• 0 Items - 0,00 €
    0
    • Non hai produtos no carriño.
  • 0 Items - 0,00 €
    0
    • Non hai produtos no carriño.

27,50 €

MULLERES ENTRE REDES

Cartoné. 112 pp. 24 x 24 cms.
ISBN 978-84-89323-95-7

 

A artista plástica Ana Cancela confeccionou esta obra na que reivindica o tradicional oficio das redeiras.

 

Ao longo de 112 páxinas, a autora leva a cabo un suxestivo percorrido visual polo mundo das redeiras empregando, para iso, diversas técnicas artísticas que mesturan fotografía, gravado dixitalizado, debuxo e colaxe. A carón da obra plástica, o libro recolle tamén unha serie de textos procedentes de varios autores e relacionados sempre coa dignidade da muller, da muller traballadora, e coa defensa do oficio das redeiras.

 

As imaxes recollidas na obra proceden de redeiras de Portonovo, no municipio de Sanxenxo.

 

O PARADOXO DUN OFICIO TRADICIONAL

Como sinala no seu Limiar o filósofo Marcelino Agís, «Mulleres entre redes amosa un oficio tradicional, o das redeiras, mergullado nun sorprendente paradoxo. Por unha banda, é unha actividade imprescindible para a pesca: sen redes non se pode saír faenar. Por outra, trátase dun traballo que nos fala da invisibilidade da muller que o realiza: está no peirao pero ninguén pode ver esas mans que reparan as redes coas súas puntadas. Se cadra por esta razón este libro é ao mesmo tempo un testemuño dun traballo ancestral e unha reivindicación da dignificación e visibilidade deste oficio».

 

DO INVISIBLE AO VISIBLE

5e0942ca2955
Compartir

Autoría

Ana Cancela Muras

Ana Cancela (Santiago de Compostela, 1957). Estuda Psicoloxía na Universidade de Santiago (1976-1981) e asiste á Academia de Arte do pintor Xoán Pardiñas en San Martiño Pinario. Reside en Sanxenxo dende 1991. Prosegue a súa formación artística na Escola de Arte do pintor Miguel Mantilla. Realiza cursos de gravado na Deputación de Pontevedra no ano 1999. Desde 1993 a 1995, imparte os primeiros cursos de pintura e debuxo patrocinados polo Concello de Sanxenxo, sendo a iniciadora da actual Escola Municipal de Arte. No ano 2009, principia os seus estudos de Belas Artes en Pontevedra. Gradúase en 2013. Así mesmo, desde o ano 2010 é a directora do Seminario de Estudos Locais de Sanxenxo (Foro Galicia Milenio), asociación que naceu co obxectivo de promover e catalogar neste municipio a súa etnografía, patrimonio, historia e tradicións populares. 
Non se atoparon produtos que concorden coa selección.

15-06-15 El Correo Gallego. Artigo de Marcelino Agís Villaverde: http://www.elcorreogallego.es/opinion/ecg/marcelino-agis-villaverde-homenaxe-as-redeiras/idEdicion-2015-06-15/idNoticia-937583/

14-04-2015 Diario de Pontevedra En el nombre de las rederas: http://diariodepontevedra.galiciae.com/noticia/376735/en-el-nombre-de-las-rederas

06-04-2015 El Correo Gallego. Artigo de Marcelino Agís Villaverde: http://www.elcorreogallego.es/opinion/ecg/marcelino-agis-villaverde-mulleres-redes/idEdicion-2015-04-06/idNoticia-924867/

Outros semellantes

O castelo de Soutomaior [Ed. en galego]
Engadir ao carriño

The Soutomaior Castle [English Ed.]

20,00 €

Size: 17×21 cms. 184 pp.
English ISBN 978-84-16460-86-1

 

Todos os castelos encerran historias, pero a do Castelo de Soutomaior é moi especial. O historiador Diego Piay Augusto rescátaa no seu novo libro O castelo de Soutomaior. Un lugar cheo de historias (Alvarellos Editora-Deputación de Pontevedra) que ve a luz no verán de 2020, publicado en tres idiomas (galego, castelán e inglés).

 

A fortaleza de Soutomaior elévase maxestosa e en silencio, dominando o val do río Verdugo, na provincia de Pontevedra. O seu pasado agóchase tras unhas robustas murallas e remóntase ata o século XII. A fascinación que suscita este lugar atravesou todas as etapas da súa historia e chega ata os nosos días. Propietarios e visitantes ilustres deixaron aquí unha imborrable pegada e forman xa parte para sempre do Castelo de Soutomaior.

