernación: tapa branda plastificada con lapelas
Colección: “A lume lento”

 

En Alvarellos Editora principiamos unha peculiar viaxe gastronómica por Galicia. E facémolo pola provincia máis xenuína: Ourense.

 

O autor desta nova guía “secreta” que agora presentamos xa fora quen de gañar dous premios Gourmand en 2006 co seu orixinal libro 45 recetas con ortigas (Alvarellos Editora) e hoxe ofrécenos unha nova proposta que é tamén unha loita contra o esquecemento: a Guía secreta da gastronomía galega cuxo tomo primeiro conságrase á provincia de Ourense.

 

Martín Álvarez percorre as feiras, as festas, as romarías e os mercados do seu país ourensán e recolle deles as tradicións gastronómicas, as receitas ou os usos culinarios que corren o risco de se perder no mundo da globalización, pero que son unha das expresións máis fondas da nosa identidade.

 

Capítulo a capítulo vai pescudando, coma un Cunqueiro do século XXI, o país do millón de vacas. E nárranos a gastronomía dos peixes terra dentro, a horta do rianxo, os licores que elevan o espírito, os pans de millo e fariña triga, a repostería do arroz con leite, das chulas e das rosquillas… E atende tamén a eses establecementos –tendas, restaurantes, tabernas– onde degustar algo único. “O meu obxectivo é espertar no lector a sensibilidade por amar todo aquilo que forma parte da nosa cultura, para así conservalo e deixárllelo como legado a xeracións futuras”.

 

Abramos, pois, as páxinas desta historia de sabores vellos, de sabores esquecidos, de sabores sorprendentes… E loitemos porque non morran. A obra pertence á colección “A lume lento” desta editorial; é o primeiro de catro volumes, un por provincia, que sairán á venda nos próximos meses.

 

O seguinte, dedicado a Lugo, foi escrito polo gastrónomo Miguel Vila.