 

Este libro non é un ensaio histórico, nin unha guía ao uso, senón unha obra ilustrada que nos levará a descubrir un castelo que pasou de ser centro de poder na Galicia medieval a caer no esquecemento, para rexurdir novamente a finais do século XIX.

 

MÁIS DE CEN FOTOGRAFÍAS, ILUSTRACIÓNS E PLANOS

Unha narración enriquecida con multitude de anécdotas e informacións descoñecidas ata hoxe, e que inclúe máis dun centenar de fotografías (históricas e actuais), ilustracións e planos que somerxerán ao lector na historia dun dos monumentos máis sobresaíntes das Rías Baixas.

Engadir ao carriño
SantiagoDeCompostelaDesdeDentro_capa_ESP
Engadir ao carriño

Santiago de Compostela desde dentro [Edición en castellano]

14,90 €

Unha guía sensible, ecolóxica, feminista e cultural da capital de Galicia

 

108 pp. 12 x 22 cms.
ISBN 978-84-16460-63-2
Cosida.

 

Seguindo a liña doutras guías sensibles e respectuosas coa contorna que viron a luz nos últimos anos en varias cidades de Europa, Alvarellos Editora publica Santiago de Compostela desde dentro, de Marilar Aleixandre. Unha guía alternativa, sensible, ecolóxica, feminista e literaria de Compostela.

 

É outra forma de descubrir unha cidade. De percorrela, sentila e apreciala. Esta guía ilustrada convida a coñecer Santiago de Compostela dun xeito diferente. Unha proposta para viaxeiras e viaxeiros sensibles, que queiran tanto gozar como aprender, ou gozar aprendendo.

 

A prestixiosa e premiada escritora e académica Marilar Aleixandre (Madrid, 1947) lévanos da man polos territorios máis amenos desta capital de Galicia, mais tamén transita polas paisaxes da imaxinación.

 

Deste xeito, apalparemos a pedra, escoitaremos a natureza, camiñaremos –entre rúas e bosques– a carón de Rosalía de Castro, Federico García Lorca ou Ramón del Valle-Inclán, e sairán ao paso as mil historias que foron construíndo Compostela.

 

A autora traza Nove Visitas Singulares e logo Catro Itinerarios moi sedutores, un Territorio das mulleres e un Calendario de Árbores, Flores e Festas. 

 

Ademais, inclúense consellos prácticos sobre onde comer ou que doces ou artesanía mercar. Santiago de Compostela desde dentro é a primeira guía sensible, íntima, diferente, desta sempre viva e nova cidade medieval.

Engadir ao carriño
Guía verde_0001
Engadir ao carriño

Guía verde de Santiago (castellano)

12,00 €

UN PERCORRIDO ALTERNATIVO E INÉDITO POLA CAPITAL DE GALICIA
(Edición en Castelán)

 

Pp.: 216
Medidas: 12×22
Encadernación: capa branda plastificada
Idioma: castelán
Data de aparición: 30 de decembro 2009
ISBN: 978-84-89323-32-2

 

Chega ás librarías unha guía nova e orixinal de Compostela que se ocupa dun aspecto moi pouco tratado ata hoxe, pese a que a capital de Galicia é unha das cidades con máis metros cadrados de parques e xardíns por habitante de toda a Península Ibérica.

 

Trátase da Guía verde de Santiago, unha obra coeditada co Museo de Historia Natural da USC e que conta coa colaboración da Concellaría de Medio Ambiente e Desenvolvemento Sustentable do Concello de Santiago. A guía, que sae publicada en dúas edicións, galego e castelán, está avalada polo Museo de Historia Natural da Universidade de Santiago. A directora deste Museo, a botánica María Isabel Fraga, é a coordinadora do libro ademais de ser a autora dos textos, en colaboración con Martín Souto e Daniel Castro. Tamén participan Xan Guerra e Francisco Leonardo.

 

PAPEL ECOLÓXICO E 250 FOTOGRAFÍAS

Impresa en papel reciclado e ecolóxico (procedente de bosques sustentables), esta primeira guía verde da cidade é toda unha descuberta. Un volume ameno, didáctico e sinxelo que inclúe 250 fotografías a toda cor, ilustracións e mapas de 18 parques e xardíns e fichas prácticas de 130 especies arbóreas.

 

En total, 216 páxinas nas que se traza un percorrido a través das sorprendentes zonas verdes da capital de Galicia. O libro divídese en dúas partes: a primeira céntrase nos parques máis representativos do núcleo urbano: Alameda, San Lourenzo, Campus Sur, Eugenio Granell, Bonaval, Belvís…

 

De cada un destes espazos vaise describindo a súa historia, singularidades e especies arbóreas. A segunda parte é toda unha guía botánica con fichas, fotos, debuxos e comentarios de 130 especies arbóreas que están presentes nos parques e xardíns de Compostela.

 

Ver Edición en Galego

Engadir ao carriño
O castelo de Soutomaior [Ed. en galego]
Engadir ao carriño

O Castelo de Soutomaior [Edición en galego]

20,00 €

Diego Piay

 

Formato: 17×21 cms. 184 pp.
ISBN galego 978-84-16460-85-4

 

Todos os castelos encerran historias, pero a do Castelo de Soutomaior é moi especial. O historiador Diego Piay Augusto rescátaa no seu novo libro O castelo de Soutomaior. Un lugar cheo de historias (Alvarellos Editora-Deputación de Pontevedra) que ve a luz no verán de 2020, publicado en tres idiomas (galego, castelán e inglés).

 

A fortaleza de Soutomaior elévase maxestosa e en silencio, dominando o val do río Verdugo, na provincia de Pontevedra. O seu pasado agóchase tras unhas robustas murallas e remóntase ata o século XII. A fascinación que suscita este lugar atravesou todas as etapas da súa historia e chega ata os nosos días. Propietarios e visitantes ilustres deixaron aquí unha imborrable pegada e forman xa parte para sempre do Castelo de Soutomaior.

 

Este libro non é un ensaio histórico, nin unha guía ao uso, senón unha obra ilustrada que nos levará a descubrir un castelo que pasou de ser centro de poder na Galicia medieval a caer no esquecemento, para rexurdir novamente a finais do século XIX.

 

MÁIS DE CEN FOTOGRAFÍAS, ILUSTRACIÓNS E DOCUMENTOS

Unha narración enriquecida con multitude de anécdotas e informacións descoñecidas ata hoxe, e que inclúe máis dun centenar de fotografías (históricas e actuais), ilustracións e planos que somerxerán ao lector na historia dun dos monumentos máis sobresaíntes das Rías Baixas.

Engadir ao carriño
9788418567230sarelapaisaxecultural
Engadir ao carriño

Sarela. Paisaxe cultural

24,00 €

José Manuel Ortigueira Bobillo

 

Páxinas 180. Formato: 20 x 19 cms.
ISBN 978-84-18567-23-0
Impreso en papel FSC Amigo dos Bosques

 

 

Esta obra será todo un agasallo para os amantes da natureza, da historia e da nosa riqueza fluvial e etnográfica. Percorre os dez quilómetros do río Sarela de Santiago descubrindo unha paisaxe inédita e un patrimonio único. A través de máis de cen fotografías, inclúe tamén un detallado mapa onde localizar todos os contidos.

Engadir ao carriño
Cores para aloumiñar sonos_0001
Engadir ao carriño

Cores para aloumiñar soños

24,00 €

Vida e obra de Miguel Anxo Macía

 

ISBN: 978-84-89323-76-6
Páxinas: 228
Medidas: 20×19 cm
Idioma: galego
Encadernación: cartonado
Data saída 1ª edición: febreiro 2012

 

Biografía ilustrada do pintor e escultor Miguel Anxo Macía (Lugo, 1955) elaborada polo profesor Camilo Gómez Torres. Pertencente á coñecida como “Xeración do 75”, Macía, un artista na plenitude do seu proceso creativo, é un dos pintores galegos máis destacados. “A obra de Miguel Anxo Macía —sinala o autor— sorprende pola súa perfección técnica, a mestría do seu debuxo, a exuberancia sensual da súa inesgotábel paleta cromática, a identificación coa terra na que naceu e a tensión emotiva das súas composicións pictóricas”. Este ensaio inclúe unha galería gráfica onde se reproducen máis de 200 obras (cadros e esculturas) do artista, dende os seus primeiros traballos, a comezos dos anos 70, ata a actualidade.

Engadir ao carriño